Skessuhorn - 20.06.2018, Blaðsíða 31
MIÐVIKUDAGUR 20. JÚNÍ 2018 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Körfuknattleiksþjálfarinn Ingi Þór
Steinþórsson hefur látið af störf-
um hjá Snæfelli. Þetta kemur fram
í tilkynningu á vef félagsins síðasta
miðvikudag. Ingi Þór þykir einn
af bestu körfuknattleiksþjálfurum
landsins. Hann hóf störf hjá Snæ-
felli árið 2009 og hefur þjálfað báða
meistaraflokka félagsins, auk þess
að halda utan um starf yngri flokka
félagsins.
Hann á að baki glæstan feril
sem þjálfari karla- og kvennaliðs
Snæfells. Undir hans stjórn varð
kvennalið Snæfells Íslandsmeistari
þrjú ár í röð, 2014, 2015 og 2016,
auk þess að vinna bikarmeistaratit-
ilinn 2016 og deildarmeistaratitil-
inn 2014, 2015 og 2017.
Karlaliðið Snæfells gerði hann
að Íslands- og bikarmeisturum árið
2010, auk þess að fagna með þeim
deildarmeistaratitlinum 2011.
„Það er skemmst frá því að segja
að framlag hans til körfuboltans hér
í Hólminum bæði innan vallar sem
utan hefur verið ótrúlegt og eftir
því tekið,“ segir Gunnar Svanlaugs-
son, formaður kkd. Snæfells. „Fyr-
ir hönd leikmanna, stuðningsfólks,
styrktaraðila sem og stjórnar þakka
ég Inga Þór og fjölskyldu fyrir mik-
inn metnað og elju í öllum sínum
verkum til félagsins. Um leið ósk-
um við þeim velfarnaðar á nýjum
vettvangi.“
Sama dag og sagt var frá því að
Ingi Þór hefði látið af störfum hjá
Snæfelli var greint frá því að hann
myndi taka við þjálfun meistara-
flokks karla hjá KR. kgk
Ingi Þór hættur
hjá Snæfelli
Ingi Þór Steinþórsson hefur hér átt
sitthvað vantalað við dómarann.
Ljósm. úr safni/ sá.
Kári tapaði stórt þegar liðið heim-
sótti Aftureldingu í 2. deild karla í
knattspyrnu í gær. Káramenn náðu
sér engan veginn á strik í leiknum
og máttu að endingu sætta sig við
5-1 tap.
Leikurinn fór prýðileg af stað og
Ragnar Már Lárusson kom Kára
yfir á 20. mínútu. Tryggvi Magn-
ússon jafnaði hins vegar fyrir Aft-
ureldingu aðeins mínútu síðar. Aft-
urelding tók öll völd á vellinum
og Jason Daði Svanþórsson kom
heimamönnum yfir á 30. mínútu.
Káramenn áttu ágætis kafla und-
ir lok fyrri hálfleiks og litlu mun-
aði að þeir jöfnuðu metin eftir
góða sókn sem endaði með skalla
í þverslá.
Káramenn fundu ekki taktinn í
síðari hálfleik frekar en þeim fyrri.
Þegar liðið var fram á 77. mínútu
kom Andri Freyr Jónasson Aftur-
eldingu í 3-1 og tveimur mínút-
um síðar skoraði hann aftur. Það
var síðan Wentzel Steinar Kamban
sem innsiglaði 5-1 stórsigur heima-
manna á lokamínútu leiksins.
Kári situr í þriðja sæti deildar-
innar með 15 stig eftir sjö leiki,
þremur stigum á eftir Þrótti V. í
sætinu fyrir ofan og stigi á undan
Völsungi. Næst leikur Kári laugar-
daginn 23. júní næstkomandi þegar
liðið mætir Hetti á Egilsstöðum.
kgk/ Ljósm. Knattspyrnufélagið
Kári.
Kári fékk skell
Knattspyrnusamband Íslands var
með æfingar í vikunni á Snæfells-
nesi en þá kom þjálfari á þeirra veg-
um og setti upp æfingu með þjálf-
aranum á staðnum. Æfingarnar
voru í Stykkishólmi, Grundarfirði
og Ólafsvík og var góð stemning. Á
meðfylgjandi mynd er æfing í full-
um gangi í Grundarfirði mánudag-
inn 18. júní.
tfk
KSÍ með æfingar á Snæfellsnesi
Snæfellingar hafa framlengt samn-
ing sinn við Bandaríkjakonuna
Kristen Denise McCarthy fyrir
næsta tímabil í Domino´s deildinni.
Hún spilaði lykilhlutverk í liðinu
síðasta vetur, skoraði 29 stig, reif
niður 13 fráköst og gaf fjórar stoð-
sendingar að meðaltali í leik.
Kristen spilaði fyrst með Snæ-
felli tímabilið 2014-2015 þar sem
hún varð Íslandsmeistari með lið-
inu og var jafnframt valin mikil-
vægasti leikmaður úrslitakeppn-
innar. Eftir það tímabil hélt hún til
Evrópu að spila áður en hún snéri
aftur í Hólminn í fyrra. „Kristen
hefur ekki síst reynst Snæfellsfjöl-
skyldunni mikilvæg utan vallar og
er það því með miklu stolti sem
körfuknattleiksdeildin tilkynnir
áframhaldandi samstarf,“ segir í til-
kynningu frá félaginu. glh
Kristen áfram í Hólminum
Kristen Denise McCarthy skoraði 29 stig að meðaltali síðasta tímabil.
Ljósm. úr safni.
Víkingur Ó. vann öruggan sigur á
Leikni R., 3-0, þegar liðin mætt-
ust í 1. deild karla í knattspyrnu á
miðvikudagskvöld. Leikurinn var
sá fyrsti á nýja gervigrasinu á Ólafs-
víkurvelli og fyrsti heimaleikur
Víkings í sumar.
Heimamenn byrjuðu leikinn af
krafti og voru sterkari framan af
fyrri hálfleik. Smám saman komust
gestirnir þó inn í leikinn og voru
nálægt því að komast yfir á 30. mín-
útu. Sólon Breki Leifsson var með
gott pláss í vítateignum og ætlaði
að lauma boltanum í hornið nær en
skot hans fór í stöngina. Skömmu
síðar skoruðu gestirnir mark sem
var dæmt af vegna leikbrots. Á 39.
mínútu átti Gonzalo Zamorano
þrumuskot sem markvörður gest-
anna varði og tveimur mínútum
síðar var aftur dæmt af mark, en í
þetta sinn af Ólafsvíkingum. Eftir
smá vandræðagang í teignum kom
Ingibergur Kort Sigurðsson bolt-
anum í netið en markið var dæmt af
vegna rangstöðu í aðdragandanum.
Staðan því markalaus í hálfleik.
Ólafsvíkingar voru öflugir í byrj-
un síðari hálfleiks og komust yfir
á 50. mínútu. Gonzalo tók auka-
spyrnu en skaut beint í varnar-
vegginn. Þaðan féll boltinn fyrir
Pape Mamadou Faye sem lét vaða.
Skot hans fór beint til Alexanders
Helga Sigurðarsonar sem stóð einn
og óvaldaður í teignum og skilaði
boltanum í netið.
Heimamenn voru sterkari eftir
markið og fengu nokkur prýðileg
færi til að auka forystu sína. Það
var hins vegar ekki fyrr en í upp-
bótartíma að þeim tókst að bæta
við. Þá skoraði Kwame Quee eftir
góðan samleik við Kristinn Magnús
Pétursson upp allan völlinn. Ólafs-
víkingar innsigluðu svo sigurinn
skömmu síðar þegar Emmanuel Eli
Keke skoraði glæsilegt mark beint
úr aukaspyrnu. Lokatölur því 3-0
fyrir Víking og sigur í höfn í fyrsta
leik á nýja gervigrasinu.
Ólafsvíkingar sitja í fjórða sæti
deildarinnar með 13 stig eftir fyrstu
sjö leikina. Næst mæta þeir Þór Ak.
norðan heiða í kvöld, miðvikudag-
inn 20. júní. kgk
Leikmenn Víkings Ó. fagna marki Alexanders Helga Sigurðarsonar. Ljósm. af.
Sigruðu fyrsta leikinn
á nýja gervigrasinu