Skessuhorn - 11.07.2018, Blaðsíða 6
MIÐVIKUDAGUR 11. JÚLÍ 20186
Reglur um
borholur
LANDIÐ: Orkustofnun hef-
ur gert drög að reglum um
borholur, sem lúta að skrán-
ingu, hönnun og frágangi bor-
holna, sem og skil á upplýsing-
um til Orkustofnunar. Drögin
eru til umsagnar almennings
og hagsmunaaðila. Umsagn-
ir berist fyrir 15. september
2018 á netfangið os@os.is eða
með skriflegum hætti til stofn-
unarinnar. Í lögum um rann-
sóknir og nýtingu á auðlind-
um í jörðu eru ýmis ákvæði
sem varða skráningu, hönn-
un og frágang borholna og er
þessum reglum ætlað að draga
þau fram og gera aðilum auð-
veldara að fylgja þeim. Einn-
ig er ætlunin að með þessum
reglum verði ábyrgð á borhol-
um skilgreind betur. Þá hefur
verið skortur á upplýsingagjöf
um borholur til Orkustofnun-
ar, og er þessum reglum ætl-
að að bæta það. Orkustofnun
hefur haldið skrá yfir borholur
á Íslandi um áratugaskeið, og
hefur hún verið aðgengileg al-
menningi á vefsvæði stofnun-
arinnar, og nú í nýrri kortasjá
Orkustofnunar. Þessar reglur
munu gera Orkustofnun betur
kleift að halda borholuskránni
uppfærðri til hagsbóta fyrir þá
sem nýta sér þær upplýsingar
sem í henni er að finna.
-mm
Annir hjá björg-
unarsveitarfólki
VESTURLAND: Björgun-
arsveitir á Vesturlandi voru á
laugardaginn kallaðar út í tvö
aðskilin verkefni. Koma þurfti
manni til aðstoðar sem slas-
að hafði sig á fæti við Bröttu-
brekku. Þá voru björgunar-
sveitir kallaðar út í tengslum
við skriðufallið úr Fagraskóg-
arfjalli í Hítardal. Viðbragðs-
aðilar voru fengnir til að meta
ástand á vettvangi, tryggja ör-
yggi og manna lokanir vega.
Einnig voru boðaðir dróna-
hópar til þess að hægt væri að
ná betri yfirsýn yfir svæðið þar
sem skriðan féll. -mm
Sótt um leyfi fyr-
ir gistiheimili
AKRANES: Fyrir fundi
skipulags- og umhverfisráðs
Akraneskaupstaðar á mánu-
daginn lá fyrir fyrirspurn frá
Uppbyggingu ehf. og S23 ehf.
um að fá að breyta efri hæð
hússins við Stillholt 23 á Akra-
nesi í gistiheimili í flokki II.
Um yrði að ræða tímabundn-
ar vinnubúðir fyrir starfs-
menn verktakafyrirtækisins.
Ráðið samþykkti að fram fari
grenndarkynning á breyting-
unni skv. 2.mgr. 43.gr skipu-
lagslaga. Grenndarkynnt verði
fyrir lóðarhöfum við Stillholt
23, Dalbraut 2 og Þjóðbraut 1
beiðni fyrirtækisins. -mm
Deiliskipulag
Grenja send á
Skipulagsstofnun
AKRANES: Fyrir fund skipu-
lags- og umhverfissviðs Akra-
neskaupstaðar á mánudaginn lá
umsögn um athugasemdir vegna
grenndarkynningar á breytingu
á deiliskipulagi Grenja hafnar-
svæðis, vegna byggingar efn-
isskýlis við Krókatún 22-24.
„Skipulags-og umhverfisráð
samþykkir fyrirliggjandi um-
sögn sviðsstjóra við þeim at-
hugasemdum sem bárust við
grenndarkynninguna. Skipu-
lags- og umhverfisráð leggur til
við bæjarráð (sem starfar í um-
boði bæjarstjórnar) að grennd-
arkynningin verði samþykkt og
umsögn sviðsstjóra send þeim
aðilum er lögðu fram athuga-
semdir. Deiliskipulagsbreyting-
in verði auglýst í B-deild Stjórn-
artíðinda og send á Skipulags-
stofnun,“ segir í bókun nefnd-
arinnar. -mm
Vilja lækka um-
ferðarhraða
BORGARNES: Lögreglustjór-
inn á Vesturlandi hefur með
bréfi farið fram á það við Borg-
arbyggð að hámarkshraði um-
ferðar um neðri hluta Borgar-
brautar í Borgarnesi verði lækk-
aður úr 50 í 30 km/klst. Lækk-
un hraða næði frá gatnamót-
um Þorsteinsgötu/Böðvarsgötu
að gatnamótum við Egilsgötu.
„Byggðarráð tekur jákvætt í er-
indið og felur sviðsstjóra um-
hverfis- og skipulagssviðs að
vinna áfram að málinu í sam-
starfi við Vegagerðina. Byggð-
arráð telur mikilvægt að bæta
öryggi á umræddum vegarkafla
og skoða í því sambandi merk-
ingar um öryggi vegfarenda,“
segir í bókun ráðsins. -mm
Kvensjúkdóma- og fæðingalæknar
auk svæfingalækna hjá Heilbrigð-
isstofnun Vesturlands hafa sent frá
sér yfirlýsingu vegna þeirrar al-
varlegu stöðu sem komin er upp í
kjaradeilu ljósmæðra. „Við tökum
undir ályktun læknaráðs Landspít-
ala og yfirlýsingu sérfræðilækna við
Kvennadeild Landspítala og skorum
á deiluaðila að finna lausn á málinu
sem allra fyrst. Það er mikilvægt að
sérþekking og ábyrgð ljósmæðra í
starfi endurspeglist í launum þeirra.
Ljósmæður gegna gríðarlega mik-
ilvægu hlutverki í fæðingarteymi
sjúkrahúsa og heilbrigðisstofnana.
Þær sinna einnig margvíslegu eftir-
liti og meðferð á meðgöngu og ekki
síður í tengslum við kvensjúkdóma.
Núverandi staða ógnar þannig vel-
ferð og þjónustu við konur, börn og
samfélagið í heild sinni, bæði nú og
um ókomna framtíð.“ mm
Anna Berglind Halldórsdóttir
bóndi á Magnússkógum III í Döl-
um og formaður Félags sauðfjár-
bænda í Dalasýslu skrifar harðorða
grein í Bændablaðið sem kom út
í síðustu viku. Þar gagnrýnir hún
harðlega framkomu afurðastöðva
í garð bænda og segir þær m.a.
halda bændum í gíslingu og koma
í veg fyrir nýliðun í greininni. Nýir
bændur fái einfaldlega hvergi slátr-
að. Hún skrifar að lögmálið fyrst-
ur kemur, fyrstur fær, gildi um það
pantanakerfi sem viðhaft er, þrátt
fyrir að afurðaverð liggi ekki fyr-
ir. „Nú er staðan orðin þannig að
bændur eru margir búnir að panta
slátrun áður en lömb eru komin úr
ánum og jafnvel áður en þau eru
komin í ærnar. Þetta gera bændur
til að komast örugglega að á þeim
tíma sem þeir óska. Þetta fyrir-
komulag afurðastöðvanna er að
mínu mati mjög skrýtið. Þessi regla
að „fyrstur kemur, fyrstur fær“ get-
ur ekki gengið upp. Ef þetta held-
ur svona áfram, verða bændur jafn-
vel búnir að panta nokkur ár fram í
tímann. Án þess þó að vita hversu
mörg lömb þeir koma til með að
slátra eða hvort þeir verða yfir höf-
uð með einhver lömb til að slátra.“
Anna Berglind skrifar að und-
anfarin ár hafi henni fundist af-
urðastöðvar landsins halda sauð-
fjárbændum í gíslingu. „Það hefur
vonandi ekki farið fram hjá neinni
afurðastöð að bændur vilja fá að sjá
verðskrá fyrir afurðir miklu, miklu
fyrr en nú er. Í dag mega bændur
þakka fyrir að það sé komið verð
í september. Réttast væri að verð
væri komið í nóvember (þ.e. 10
mánuðum fyrr) áður en menn byrja
að hleypa til ánna. Nokkrar af-
urðastöðvar vilja fá lömb í svokall-
aða sumarslátrun og því þarf verð
að liggja fyrir mjög tímanlega svo
hægt sé þá að stíla inn á þá slátrun.
Þessi gíslataka afurðastöðvanna er
í algeru hámarki um þessar mund-
ir. Sauðfjárbændur eru fastir í við-
skiptum við þá afurðastöð sem þeir
hafa lagt inn hjá. Þar með ríkir
engin samkeppni á þessum mark-
aði lengur. Afurðastöðvarnar hafa
bændurna í vasanum.“
Sjá má grein Önnu Berglindar í
heild sinni í síðasta Bændablaði.
mm
Ógnar velferð og þjónustu við börn
Segir afurðastöðvar halda
bændum í gíslingu