Skessuhorn - 18.07.2018, Blaðsíða 21
MIÐVIKUDAGUR 18. JÚlÍ 2018 21
Með því að nota límtré í burðargrindur bygginga og klæða grindurnar
með Yleiningum fást afar hlýleg og falleg hús. Þau eru fljótuppsett,
endingargóð og brunaþolin. Ekki skemmir fyrir að húsin frá Límtré
Vírnet eru einstaklega hagkvæm í viðhaldi og rekstri.
Ráðgjöf til viðskiptavina
Starfsmenn okkar búa yfir áratuga reynslu við hönnun og framleiðslu
húsanna.
limtrevirnet.is
Aðalskrifstofa - Borgarbraut 74 - 310 Borgarnes
Söluskrifstofa - Lynghálsi 2 - 110 Reykjavík
Netfang - sala@limtrevirnet.is
Aðalnúmer: 412 5300 | Söludeild: 412 5350
Stendur
til að byggja hús?
Fjós Fjarhús Hesthús
Við framleiðum iðnaðarhús, verslunar- og skrifstofuhúsnæði, fiskvinnsluhús, vélageymslur,
vöruskemmur, frystiklefa, fjós, fjárhús, hesthús, reiðhallir, vélageymslur, gróðurhús,
íþróttahús, knattspyrnuhús, sundlaugar, vallarhús, tækjageymslur, íbúðarhús, bílskúra,
sólstofur, gróðurhús, kirkjur o.fl.
Báran - fjölnota íþróttahús, Hornafirði
Borgnesingurinn Guðjón Fjels-
ted hefur nú sett á laggirnar
nýtt fyrirtæki sem hann nefnir
Hvítárós. Þar býður hann upp á
teikniþjónustu sem mikið er not-
uð erlendis en hefur ekki enn
náð að ryðja sér til rúms hér á
landi. Blaðamaður Skessuhorns
hitti Guðjón fyrir skemmstu og
ræddi við hann um fyrirtækið.
Aðspurður hvað það er sem hann
gerir, hikar Guðjón í smá stund
áður en hann svarar: „Ég get út-
skýrt það á einfaldan hátt sem
útskýrir þó í raun voða lítið, eða
ég get útskýrt á flókinn hátt,“
segir hann og heldur áfram. „Í
einföldu máli er Hvítárós teikni-
stofa. Ég teikna svokölluð GIS
kort, sem stendur fyrir Geog-
raphical Information System eða
landfræðilegt upplýsingakerfi. Á
bakvið kortin er gagnagrunnur
með ýmsum upplýsingum varð-
andi landsvæðið á kortinu og
innan landupplýsingakerfanna er
hægt að framkvæma ýmsar grein-
ingar og útreikninga út frá gögn-
unum. Kortin eru líka með ná-
kvæmum útreikningum á lands-
laginu og get ég prentað þau út í
þrívídd,“ útskýrir Guðjón.
Öflugt greiningartæki
„Fyrir þá sem ekki þekkja virð-
ast kortin hefðbundin að sjá en á
bakvið hvert kort eru upplýsingar
um svæðið. Einfalda útskýringin
er að þegar ég teikna kort afla ég
upplýsinga um svæðið á kortinu,
t.d. með aðstoð gervitungla sem
ég hef aðgang að. Ég hleð svo öll-
um gögnunum upp í tölvu og bý
til gagnagrunn um landssvæðið
sem ég er að vinna með,“ útskýr-
ir Guðjón. Kortin eru svo notuð
í gegnum tölvu þar sem hægt er
að velja ákveðin svæði á kortinu
og þá koma fram nákvæmar upp-
lýsingar um þau svæði. „Upp-
lýsingarnar geta verið margvís-
legar en sem dæmi er hægt að
sjá hvernig lagnir liggja í jörðu
og aðrar landfræðilegar upplýs-
ingar,“ segir Guðjón. Kortin eru
öflugt greiningartæki sem t.d. er
hægt að nota við skipulagsvinnu.
En hverjir eru það sem nota GIS
kort? „Orkufyrirtækin nota þetta
töluvert en sveitarfélögin gætu
einnig nýtt sér þessa tækni t.d.
til að sjá hvar best er að leggja
lagnir í jörðu. Þetta er enn svo
nýtt hér á landi að ég held að fólk
sé enn að átta sig á öllum mögu-
leikunum sem þetta býður upp
á,“ svarar Guðjón.
Ákvað að búa
sér til starf
Aðspurður hvers vegna hann
ákvað að fara út í þessa starfsemi
segist hann einfaldlega hafa gam-
an að því að pæla í landslaginu og
náttúrunni. „Ég ætlaði fyrst að
læra landslagsarkitektúr og tók
tvö ár í því námi. Ég fann svo að
það vantaði alveg í mig listrænu
hliðina sem þarf til að starfa við
það. Ég hef mikinn áhuga á nátt-
úrunni og tækni og færði mig þá
í náttúrulandafræði og tók svo
master í landafræði með áherslu
á fjarkönnun við Háskóla Ís-
lands. Eftir útskrift fór ég að
leita að vinnu. En eftirspurn eftir
störfum sem tengjast mínu námi
er mun meiri en framboðið. Svo
er ekki nóg að mennta sig heldur
þarf líka starfsreynslu, sérstak-
lega þegar slegist er um störfin.
Ég er nokkuð hugmyndaríkur
og ákvað því bara að búa mér til
starf. Ég fékk styrk frá Samtök-
um sveitarfélaga á Vesturlandi
og nýsköpunarstyrk í tengslum
við sóknaráætlun landshluta og
bara fór af stað,“ segir Guðjón.
Núna er hann að kynna starfsemi
sína og afla verkefna og seg-
ir það ganga vel. „Ég er bara á
fullu núna að kynna það sem ég
er að gera og sannfæra aðra um
ágæti þess,“ segir hann og hlær.
„Ég hef fengið fáein verkefni nú
þegar, eitt stórt og nokkur aðeins
minni. Ég er bjartsýnn á að þegar
fólk skilur út á hvað þetta geng-
ur muni verkefnum fjölga og það
verður nóg að gera.“ arg
„Ég er nokkuð hugmyndaríkur og ákvað
því bara að búa mér til starf“
Rekur nýtt fyrirtæki á sviði teikniþjónustu
Guðjón Fjeldsted stofnaði nýverið fyrirtækið Hvítárós þar sem hann gerir
svokölluð GIS kort. Hér er hann staddur við jökulrönd. Ljósm. aðsend.
Í júlílok er von á norskri harmon-
ikkuhljómsveit til landsins; Bodö
trekkspilklubb, sem stofnaður var
árið 1971. Hljómsveitin sem skip-
uð er tíu harmonikkuleikurum auk
bassa og gítars, hefur á undan-
förnum árum komið fram á hinum
ýmsu harmonikkumótum á Norð-
urlöndunum og unnið til margra
verðlauna fyrir sérlega vandaðan
flutning. Hljómsveitin er hér á veg-
um Félags harmonikkuunnenda í
Reykjavík og mun koma fram á ár-
legu harmonikkumóti félagins um
verslunarmannahelgina sem nú
verður haldið að Borg í Grímsnesi.
Áður en að því kemur mun hljóm-
sveitin fara í skoðunarferðir um
landið og halda í leiðinni tónleika
í Reykholtskirkju í Borgarfirði, en
staðurinn er mörgum Norðmönn-
um einkar hugleikinn, enda saga
Noregskonunga rituð á staðn-
um. Stjórnandi hljómsveitarinnar
er Oddbhjørn Kvalholm Nikolai-
sen og eru m.a. á tónleikaskránni
lög eftir Karl Grønstedt, Asmund
Bjørken og leif Göras og Giue-
seppe Verdi.
Tónleikarnir í Reykholti hefjast
kl. 20.00 fimmtudaginn 2. ágúst.
Aðgangur er ókeypis. mm
Bodö trekkspillklubb
Norsk harmonikkuhljómsveit
spilar í Reykholti