Skessuhorn - 18.07.2018, Blaðsíða 26
MIÐVIKUDAGUR 18. JÚlÍ 201826
Undanfarna mánuði hefur mikil
vinna verið lögð í að gera upp að
innan bæinn á Gilsfjarðarbrekku í
Reykhólahreppi. Feðgin frá Gró-
ustöðum þau Guðlaug Guðmunda
Ingibjörg og faðir hennar Berg-
sveinn Grétar Reynisson ásamt
breska ljósmyndaranum Martin
Cox, vinna nú hörðum höndum
að því að gera Gilsfjarðarbrekku
að svokölluðu „art residency“ sem
mætti þýða yfir á íslensku sem lista-
mannabústaður, en slíka bústaði
má finna í auknum mæli á ýmsum
stöðum um landið. Verkefnið ber
nafnið GilsfjordurArts og síðastlið-
inn þriðjudag var boðið til opnun-
arteitis. Af því tilefni skellti blaða-
maður Skessuhorns sér í bíltúr í
Gilsfjörðinn og fræddist nánar um
verkefnið.
Fer í hlutverk
móður sinnar
„Þetta byrjaði allt fyrir tveimur
árum þegar Martin kemur fyrst til
Íslands,“ segir Guðlaug sem tók sér
pásu frá vöfflubakstri til að spjalla
við blaðamann um verkefnið. „Í
rauninni kem ég frekar seint inn í
ferlið eða ekki fyrr en í haust á síð-
asta ári og þá fer ég í hlutverkið
sem móðir mín átti að vera í,“ seg-
ir hún. Móðir Guðlaugar greindist
með krabbamein og lést í nóvem-
ber á síðasta ári. „Þetta var rosa-
lega undarlegur tími hjá fjölskyld-
unni. Á bókstaflega sama tíma og
við vorum að plana jarðaförina
hennar mömmu þá erum við pabbi
að reyna að berja í gegn umsókn í
Uppbyggingarsjóð Vestfjarða fyr-
ir þessu verkefni. Við erum sem
sagt að skrifa minningarorðin og
svo gera umsókn fyrir verkefni sem
hún hefði átt að vera verkefnastjóri
fyrir.“
Vildu ekki selja jörðina
Gilsfjarðarbrekka, eða Brekka
eins og bærinn er kallaður í dag-
legu tali, er jörð feðginanna innst
í Gilsfirði. „Foreldrar mínir voru
búin að pæla mikið í því hvern-
ig þau gátu nýtt Brekku. Þau áttu
þetta hús og þessa jörð og vildu
alls ekki selja því túnin voru og eru
nýtt til heyskapar,“ segir Guðlaug.
Eitthvað var búið að leigja húsið til
gæsaveiðimanna og ferðamanna en
sagði þau lítið hafa haft upp úr því.
„Foreldrar mínir hafa aldrei ver-
ið fyrir venjulega ferðamenn. Þau
þurftu alltaf að vera með eitthvað
skrítið eða öðruvísi,“ segir hún og
hlær. „Að byrja með „art residency“
var því strax frábær hugmynd þeg-
ar Martin kom með hana.“
Frá Los Angeles til
Gilsfjarðar
Martin Cox er breskur ljósmynd-
ari búsettur í los Angeles í Banda-
ríkjunum sem hefur varið ófáum
stundum á Íslandi og kynnst
góðu fólki, þeirra á meðal feðg-
inunum Bergsveini og Guðlaugu.
„Árið 2017 fékk ég þá hugmynd
að koma á fót listamannabústað
eða það sem við köllum „art resi-
dency“ en ég setti það skilyrði að
bústaðurinn þyrfti að vera um-
lukinn frábæru landslagi. Ég leit-
aði fyrst fyrir utan los Angeles í
eyðimörkinni en þar var engin hús
að finna. Ég mundi svo allt í einu
eftir frá ferðalagi mínu um Íslandi
að hafa séð Brekku,“ segir hann.
Sjálfur hafði Martin nýtt sér svona
„art residency“ á Húsavík árinu
áður þar sem hann kynntist skip-
stjóranum Víði Björnssyni. Saman
fóru þeir í heimsókn um vetur til
Vestfjarða og dvöldu þá hjá Berg-
sveini og Guðlaugu að Gróustöð-
um. Á því ferðalagi sá hann fyrst
Brekku sem heillaði hann upp úr
skónum. „Brekka hafði allt með
sér til að vera listamannabústaður.
Staðsetningin var frábær; útsýni
út Gilsfjörðinn, bærinn bauð upp
á nokkur herbergi þar sem lista-
menn gætu komið saman og varið
tíma sínum en mikilvægasti kost-
urinn við Brekku var þögnin. Einu
hljóðin í boði á þessum stað eru af
náttúrunnar hendi og það er ein-
stakt að geta boðið listamönn-
um upp á þetta, sérstaklega þeim
sem koma úr stórborgunum,“ seg-
ir Martin sem hefur verið verið á
fullu síðustu vikur að gera klárt
fyrir fyrsta gest.
Húsinu komið í stand
Eins og fram kemur hér að fram-
an kom Guðlaug inn í verkefnið
um það leiti sem móðir hennar
veikist. „Ég er sem sagt háskóla-
gengna manneskjan og kann að
láta vel skrifað mál frá mér þann-
ig ég var fengin til að koma þessari
hugmynd niður á blað á íslensku
og senda inn til Uppbyggingar-
sjóðs Vestfjarða,“ segir Guðlaug
brött og kveðst hafa verið snögg
að hoppa um borð þegar boð-
ið kom og gera hugmyndina, „art
residency“ í Gilsfjarðarbrekku, að
veruleika.
Við hlið íbúðarhússins er hlaða
og var planið í fyrstu að um-
turna henni í stúdíó en Guðlaug
sagði það risa verkefni út af fyr-
ir sig og því var ákveðið að byrja
með stúdíóið í risi íbúðarhússins.
Á jarðhæðinni er eldhússaðstaða,
stofa og þrjú svefnherbergi ásamt
snyrtiaðstöðu. „Við vissum að það
myndi taka tíma að koma húsinu í
stand og það er ekki búið að klára
allt sem við ætluðum okkur að vera
búin að gera á þessum tímapunkti.
Þetta er allt í vinnslu.“
Blanda fólki saman
Hugmyndin að listamannabú-
staðnum er að ef nógu marg-
ir sækja um að geta blandað fólki
saman. „Til dæmis þá myndum við
vilja hafa rithöfund og málara á
sama tíma og líka passa að hafa tvo
erlenda og einn Íslending á sama
tíma. Þannig fær mismunandi fólk
að kynnast og Íslendingarnir ná að
víkka út tengslanetið,“ segir Guð-
laug um hugmyndina. „Við viljum
að listamennirnir fái að vera þarna
í ró og næði, en einnig að þeir hafi
tækifæri til að tengjast samfélaginu
ef það er vilji þeirra.“
En hvernig er sótt um að dvelja
í Gilsfjarðarbrekku? „Martin kem-
ur til með að fara yfir umsóknirn-
ar. Fólk mun borga fyrir að vera
þarna. Við erum enn að vinna í því
að fínpússa allt svoleiðis. Heima-
síðan er í vinnslu en Martin hef-
ur verið duglegur að auglýsa þetta
sjálfur í los Angeles þar sem hann
býr og starfar. Martin hefur meira
að segja ýjað að því að hann gæti
reddað íslenskum listamönnum
sýningarplássi í lA.“ Sjálf þekkir
Guðlaug lítið inn í listheiminn hér
á landi, en nefnir það að allir þekki
einhvern sem þekkir einhvern á Ís-
landi og því er hún bjartsýn að fá
íslensku listamennina til að koma
og dvelja í Gilsfjarðarbrekku.
„Markmiðið er að listamenn fái at-
hvarf hér að Brekku til að skapa,
vera í ró og umkringdir íslenskri
náttúru,“ segir Guðlaug að lokum
en fyrsti listamaðurinn er væntan-
legur 26. júlí næstkomandi í húsið
á Brekku. glh
Listamannabústaður opnar í Gilsfirði
Þrjú svefnherbergi eru í húsinu ásamt góðu lofti sem mun nýtast undir stúdíó-
vinnu.
Gilsfjarðarbrekka er innst í Gilsfirði í Reykhólahreppi.
Loftið og jafnframt stúdíóið. Búið er
að koma fyrir rólu í risinu þar sem
listamenn geta tekið sér pásu.
Martin Cox, Guðlaug Guðmunda Ingibjörg ásamt föður sínum Bergsveini Grétari Reynissyni.
Settur var upp hátíðarborði sem Guðlaug klippti á til að marka opnun Gils-
fjordurArts sem er nafnið á verkefninu.