Skessuhorn - 04.07.2018, Blaðsíða 14
MIÐVIKUDAGUR 4. JÚlÍ 201814
Það var líf og fjör í gamla íbúðar-
húsinu á Oddsstöðum I í lund-
arreykjadal þegar blaðamann bar
að garði síðastliðinn föstudag. Þá
var hópur 21 sænskra hestamanna
að setjast að hádegishressingu, en
hópurinn hafði komið með flugi
kvöldið áður. „Þetta er óvenjustór
hópur sem dvelur hjá okkur núna
þessa fyrstu viku útlendingatíma-
bilsins hjá okkur. Það var yfirbók-
að í ferðina en við náum að leysa
það. Fjölskyldan flutti einfaldlega
út og í sumarhús sem við eigum
hér austan við bæinn. Hluti hóps-
ins gistir í smáhýsum en aðrir hér í
gamla bænum og þannig náum við
að koma öllum fyrir,“ segir Sig-
urður Oddur þegar blaðamann bar
að garði. Hjónin Sigurður Oddur
Ragnarsson og Guðbjörg Ólafs-
dóttir eiginkona hans reka sam-
an hestatengda ferðaþjónustu á
Oddsstöðum, nú í samstarfi við
tengdadóttur þeirra Denise Weber
sem fluttist fyrir nokkrum árum til
Íslands, starfaði hjá þeim og nam
hestafræði á Hólum í Hjaltadal.
„Hún byrjaði að vinna hjá okkur
og svo felldu þau hugi saman, hún
og sonur okkar Sigurður Hannes
sem er að læra vélfræði. Denise er
nú komin á fullt í þetta með okk-
ur. Þannig sjáum við fram á að ætt-
liðaskipti verða á bænum með tíð
og tíma og fögnum við því,“ segja
þau Guðbjörg og Oddur sem rek-
ið hafa hestatengda ferðaþjónustu
í 27 ár.
Gert út frá
Oddsstöðum
Á Oddsstöðum er stunduð hrossa-
rækt, tamningar, kennsla og ferða-
þjónusta þar sem íslenski hestur-
inn er í öndvegi. Auk þess er búið
með sauðfé og skógrækt er stund-
uð í hlíðinni ofan við bæinn. „Við
eigum von á átta hópum í sumar og
það er upppantað hjá okkur í ferð-
irnar og töluvert farið að bókast
fyrir sumarið 2019. Fyrr í vor vor-
um við með einn hóp af Íslending-
um, en nú verða þetta útlendingar
það sem eftir lifir sumars, út ágúst-
mánuð. Hóparnir dvelja hjá okkur
í sex til sjö daga og njóta bæði leið-
sagnar hér í reiðhöllinni og svo
er farið í ferðir. Í flestum þessum
ferðum er skipulagið þannig að
við höldum af stað í ferðirnar héð-
an og ökum með fólkið heim að
kvöldi og hér er gist. Okkur finnst
það mun þægilegra fyrirkomulag
en að vera með færanlegt eldhús
og gistiaðstöðu hér og þar,“ seg-
ir Guðbjörg, en vissulega fara þau
stundum í hálendisferðir og er þá
gist t.d. í gangnamannaskálum.
Oddsstaðir eru innsti bær norð-
an Grímsár í lundarreykjadal og
þaðan fara þau með hópana ríðandi
til allra átta og geta valið úr falleg-
um reiðleiðum. Meðal vinsælustu
ferðanna sem boðið er upp á eru
ferðir á Snæfellsnes, þar sem riðið
er um löngufjörur. „Stundum för-
um við svo eitthvað allt annað, til
dæmis vestur í Dali, norður Arn-
arvatnsheiði eða um Kjöl. Einn-
ig um Suðurland, meðal annars
alla leið í Arnarfell hið mikla. Við
erum mjög miðsvæðis hér í lund-
arreykjadal og hægt að fara héðan
marga skemmtilega hringi og það
gefur okkur mikla möguleika.“
Eigin ræktun
Oftast eru þetta um 12-18 manns í
hverjum hópi og kemur ferðafólk-
ið frá Svíþjóð, Austurríki, Dan-
mörku og víðar. Eins og fyrr seg-
ir var yfirbókað í fyrstu viku þessa
sumars og segja þau gaman að geta
leyst úr því. „Við eigum góðan hóp
af hrossum. Hér eru nú 67 hross
á járnum,“ segir Sigurður Odd-
ur aðspurður um hestakostinn. En
hestaferðaþjónustan hvílir á göml-
um merg. Þau Sigurður Oddur og
Guðbjörg hafa stundað hrossarækt
frá því þau fluttust að Oddsstöð-
um og tóku við búi foreldra hans,
þeirra Hönnu Vigdísar Sigurð-
ardóttur og Ragnars Olgeirsson-
ar, fyrir tæplega þremur áratug-
um. Guðbjörg er sjálf alin upp við
hestamennsku, en hún er frá Bá-
reksstöðum í Andakíl, dóttir Ólafs
Guðmundssonar og Sigurborg-
ar Ágústu Jónsdóttur, Boggu sem
landsþekkt er fyrir sína hrossa-
rækt. „Við leggjum mikla áherslu
á það í búskap okkar að vera með
góð hross sem við getum treyst.
Annað er eiginlega ekki í boði.
Hér fæðast þetta átta til tíu folöld
á ári og við temjum sjálf hrossin
okkar. Ef hrossin sýna að þeim sé
ekki treystandi í höndum óvanra,
eru þau einfaldlega látin fara,“ seg-
ir Sigurður Oddur.
Aukið gistirými
Til að bæta við aðstöðuna og auka
fjölbreytni í þjónustuframboði voru
nýverið byggð á Oddsstöðum þrjú
smáhýsi sem alls rúma 18 í gist-
ingu. Fóru húsin í útleigu á síðasta
ári og hefur nýtingin verið góð á
þeim síðan. „Með auknu gistirými
getum við víkkað út möguleika
okkar í ferðaþjónustunni, rétt eins
og við gerðum með reiðskemm-
unni sem við byggðum hér austan
við bæinn árið 2011. Smáhýsin eru
góð viðbót við aðstöðuna og þann-
ig náum við einnig til fleiri hópa
ferðafólks og getum stundað þjón-
ustu lengri tíma ársins. Þá get-
um við fjölgað verkefnum okkar
og breytt eftir því sem fólk sækist
eftir, til dæmis boðið upp á fleiri
stutta reiðtúra og gert þá út héð-
an frá Oddsstöðum, eða boðið upp
á námkeið. Þannig lengjum við
tímabilið í þjónustunni með bættri
aðstöðu,“ segir Guðbjörg.
mm
Skipulagðar hestaferðir frá Oddsstöðum út sumarið
Sigurður Oddur og Guðbjörg á Oddsstöðum.
Horft heim að Oddsstöðum frá þeim stað sem reiðskemman er. Til hægri í hlíðinni
eru þrjú nýleg smáhýsi.
Hér er verið að fara yfir Grímsá og hrossin á heimleið. Ljósm. úr safni: Sigurborg
Hanna Sigurðardóttir.
Denise Weber með hryssuna Eldingu. Ljósm. úr safni.Denise Weber var að leiðbeina hluta gestanna í reiðhöllinni á Oddsstöðum.
Hluti hópsins sem dvelur nú á Oddsstöðum. Hópurinn á ferð í Kolbeinsstaðarhreppnum. Eldborgin í baksýn.