Skessuhorn - 01.08.2018, Blaðsíða 18

MIÐVIKUDAGUR 1. ÁGúSt 201818
Borgnesingurinn Hallbjörg Erla
Fjeldsted ver nú fleiri stundum
þessa dagana úti á sjó heldur en á
landi. Hún útskrifaðist úr Skip-
stjórnarskólanum um síðustu jól
og starfar nú hjá hvalaskoðunarfyr-
irtækinu Eldingu sem siglir sínum
bátum út frá höfninni við miðborg
Reykjavíkur. Þar safnar hún sér
tímum hægt og bítandi til þess að
verða skipstjóri einn daginn og láta
þannig drauminn sinn um að sigla
um heimshöfin sjö rætast.
Kveikiþráðurinn
Frá barnæsku hefur Hallbjörg ætíð
haft mikla tengingu við hafið sem
kemur vart á óvart þar sem Borg-
arnes situr á tanga og er umlukið
sjó. „Afi minn á Skagaströnd átti
bát og ég fór nokkrum sinnum með
honum í bátsferðir sem barn. Svo
fannst mér rosalega gaman að fara
niður í fjöru hjá Englendingavík og
hreinsa hugann,“ rifjar hún upp.
Það var sumarið eftir að Hall-
björg útskrifaðist úr Grunnskóla
Borgarness árið 2006 að ungmenn-
um sem voru að klára 10. bekk
bauðst að senda inn umsóknir um
tveggja vikna túr á Varðskipinu Ægi
á vegum Samtaka sveitafélaganna.
„Mér leist ótrúlega vel á þetta, sótti
strax um og komst með í túrinn,”
segir hún glöð.
Þetta var tveggja vikna túr í júlí-
mánuði og voru sex ungmenni val-
in af öllu landinu til að slást í för
með varðskipinu og kynnast þann-
ig starfi á sjónum. Sjálf segist Hall-
björg hafa lært margt í ferðinni.
Þarna var krökkunum gefin góð
kennsla á björgunarbúnað, þeir
kynntir fyrir því hvernig er að vera
á sjó, hvernig er að vera lengi úti
í vinnunni og hvernig það er að
koma heim og eiga gott frí. „túr-
inn minn var svolítið sérstakur að
því leytinu til að okkur var flogið
til Seyðisfjarðar. Sigldum svo allt
norðurlandið og inn í alla firði á
Vestfjörðum. tilgangur ferðarinn-
ar var að koma við í öllum neyðar-
skýlum og passa að þau væri í standi
og að passa að nóg væri til af öllu.
Þetta var rosalega viðburðarmik-
ill túr þegar ég hugsa til baka. Svo
enduðum við í Reykjavík,“ segir
Hallbjörg og bætir við að í þokka-
bót hafi ferðin verið kveikjan að því
að hana langaði að vera á sjónum.
Rakst á tímarit
og sótti um í
Skipstjórnarskólanum
Að grunnskólagöngu lokinni og
tveggja vikna túr á sjó um sumar-
ið hélt leið Hallbjargar til Akraness
þar sem hún nam við Fjölbrauta-
skóla Vesturlands. Þaðan útskrifað-
ist hún með stúdentspróf árið 2010.
„Það var alltaf fast í manni að fara
í menntaskólann, klára stúdentinn
og gera svo eitthvað í framhaldi af
því. Á þessum tímapunkti var ég svo
sem ekkert viss um að mig langaði
að fara sjóleiðina í lífinu. Það kom
meiri staðfesta seinna meir.“
Sem barn hafði Hallbjörg farið
tvisvar með Norrænu þá sem far-
þegi og því sótti hún um vinnu þar
eitt sumarið sem ílengdist og starf-
aði Hallbjörg hjá Norrænu til árs-
ins 2016. „Á tímabili var mig oft að
dreyma að ég væri á labbinu á Nor-
rænu og hugsaði að þetta væri eitt-
hvað merki. Ég sendi því inn um-
sókn til millilandaskipsins, fékk já-
kvætt svar um leið og var mætt til
vinnu stuttu seinna á Seyðisfirði.
útþráin helltist yfir mig og ég klár-
aði seinustu önnina í FVA á sjón-
um,“ segir hún.
Blaðamaður spyr Hallbjörgu
hvort það hafi verið eitthvað sér-
stakt augnablik sem hjálpaði henni
að taka ákvörðum um að fara í Skip-
stjórnarskólann og svarar hún því
játandi. „Það var á einni vaktinni í
Norrænu þegar ég er að taka til í
klefunum að ég finn tímarit í ein-
um þeirra. Ég skoða forsíðuna og
sé að það er eitt og annað um jóla-
dót, einhverjar uppskriftir og svo
sé ég að það er viðtal inn í blaðinu
við kvenskipstjóra sem siglir risa
skemmtiferðaskipi. Ég um leið
kíki inn í blaðið og les viðtalið við
þessa konu. Það var reyndar allt á
færeysku en það kom ekki að sök,“
segir hún hlæjandi og sýnir blaða-
manni hið umtalaða tímarit og við-
talið við færeyska kvenskipstjórann
sem hafði farið í Stýrimannaskóla
í Danmörku og starfað sem stýri-
maður og skipstjóri á ótalmörgum
skipum. „Þetta blað kom út árið
2011 og ég rekst á það fyrir algjöra
tilviljun árið 2014. Það var eins og
blaðið væri rétt mér upp í hendurn-
ar til að hjálpa mér að taka þessa
ákvörðun.“ Hallbjörg byrjar svo í
Skipstjórnarskólanum haustið 2015
og útskrifast tveimur árum seinna
um jólin 2017.
Langar að sigla um
heimshöfin sjö
Í dag býr Hallbjörg Erla í Vestur-
bænum í Reykjavík og starfar hjá
Eldingu sem þjónustar ferðamenn
til hvala- og fuglaskoðunar ásamt
fleiru. Þar er hún í hlutverki yfir-
stýrimanns sem er jafnframt hægri
hönd skipstjóra og þar safnar hún
sér tímum í hverri ferð út á Faxafló-
ann. En hvað er það sem heillar
svona við hafið? „Það er þessi frels-
istilfinning sem ég upplifi alltaf.
Ég finn fyrir mikilli orku á sjón-
um. Mér finnst alltaf þegar ég fer
frá bryggju að þá sé allt stressið í
borginni eftir. Sérstaklega á dögum
eins og þessum þegar það er alveg
slétt í sjóinn, góð skilyrði og gott
skyggni. Þá er þetta algjör draum-
ur,“ segir hún og horfir út á mið-
in og blaðamaður getur vel skilið
þessi áhrif frá sjónum. „Mig lang-
ar rosalega að sigla um heimshöfin
sjö, það er helsti draumurinn. Það
væri einmitt fínt að geta slegið tvær
flugur í einu höggi, vinna og ferðast
um heiminn. Þá líður manni minna
eins og maður sé í vinnunni. Eins
og staðan er núna þá er gott að vera
hér á Íslandi og safna sjótíma hér.
Svo er bara að sjá til hvað verður,
það er aldrei að vita hvað liggur
handan sjóndeildarhringsins,“ segir
Hallbjörg brött að lokum. glh
Upplifir einstaka frelsistilfinningu á sjónum
Hallbjörg Erla segir frá ákvörðun sinni að læra skipstjórann
Hallbjörg Erla Fjeldsted starfar hjá hvalaskoðunarfyrirtækinu Eldingu.
Hallbjörg útskrifaðist úr Skipstjórnar-
skólanum um síðustu jól.
Ungmennin sem fóru með Varðskipinu Ægi í tveggja vikna túr um Norðurland og Vestfirði.
Hallbjörg að störfum í brúnni sem yfirstýrimaður.
Leitað að merkjum um hvali á miðunum.