Skessuhorn - 01.08.2018, Blaðsíða 17
MIÐVIKUDAGUR 1. ÁGúSt 2018 17
Hér er horft úr stofunni inn í borstofuna. Þegar Þóra og Þórður keyptu húsið var
veggur sem skildi rýmin af og var eitt fyrsta verk að rífa hann niður.
hús á milli okkar svo við keypt-
um læknisbústaðinn haustið 2013.
Núna er allt eins og það á að vera,
veggirnir okkar liggja næstum sam-
an eins og þegar við vorum krakk-
ar,“ segir Þóra og hlær. Þau fluttu
inn skömmu fyrir jólin 2013 að-
eins með eitt virkt klósett í heilsu-
gæsluhluta hússins og engar inni-
hurðir og framkvæmdir í hámarki.
„Við héldum jólin í sumarbústað
með tengdafjölskyldu minni það
árið,“ segir hún og minnist þess að
skömmu eftir jólin, þegar þau voru
nýlega byrjuð að vinna í húsinu aft-
ur, fann hún fyrir örlitlum óþæg-
indum. „Ég fann að ég væri ekki
alveg eins og ég átti að vera. Þeg-
ar betur var að gáð kom í ljós að
yngri dóttir okkar væri væntanleg
um haustið, ekki alveg heppilegasti
tíminn,“ segir hún og hlær. Þóra lét
ekki þar við sitja og ákvað að fara
í mastersnám í kennslufræðum og
er núna í diplómanámi í kynfræði.
„Samhliða þessu öllu höfum við
bæði verið að brasa aðeins í skóla
og auðvitað vinna líka. Það er held
ég óhætt að segja að hjá okkur sé
það allt eða ekkert.“
Reyna að halda
í anda hússins
Aðspurð hvað þau hafi þegar gert
við húsið horfir Þóra í kringum sig
smá stund áður en hún fer yfir það
helsta. „Fyrst eftir að við keyptum
taldi bróðir minn svefnherbergin
og reiknaði út hversu mörg börn
við gætum eignast ef við mynd-
um hafa kojur í öllum herbergj-
um. Fyrsta verk okkar var því að
fækka herbergjum og rífa niður
einn vegg og stækka stofuna,“ seg-
ir Þóra kímin. „Við byrjuðum svo
á því sem lá mest á að gera og var
stærsta verkefnið í upphafi líklega
baðherbergið. Þar var bæði sturtu-
klefi og baðkar. Sturtan hafði á
einhverjum tímapunkti farið að
leka. Henni var því bara lokað
og hún ekki notuð meira en lek-
inn var ekki lagaður. Við rifum því
allt út af baðherberginu og gerð-
um það upp frá grunni og ætli það
sé ekki nýtískulegasta herbergið
í húsinu,“ segir Þóra. „Sumarið
2015 gerðum við upp eldhúsið en
þar var innrétting frá 1967. Okkur
langar að halda í anda hússins ætl-
uðum því að halda veggflísunum.
Því miður tókst það ekki því það
voru rakaskemmdir undir þeim.
Við björguðum nokkrum flís-
um sem við settum svo inn á milli
þeirra nýju. Þegar við vorum að
leita að innréttingu var fátt í boði
annað en háglans hvítt en okkur
fannst það ekki passa inn í svona
gamalt hús og vorum hörð á að
finna dökka viðarinnréttingu, sem
svo fannst í IKEA,“ segir Þóra.
Börðust hetjulega
við kerfilinn
„Garðurinn hefur líka verið stórt
verkefni út af fyrir sig. Þegar
húsið var upphaflega byggt var
kvöð um að hafa góðan garð fyr-
ir læknisfrúnna. Hún var aug-
ljóslega mikið fyrir garðrækt en
gróðurinn sem fólk valdi á þess-
um tíma þykir ekki svo skemmti-
legur í dag. Það var til að mynda
mikið um kerfil í öllum garðinum
og við höfum barist hetjulega við
hann,“ segir Þóra brosandi. Ker-
fillinn þakti stóran hluta garðsins
en er nú að mestu farinn. „Þetta er
fyrsta sumarið okkar þar sem við
erum komin með almennileg tök
á honum,“ bætir hún við og geng-
ur inn í bakgarð þar sem hún sýn-
ir blaðamanni nýjan pall sem þau
smíðuðu í sumar. „Hér voru nokk-
ur stór tré sem lokuðu fyrir út-
sýni úr gluggum, skyggðu á garð-
inn og voru farin að vaxa inn í þak-
ið á húsinu. Við tókum þau niður
og settum pallinn en eitt tréð fékk
þó að standa,“ segir Þóra og bend-
ir á tré sem stendur upp úr öðr-
um enda pallsins. Við hlið palls-
ins er blómabeð með fjölbreyttum
gróðri. „Hér hef ég verið að finna
nýja og nýja plöntu á hverju ári,“
segir Þóra brosandi „Ég er mik-
ið líffræðinörd og þykir því rosa-
lega gaman að skoða þennan garð
á hverju sumri.“
Húsið gert upp að utan
Sumarið 2014 var læknisbústaður-
inn tekinn í gegn að utan og mál-
aður og hraunaður. „Rétt eins og
með allt annað höfðum við sterk-
ar skoðanir á því hvernig húsið
yrði að utan. Við vorum hörð á
að fá hraunáferð á það en vissum
ekki hvernig ætti að framkvæma
það. Ég leitaði eftir ráðum fag-
fólks og fékk alltaf uppástungur
um að setja plötur sem líta út eins
og það sé hraunað. Við tókum það
að sjálfsögðu ekki í mál og vild-
um hafa þetta alvöru, sem það að
sjálfsögðu er,“ segir Þóra glaðbeitt
og heldur áfram. „Við höfum lært
ótrúlega mikið á öllu þessu ferli og
fyrst þegar við vorum að byrja viss-
um við ekki alltaf hvað við værum
að fara að gera. En við búum svo
vel að hafa fólk í kringum okkur
sem hefur bæði reynslu og þekk-
ingu og hefur hjálpað okkur mik-
ið. Afi og pabbi Þórðar kunna vel
til verka og svo er Unnar bróðir
minn búinn að hjálpa mikið. For-
eldrar mínir hafa svo alltaf verið til
taks að gera það sem þau geta og
eru þau dugleg að passa stelpurn-
ar fyrir okkur. Við hefðum aldrei
getað þetta án fólksins okkar. En í
dag getum við gert meira sjálf. Við
höfum lært til verka og eigum orð-
ið öll helstu verkfærin. Það munar
rosalega um það,“ segir Þóra.
Harðákveðin að hafa
gaman að verkefninu
Aðspurð hvernig lokaútkoman
kemur til með að verða hlær Þóra
og svarar: „Já, það verður spenn-
andi að sjá. Planið var að sjálf-
sögðu að gera þetta allt í einu en
við vorum ekki lengi að átta okkur
á að það væri vægast sagt óraun-
hæft. Sérstaklega því við erum að
gera þetta sjálf og viljum gera þetta
skynsamlega og ekki sökkva okkur
í skuldir. Við reynum að safna fyr-
ir framkvæmdunum og gera þetta
í litlum skrefum. Þannig getum
við eignast þetta fína heimili fyrir
mun minni pening.“
Í sumar hafa þau unnið að upp-
gerð í heilsugæsluhluta hússins þar
sem þau eru að setja upp baðher-
bergi og gera vinnurými. „Hug-
myndin er að hafa þarna skrifstofu
og seinna meir rafmagnsverkstæði
fyrir Þórð. Það má því alveg segja
að við séum að halda í upprunna
hússins og hafa þar lækningaað-
stöðu, bara ekki fyrir menn held-
ur raftæki,“ segir Þóra glottandi á
svip. „Þau verkefni sem liggja fyr-
ir á tíu ára planinu eru að skipta
um þak, drena og skipta um pípu-
lagnir.“
Húsið er 380 fermetrar að stærð
með bílskúr og því af nógu að taka.
„Bílskúrinn er líka verkefni út af
fyrir sig. Honum var svona tjasl-
að saman við húsið á sínum tíma
og gapir núna á milli bílskúrs-
ins og hússins en það gefur bara
góða loftræstingu í skúrnum,“
segir Þóra. „Það er alveg ljóst að
það verður nóg að gera hjá okkur
næstu misseri og við erum harð-
ákveðin í að hafa bara gaman að,“
bætir hún við að endingu.
arg/ Ljósm. Þóra Geirlaug Bjart-
marsdóttir, nema annað sé tekið fram.
Hér sést inn í eldhúsið eins og það var, með innréttingu frá árinu 1967.
Þessi mynd er tekin þegar verið er að leggja lokahönd á eldhúsið og þarna má sjá hvernig nokkrar af upprunnalegu flísunum
fengu að njóta sín inn á milli nýju flísanna.
Svona var baðherbergið áður en hafist var handa við uppgerð. Lokaútkoman á baðherberginu leit svona út.