Skessuhorn - 01.08.2018, Blaðsíða 11

MIÐVIKUDAGUR 1. ÁGúSt 2018 11
Vi ses på
Danske dage
í Stykkishólmur
den 16. - 17. august.
Aðalskrifstofa - Borgarbraut 74 - 310 Borgarnes
Söluskrifstofa - Lynghálsi 2 - 110 Reykjavík
Netfang - sala@limtrevirnet.is
Aðalnúmer: 412 5300 | Söludeild: 412 5350
limtrevirnet.is
Bjóðum vætuna
velkomna
Hjá Límtré Vírnet færðu hinar traustu
og fallegu Lindab þakrennur.
„Ég byrjaði upphaflega árið 2010
í samstarfi við vinkonu mína. Við
byrjuðum að sauma úr gömlum
bolum því við áttum ekki pening
fyrir efni. Við saumuðum ýmislegt
og héldum svo sýningar. Það tókst
svo vel til að við opnuðum sauma-
stofuna Origami. Við stukkum þá
í djúpu laugina og það gekk von-
um framar. Vinkona mín hætti svo
til að fara í nám og ég flutti vinnu-
stofuna heim til mín og hef verið
að sauma þar með hléum síðan,“
segir Sjöfn Magnúsdóttir, kjóla-
sveinn á Akranesi, þegar blaðamað-
ur Skessuhorns hitti hana á nýju
vinnustofunni hennar. Vinnustof-
an er staðsett við Kirkjubraut 54 og
þar vinnur Sjöfn nú að því að koma
upp aðstöðu. „Við erum fimm sam-
an sem ætlum að vera með aðstöðu
hér fyrir okkar handverk og hönn-
un og ég hlakka mikið til að vinna í
sama rými og þessar flottu konur,“
segir Sjöfn.
Áhuginn kviknaði í
menntaskóla
Aðspurð segist Sjöfn ekki alltaf
hafa haft áhuga á handavinnu. „Ég
held ég geti fullyrt að enginn í fjöl-
skyldunni minni hafi snert saum-
nál. Ég tók svo saumanámskeið í
menntaskóla og þar kviknaði áhug-
inn. Sjöfn er lærður klæðskeri með
sveinspróf í kjólasaum og hefur
verið að hanna sína eigin fatalínu
Sjöfn Magnúsdóttir kjólasveinn opnar nýja vinnustofu við Kirkjubraut 54 á
Akranesi í september. Með á myndinni er Stella Eir, 6 mánaða dóttir Sjafnar.
Vinnustofan Skærin á vinnuborðinu
opnuð á Akranesi í september
frá 2009. „Ég hef verið að sauma
svona í og með síðustu ár og hef
verið í pásu undanfarið og var kom-
in á þann stað að hætta bara. En ég
gat ekki slitið mig frá þessu þó ég
hafi alveg reynt. Þetta er bara það
sem ég vil gera og þegar ég heyrði
af því að nokkrar konur hér á Akra-
nesi væru að hugsa um að opna
svona sameiginlegt rými ákvað ég
að stökkva til og vera með. Nú er
vinnuaðstaðan mín eins og fiska-
búr,“ segir Sjöfn brosandi og bend-
ir á stóra glugga sem snúa beint út
að götu. „Áður var ég bara í lokuðu
rými en nú getur fólk horft á mig
vinna, sem mér finnst mjög hvetj-
andi.“
Færir sig yfir í fjöl-
breyttari handavinnu
Nýja vinnustofan hefur feng-
ið nafnið „Skærin á vinnuborðið“
en Sjöfn hefur verið að hanna og
sauma vörur undir nafninu „tdP
Design“ og mun halda því áfram.
„Ég ákvað að gefa vinnustofunni
nýtt nafn því ég ætla ekki eingöngu
að vera að hanna og sauma fyrir
tdP Design. Ég ætla að vera með
fjölbreyttara handverk og hönn-
un. Ég ætla líka að nota samfélags-
miðla til að kenna fólki, sýna hvað
ég er að gera og gefa góð ráð,“ seg-
ir Sjöfn og bætir því við að hún
taki glöð móti öllum hugmyndum
fólks að verkum. „Mig langar að
þetta verði fjölbreytt og þá er alltaf
gaman að fá hugmyndir frá öðrum.
Svo ef einhver þarf aðstoð má allt-
af koma við hér á vinnustofunni ef
ég er við. Ég mun þó ekki opna fyrr
en í september og tek þá vel á móti
öllum,“ segir hún brosandi.
Fyrir alla þá sem hafa áhuga á
að fylgjast með Sjöfn er hún virk
á Instagram reikningi sínum og er
þar hægt að finna hana undir nafn-
inu Vinnubordid. Þar sýnir Sjöfn
frá undirbúningnum fyrir opn-
un vinnustofunnar í september og
mun hún svo sýna frá því sem hún
er að vinna að hverju sinni.
arg