Skessuhorn - 25.07.2018, Blaðsíða 31
MIÐVIKUDAGUR 25. JÚlÍ 2018 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Karlalið meistaraflokks ÍA í fót-
bolta gerði markalaust jafntefli í
fyrsta leik seinni umferðar Inkasso-
deildar er liðið spilaði við leikni í
Breiðholtinu á fimmtudaginn var.
Bæði lið fóru stigalaus frá síðustu
umferð og því ljóst að mikill bar-
áttuleikur væri framundan.
Hvert stig er Skagamönnum
mikilvægt í toppbaráttunni og því
kom ekki á óvart að þeir gulu byrj-
uðu leikinn af miklum krafti sem
pressuðu heimamenn hátt upp völl-
inn. Það má svo segja að hættuleg-
asta færið hafi komið á tíundu mín-
útu. Þá fékk Skagamaðurinn Stefán
Teitur Þórðarson frían skalla inn í
markteig heimamanna eftir glæsi-
lega sendingu frá Bjarka Steini
Bjarkasyni sem markvörður leikn-
is, Eyjólfur Tómasson, náði að
verja á einhvern ævintýralegan hátt.
Eftir þetta dauðafæri hjá ÍA komust
leiknismenn ögn betur í takt við
leikinn en engu að síður fóru liðin
markalaus í hálfleik.
Meira jafnræði var með liðun-
um í þeim síðari en þó voru færin
frá Skagamönnum vígalegri. Aft-
ur á móti var Eyjólfur, markvörð-
ur leiknis, að gera gestunum erfitt
fyrir en hann sýndi frábær tilþrif í
marki heimamanna. leikurinn fjar-
aði svo út og markalaust jafntefli
niðurstaðan.
Með þessum úrslitum dettur ÍA í
þriðja sæti deildarinnar en leiknir
heldur sjöunda sætinu. Næsti leik-
ur Skagamanna fer fram á Akranesi
næstkomandi föstudag þegar þeir
taka á móti Þór Akureyri klukkan
19:15.
glh
Skagastelpur unnu baráttusigur á
Haukum úr Hafnarfirði í fyrsta leik
seinni umferðar Inkassodeildar er
liðin mættust á Akranesvelli á föstu-
daginn var. ÍA ásamt Haukum eru í
harðri baráttu í efri hluta deildar-
innar og hvert stig dýrmætt nú þeg-
ar líður á tímabilið.
Þannig einkenndust upphafs
mínútur af mikilli barátta og leik-
gleði meðal leikmanna beggja liða
sem ætluðu sér sigur. Bergdís Fann-
ey Einarsdóttir var drjúg í sóknar-
leik heimamanna og átti meðal ann-
ars kraftmikið langskot sem small í
þverslánni í marki gestanna snemma
leiks. Bergdís Fanney var aftur á
ferðinni stuttu seinna þegar hún
kom boltanum í netið á 38. mínútu
og kom heimamönnum yfir. Tveim-
ur mínútum seinna missti Tori Or-
nela, markvörður þeirra gulklæddu,
boltann frá sér í eigin teig með þeim
afleiðingum að Berglind Baldurs-
dóttir potaði honum í netið og náði
þannig að jafna metin fyrir gestina
áður en liðin héldu í hálfleik.
Seinni hálfleikur var svipað-
ur þeim fyrri. Heimamenn virtust
sterkari aðilinn á grasinu og áttu
góð færi sem erfiðlega gekk að nýta.
En á 62. mínútu var engin önnur en
Bergdís Fanney sem náði að skora
af miklu öryggi eftir að hafa leikið á
vörn Hauka sem kom þannig Skaga-
konum yfir. Eftir það héldu leik-
menn ÍA töluvert aftur og spiluðu
þétta vörn sem gestirnir fundu eng-
ar glufur á og því lokatölur 2-1 fyrir
Skagakonur.
Sigur Skagamanna kemur þeim
nær toppliðum deildarinnar en þær
eru þó áfram í fjórða sæti nú þegar
tíundu umferð er að ljúka. Sama saga
er hjá Haukum sem halda fimmta
sætinu en þetta var fjórði tapleikur
Hafnfirðinganna í röð.
glh
Meistaraflokkur Skallagríms,
bæði karla og kvenna, hafa bætt
við sig liðsstyrk síðustu vikuna.
Kvennaliðið hefur samið við Banda-
ríkjakonuna og leikstjórnandann
Bryeasha Blair um að spila með lið-
inu næsta vetur en hún kemur frá
South Carolina State háskólanum
þar sem hún spilaði lykilhlutverk í
sínu liði. Hjá meistaraflokki karla
er það Króatinn Matej Buovac sem
mun leika með liðinu á næsta tíma-
bili. Króatinn er 25 ára framherji
og um tveir metrar að hæð. „Við
bjóðum þessa nýju leikmenn vel-
komna í Borgarnes,“ kemur fram í
tilkynningu frá félaginu.
glh
Víkingur Ó. sótti nafna sína í
Reykjavík heim þegar liðin mætt-
ust í átta liða úrslitum Mjólkurbik-
arsins á miðvikudag í liðinni viku.
leikurinn fór fram á Víkingsvelli
og var það komið á hreint áður en
liðin mættust að sigurlið viðureign-
arinnar myndi mæta Breiðabliki í
undanúrslitum bikarkeppninnar.
Heimamenn áttu fyrstu sókn
leiksins og voru töluvert meira með
boltann á meðan gestirnir úr Ólafs-
vík héldu sig frekar til baka á vell-
inum. Fyrri hálfleikur var heldur
bragðdaufur og lítið um tilþrif frá
leikmönnum beggja liða. Staðan
eftir 45 mínútna leik því marka-
laus.
Allt leit út fyrir svipaðan seinni
hálfleik. Bæði lið voru lítið sem
ekkert að skapa sér færi, þó var Vík-
ingur Ó. þéttir í varnarlínu sinni og
fundu heimamenn engar glufur hjá
Snæfellingunum. Það var ekki fyrr
en tveimur mínútum fyrir leiks-
lok að dró til tíðinda. Á 88. mínútu
keyrði Gonzalo upp hægri kant-
inn og kom boltanum á liðsfélaga
sinn, Sasha litwin, sem gerði vel
og skoraði af stuttu færi sem kom
Snæfellingum yfir. Of langt var lið-
ið á leiktíma fyrir heimamenn að
svara marki gestanna og því sigur
Ólafsvíkinga staðreynd.
Undanúrslit Mjólkurbikarsins
fara fram 15. og 16. ágúst. Þá mun
FH sækja Stjörnuna heima í Garða-
bæinn og degi síðar mætir Víking-
ur Ó. Breiðabliki á Kópavogsvelli.
Sigurlið þessara viðureigna mætast
svo í úrslitaleik Mjólkurbikarsins á
laugardalsvelli í september.
glh
Víkingur Ó. vann dramatískan sig-
ur á Reykvíkingunum í ÍR þegar
liðin mættust á sunnudaginn í 12.
umferð Inkassodeildarinnar. Þetta
var síðasti leikur umferðarinn-
ar en ástæðan að hann var spilað-
ur svona seint er sú að Víkingur var
að keppa í átta liða úrslitum Mjólk-
urbikarsins í liðinni viku þar sem
liðið tryggði sér þátttöku í undan-
úrslitum. Snæfellingar eru í góðri
baráttu með efstu liðum deildar-
innar á meðan ÍR þarf nauðsyn-
lega á stigum að halda til að forða
sér frá fallsæti. Það kom því ekki á
óvart að ÍR-ingar byrjuðu leikinn af
krafti. Þegar leið á hálfleikinn fóru
Ólsarar hins vegar að færa sig ofar
á völlinn sem breytti þó litlu og var
markalaust í hálfleik.
Meira jafnvægi var með liðum í
seinni hálfleik sem var samt held-
ur bragðdaufur og frekar mikið um
miðjumoð hjá leikmönnum beggja
liða. Það var svo loks á 72. mín-
útu að Alexander Helgi Sigurðsson
náði góðu skoti í snúningi í teigi
gestanna og kom þannig heima-
mönnum yfir. Stuttu seinna náði
Andri Jónsson að jafna fyrir breið-
hyltinga með því að pota boltanum
í netið á 78. mínútu. Mikil barátta
upphófst í kjölfarið og voru Snæ-
fellingar áræðnir í sókn á lokamín-
útunum. Það var svo á fimmtu mín-
útu uppbótartíma að Vignir Snær
Stefánsson, sem var nýkominn inn
á, var tekinn niður í markteig ÍR
með þeim afleiðingum að dóm-
arinn dæmdi víti. Emmanuel Eli
Keke fór á punktinn og kláraði leik-
inn fyrir heimamenn og innsiglaði
þannig sigurinn og stigin þrjú.
Víkingur Ó. er nú í öðru sæti
deildarinnar, einungis tveimur stig-
um á eftir toppliði HK en þessi lið
eigast einmitt við í næstu umferð
og fer toppslagur fram á fimmtu-
daginn á Ólafsvíkurvelli.
glh
Skallagrímur semur
við erlenda leikmenn
Framherjinn, Matej Buovac, frá
Króatíu. Ljósm/ UMFS
Leikstjórnandinn, Bryeasha Blair, frá
Bandaríkjunum. Ljósm/ UMFS
Víkingur Ó. í undanúrslit
Markalaust jafntefli hjá karlaliði ÍA
Skagasigur á heimavelli
Vítaspyrna í uppbótartíma
tryggði sigur Víkings
Ólafsvíkingar er nú komnir í annað sæti Inkassodeildarinnar. Ljósm. af.
Skagamenn máttu
sætta sig við jafntefli
gegn Leikni.
Ljósm/ KFÍA.