Skessuhorn - 25.07.2018, Blaðsíða 15

MIÐVIKUDAGUR 25. JÚlÍ 2018 15
limtrevirnet.is
Aðalskrifstofa - Borgarbraut 74 - 310 Borgarnes
Söluskrifstofa - Lynghálsi 2 - 110 Reykjavík
Netfang - sala@limtrevirnet.is
Aðalnúmer: 412 5300 | Söludeild: 412 5350
- stuttur afgreiðslutími
- lagerlitur hvítur, boðið upp á málun
- gluggar, bæði íkomnir og í lausu
Bílskúrshurðir frá Límtré Vírnet fást
í verslunum Húsasmiðjunnar um land allt
- hurðaopnarar
- boðið upp á uppsetningu
Andlit hússins
-fallegar og sterkar bílskúrshurðir frá Límtré Vírnet
Ída María Brynjarsdóttir er 21 árs
handavinnukona ættuð úr Dölun-
um þar sem hún bjó fyrstu fjög-
ur ár ævinnar áður en hún flutti
í Borgarfjörðinn. Hún er dótt-
ir bændanna Önnu lísu Hilmars-
dóttur og Brynjars Bergssonar á
Refsstöðum í Hálsasveit. Síðast-
liðinn vetur bjó Ída María í Dan-
mörku þar sem hún stundaði nám
við hönnunar- og handavinnuskól-
ann Skals -højskolen for design og
håndarbejde. Þar lærði hún alla al-
menna handavinnu og að hanna
sín eigin verk. Á bæjarhátíðinni
Heim í Búðardal helgina 13.-15.
júlí opnaði Ída María, ásamt Stein-
unni Matthíasdóttur ljósmyndara,
sýningu á verkum sínum. Sýning-
in verður áfram opin fram að versl-
unarmannahelgi svo enn er hægt
að freista þess að kíkja á verk þeirra
Ídu Maríu og Steinunnar. Blaða-
maður Skessuhorns sló á þráðinn
til Ídu Maríu og ræddi við hana
um handavinnuna og námið í Dan-
mörku.
Á ekki langt að sækja
handavinnuáhugann
„Ég hef alltaf haft mikinn áhuga á
handavinnu og á ég ekki langt að
sækja það. Mamma mín er mik-
il prjónakona og kenndi mér að
prjóna. Svo var ég oft hjá ömmu
minni sem var mikil handavinnu-
kona og var með saumastofu heima
hjá sér. Þar var að finna allar helstu
græjur sem saumakonur þurfa og ég
mátti nota þær eins og ég vildi frá því
ég var bara um 8 ára gömul,“ segir
Ída María og bætir því við að amma
hennar hafi kennt henni margt. „Ég
var ekki gömul þegar ég var farin að
sauma föt á sjálfa mig og vinkonur
mínar.“ Ídu Maríu hafði alltaf lang-
að að læra handavinnu en hér á Ís-
landi er enginn slíkur skóli. „Hér er
bara húsmæðraskólinn en þar þarf
maður líka að læra margt annað en
ég hef bara áhuga á handvinnunni.
Ég heyrði svo af skólanum í Dan-
mörku og ákvað að fara út að skoða.
Við mamma fórum saman og okk-
ur leist báðum vel á skólann svo ég
sótti um og tveimur árum síðar byrj-
aði ég,“ segir Ída María.
Langar að eignast vef-
stól og græjur fyrir
silfursmíði
Námið sem Ída María fór í tók tvær
annir þar sem kenndir eru nokkr-
ir fastir áfangar yfir árið auk stuttra
námskeiða með aðkomukennurum.
„Við vorum allt árið í hefðbundinni
handavinnu, þar sem við vorum að
prjóna, sauma, vefa og sauma út. Svo
fengum við ýmis fjölbreytt námskeið
eins og í leðurvinnu, silfursmíði, ker-
amiki og fleiru. Mér þótti þetta allt
mjög skemmtilegt en hef því miður
ekki aðstöðu til að gera neitt af þessu
í dag,“ segir hún. „Núna er ég bara
að gera það sem ég get gert heima,
að sauma og prjóna. En einn daginn
langar mig að hafa betri aðstöðu og
eignast vefstól og græjur fyrir silfur-
smíði,“ bætir hún við.
Aðspurð segist Ída María ekki vera
að selja verk eftir sig eins og er en til
greina komi að taka við pöntunum.
„Á sýningunni okkar Steinu voru
margir sem komu til mín og vildu
kaupa en ég hef ekki verið að fram-
leiða til að selja. Áhugasömum er þó
alltaf velkomið að hafa samband og
ég get séð hvað ég get gert,“ segir
hún kát. „Ég bara bjóst alls ekki við
öllum þessum áhuga,“ bætir hún við.
Næst á dagskrá hjá Ídu Maríu er að
finna sér vinnu á Íslandi og vonast
hún til að geta unnið við handavinnu
í framtíðinni. „Núna þarf ég fyrst og
fremst að finna eitthvað að gera til að
eignast smá pening. En ég veit ekkert
hvað ég geri svo í framhaldinu. Von-
andi get ég starfað við handavinnu en
það er svo rosalega margt sem mig
langar að gera,“ segir Ída María.
arg/ Ljósm. úr einkasafni.
„Vonandi get ég starfað við handavinnu“
Rætt við unga handavinnukonu sem nýverið opnaði sýningu á verkum sínum
Ída María stundaði nám við hönn-
unar- og handavinnuskólann Skals
-højskolen for design og håndarbejde í
Danmörku. Þar lærði hún alla almenna
handavinnu.
Ída María Brynjarsdóttir er ung handavinnukona í Borgarfirðinum. Á myndinni er í hún í kjól sem hún saumaði sjálf.
Svipmynd frá sýningu Ídu Maríu og Steinu á bæjarhátíðinni Heim í Búðardal.
Ljósm. sm.
Þessi leðurtaska er verk eftir Ídu Maríu.