Skessuhorn - 25.07.2018, Blaðsíða 10
MIÐVIKUDAGUR 25. JÚlÍ 201810
VÍMULAUS FJÖLSKYLDUHÁTÍÐ
FYRIR KEPPENDUR 11-18 ÁRA
Fjölbreyttar íþróttagreinar
og skemmtun á daginn.
Afþreying og rosalegir
tónleikar á kvöldin.
UNGLINGA
LANDSMÓT
Komdu og vertu með í gleðinni
Nánari upplýsingar á ulm.is
2.–5.
ágúst
2018í Þorlákshöfn
Fjórða og fimmta umferð Íslands-
meistaramótsins í torfæru fór fram
á Fellsenda við Akrafjall um síð-
ustu helgi. Var það Torfæruklúbbur
Suðulands sem hélt keppnina. Það
rættist úr veðrinu báða mótsdaga
en skipuleggjendur höfðu áhyggj-
ur af mikilli rigningu sem hafði
verið spáð. „Það er frekar mikil
mold á þessu svæði svo við höfð-
um áhyggjur af því að allt færi á
flot. Það rigndi svo ekki eins mik-
ið og við höfðum haft áhyggjur af
svo aðstæður voru bara fínar,“ seg-
ir Helga Katrín Stefánsdóttir for-
maður Torfæruklúbbs Suðurlands í
samtali við Skessuhorn. „Um þús-
und áhorfendur voru um helgina
og fengu þeir sannarlega frábæra
sýningu. Keppendur börðust fram
að síðustu braut og voru tilþrifin
mikil og velturnar margar. ljós-
myndarar á svæðinu höfðu orð á
því að keppnin hafi verið eins og
konfekt fyrir myndavélarnar,“ bæt-
ir Helga við.
Ekkert vantaði upp á spennuna
og var keppnin sérstaklega jöfn
fyrri daginn. „Í fyrsta skipti í 53 ára
sögu torfærukeppninnar lentum
við í þeirri stöðu að úrslit voru jöfn
í báðum flokkum í lok keppnisdags.
Við þurftum því að leita í reglurn-
ar hverjir væru sigurvegarar,“ seg-
ir Helga. Í sérútbúnum flokki voru
þeir Ingólfur Guðvarðsson á Gutt-
anum Reborn og Atli Jamil á Thun-
derbolt jafnir með 1650 stig. Þar
sem Ingólfur vann flestar brautir
yfir daginn hlaut hann gullið og Atli
fór heim með silfrið. Kristján Finn-
ur Sæmundsson úr Saurbæ í Dölum
hafnaði í þriðja sæti á Verktakanum.
„Þetta er fyrsta árið sem Verktakinn
tekur þátt og er þetta vel smíðaður
bíll sem ég hef trú á að eigi eftir
að vera að berjast í toppsætunum,“
segir Helga. Í götubílaflokki voru
þeir Steingrímur Bjarnason og Ívar
Guðmundsson jafnir í lok dags en
þegar búið var að fara yfir reglurn-
ar hafnaði gullið hjá Steingrími og
Ívar tók silfrið. Í þriðja sæti var Eð-
vald Orri Guðmundsson á Pjakkin-
um aðeins 190 stigum á eftir þeim
Steingrími og Ívari.
Mjótt á munum fyrir
loka umferðina
Á sunnudeginum urðu heldur
óvænt úrslit. Í flokki sérútbúinna
bíla var það Haukur Viðar Einars-
son á Heklu sem gerði það best
með 1460 stig alls og hampaði
því gullinu eftir glæsilega frammi-
stöðu. Í öðru sæti hafnaði Geir
Evert Grímsson með 1437 stig og
Þór Þormar Pálsson tók brons-
ið með 1407 stig. Í flokki götubíla
tryggði Steingrímur Bjarnason sér
gullið í þessu Íslandsmeistaramóti
eftir glæsilegan akstur. Ívar Guð-
mundsson á Kölska hafnaði í öðru
sæti og Snæbjörn Hauksson á Þeyt-
ingi í því þriðja.
Næsta umferð, og sú síðasta
þetta sumarið, í Íslandsmeistara-
mótinu fer fram á Akureyri laugar-
daginn 18. ágúst. „Það er mjótt á
munum keppanda eftir þessa helgi
og má því gera ráð fyrir algjörri
veislu á Akureyri í lok sumars,“
segir Helga.
arg/ Ljósm. Guðbjörg Ólafsdóttir
Gullið endaði hjá Hauki Viðari Einarssyni á Heklu.
Mikil spenna á Íslandsmeistaramótinu í torfæru
Kristján Finnur Sæmundsson frá Saurbæ í Dölum á Verktakanum hafnaði í þriðja
sæti á laugardeginum.
Um þúsund áhorfendur voru á Íslandsmótinu í torfæru um helgina.
Ingólfur Guðvarðsson á Guttanum Reborn hlaut gullið á laugardeginum.