Skessuhorn - 18.07.2018, Blaðsíða 18

MIÐVIKUDAGUR 18. JÚlÍ 201818
Fjölmennt var á bæjarhátíðinni Heim í Búðardal sem fram fór
um liðna helgi. Áætlað er að gestafjöldi hafi þrefaldast frá síð-
ustu hátíð ef marka má mætingu í morgunverðarboð í Dalabúð
á laugardaginn. Fjölbreytt dagskrá var í boði alla helgina og
það var mikið ánægjuefni þegar langþráður sólardagur lét sjá
sig á laugardaginn en dagskrá fór að mestu fram utandyra.
Keppt var í lokagreinum Vestfjarðavíkingsins á hátíðinni og
fjórða árið í röð var það Ari Gunnarsson sem hampaði titlinum.
Það þurfti hvorki meira né minna en sterkasta mann heims til
að afhenda verðlaunin, en Hafþór Júlíus Björnsson mætti til að
hvetja strákana áfram og krína Vestfjarðavíkinginn 2018. Með-
fylgjandi myndir eru frá dagskrá laugardagsins: sm
Langþráðir sólardagar mættu á Heim í Búðardal
Það þótti hressandi að byrja laugardaginn á froðurennibraut slökkviliðsins. Frá samsýningu Idu Maríu og Steinu Matt, handverks- og ljósmyndasýningu.
Nikkolína sá um að skemmta gestum með tónlist í opnum morgunverði í Dalabúð.
Fjölmenni lagði leið sína í morgunverðinn í Dalabúð en þangað komu þrefalt fleiri
gestir en á seinustu hátíð.
Veltibíllinn sló í gegn hjá unga fólkinu en þar var stöðug biðröð meðan dagskrá stóð yfir.
Vestfjarðavíkingurinn 2018 lauk keppni í Búðardal á bæjarhátíðinni.
Sterkasti maður heims, Hafþór Júlíus Björnsson, afhendir
Ara Gunnarssyni Vestfjarðavíkingi 2018 sigurlaunin.
Björgvin, Ólafur og Matthías að gera sig klára fyrir lasertag
á leikskólalóðinni.
Mæðginin Unnur Ásta Hilmarsdóttir og Hilmar Jón Ás-
geirsson voru meðal þeirra sem sýndu mikil tilþrif í kassabíl-
arallýi KM þjónustunnar.
Dalahestar buðu upp á hestaferðir fyrir unga fólkið við
Dalabúð en fyrr um daginn var Leikhópurinn Lotta með
sýningu.
Það var fjölmenni sem fylgdist með lokagreinum Vestfjarðavíkingsins.