Skessuhorn - 22.08.2018, Blaðsíða 4

MIÐVIKUDAGUR 22. ÁGúSt 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Og enn skulum við bíða
Leiðari
Í síðustu viku bárust tilkynningar um tafir á umferð um Kjalarnes. Ástæð-
an, jú það átti að hefja viðgerðir á veginum og skyldu þær standa yfir í tvö
kvöld og fram á nótt. Þetta er jú vegurinn sem fólk treystir á að sé í góðu
lagi, tengir saman norður- og suðurhluta landsins og með góðri samvisku
hægt að krefjast þess að hann sé í lagi. Það olli mér því talsvert miklum von-
brigðum þegar ég brunaði suður á föstudagskvöldið. Sá að búið var að lag-
færa rúmlega þriggja kílómetra kafla á veginum milli Leiðhamra og Sjávar-
hóla, sitthvorum megin við stóru selfie stöngina á móts við Vík. Ekki var
búið að hreyfa við þeim hluta vegarins sem er hvað verstur, þ.e. frá Grund-
arhverfinu meðfram sjónum og suður að beygjunni. Sá kafli er með djúpum
og stórhættulegum hjólförum sem allir sem til þekkja vita hversu hættu-
legur er, einkum í votviðri, hvað þá krapa, hvassviðri eða öðrum aðstæðum
sem koma upp á vegum nærri háum fjöllum. Bjarnheiður Hallsdóttir, for-
maður áhugahópsins til öryggis á Kjalarnesi, aflaði upplýsinga um málið,
enda fannst henni líklega eins og mér að snautlega lítið væri búið að gera.
Fékk hún þær upplýsingar frá Vegagerðinni að framkvæmdin hafi kostað
65 milljónir króna og að ekki stæði til að fara í meiri lagfæringar á þjóðveg-
inum um Kjalarnes á þessu ári. Þar höfum við það.
Í þessari sömu viku sá ég frétt á annarri hvorri sjónvarpsstöðinni þar sem
lýst var hönnun og væntanlegri tvöföldun Suðurlandsvegar milli Hvera-
gerðis og Selfoss. Bráðnauðsynleg framkvæmd og löngu tímabær, enda
mikill slysakafli líkt og Kjalarnesið. Í kjölfar birtingar á þeirri frétt kvað við
ramakvein frá sveitarstjórum Hafnarfjarðar og Reykjanesbæjar sem undrast
að ekki standi til að ljúka við að tvöfalda vegstubbinn milli þessara byggð-
arlaga. Ég náttúrlega beið eftir sambærilegri frétt af Vesturlandi þar sem
því væri harðlega mótmælt að okkar landshluti er látinn sitja á hakanum
eina ferðina enn. Kannski sá ég ekki alla fréttatíma næstu daga á eftir, en
allavega missti ég af því ef múkk hefur heyrst úr norðurátt.
Að auka umferðaröryggi er að líkindum mikilvægasta framkvæmd sem
íslenska ríkisins bíður. Samgönguráðherra hefur sjálfur sagt að allt frá
hruni hafi vegabætur setið á hakanum og nú sé mál að linni í þeim efnum.
En einhvern veginn finnst mér eins og það sé lítið um efndir. Minna en við
sem búum hér á vestanverðu landinu getum og eigum að sætta okkur við.
Okkur er jú gert að sækja mikið af opinberri þjónustu á höfuðborgarsvæðið
og hundruðir íbúa á Vesturlandi sækja daglega vinnu og nám til Reykjavík-
ur. Sú staðreynd hefur valdið fólksfjölgun í landshlutanum á undanförnum
árum. En fólkið sem ákveðið hefur að byggja afkomu sína á atvinnusókn á
höfuðborgarsvæðinu en með búsetu á Akranesi, í Borgarnesi og nærliggj-
andi svæðum, það getur ekki beðið lengur. Ef ekki fer að hilla undir að
framkvæmdir geti hafist við tvöföldun Vesturlandsvegar allt upp í Borgar-
nes óttast ég að viðsnúningur geti orðið í hversu svæðið reynist eftirsótt til
búsetu.
En hverjir eru það sem eiga að láta í sér heyra? Jú vissulega grasrótarfélag
eins og Bjarnheiður veitir forstöðu. En auðvitað einnig sveitarstjórnarfólk,
hvort sem það er á vettvangi hagsmunasamtaka eins og Samtaka sveitar-
félaga á Vesturlandi, eða bara sveitarstjórarnir sjálfir eða oddvitar. Vissu-
lega bind ég ennþá vonir við að þegar samgönguáætlun lítur dagsins ljós í
haust eða vetur, að þá verði einhverra tíðinda að vænta. Að við getum vænst
einhvers meira en 65 milljóna í okkar vegi á næsta ári. En þangað til hvet
ég alla vegfarendur sem verða að sækja suður, að aka varlega. Vegurinn er
við ýmsar aðstæður miklu hættulegri en boðlegt er fyrir einn fjölfarnasta
stofnveg þjóðvegakerfisins. Akstur um hann krefst í senn mikillar árvekni,
vel búinna og traustra bíla og ekki síst verðum við alltaf að vona að sá öku-
maður sem við erum að fara að mæta sé ekki illa áttaður asískur ferðamaður
eða Íslendingur að senda smáskilaboð.
Magnús Magnússon
tómas Hallgrímsson frá Grundar-
firði er einn af bílstjórum flutninga-
fyrirtækisins Ragnars og Ásgeirs. Á
meðfylgjandi mynd stendur hann
stoltur fyrir framan nýjasta bíl fyr-
irtækisins, sem er af gerðinni Volvo
FH-16. „Þetta er alveg svakalegt
tæki,“ segir tómas stoltur. „Bíllinn
er alveg nýr og trailerinn líka. Hann
er aðeins ekinn 3000 kílómetra,“
segir tómas og býður fréttaritara
Skessuhorns að skoða bílinn. Jú,
mikið rétt. Um borð voru öll nýjustu
tæki og tól sem hægt er að hugsa sér.
„Þar er m.a. sjónvarp, rafmagnskoja
og bara allt til alls,“ útskýrir tóm-
as og bendir fréttaritara á allskon-
ar takka sem gera hitt og þetta. Þótt
fréttaritari hafi ekki hundsvit á bíl-
um er gaman að sjá áhuga tómas-
ar og útskýringar hans á búnaðin-
um og virkni hans. Vélin er yfir 700
hestöfl svo kraftur bílsins er yfirdrif-
inn. Þá bendir hann á ljóskastarana,
tólf talsins, sem breyta nótt í dag
þegar þeir eru allir notaðir.
Aðspurður um hvað svona bíll
kosti, segir tómas að það velti á
mörgum tugum milljóna, en þeir
hjá Ragnari og Ásgeir vilja bara það
flottasta og besta í bílana sína. „Þetta
er betra en að keyra fólksbíl,“ segir
tómas um leið og lyftaramaðurinn
er búinn að lesta bílinn með makríl
sem þarf að senda í vinnslu hið snar-
asta. af
Betra en að keyra fólksbíl
Nýlega var ráðist í miklar breyting-
ar á línubátnum tryggva Eðvarðs
SH. Gylfi Scheving Ásbjörnsson,
skipstjóri á tryggva, segir í samtali
við Skessuhorn að byggt hafi ver-
ið yfir bátinn hjá Sólplasti í Sand-
gerði og hafi breytingarnar tek-
ist vel. „Þetta er mikið öryggi að
hafa bátinn yfirbyggðan. Auk þess
hlífir þetta áhöfninni fyrir vindi og
kulda. Ég er gríðarlega sáttur við
þetta,“ segir Gylfi. „Við förum á
línu um miðjan september en við
höfum þegar hafið veiðar á mak-
ríl og ganga þær veiðar vel,“ seg-
ir Gylfi.
af
Byggt yfir Tryggva Eðvarðs SH
Tryggvi Eðvarðs SH koma að landi í Ólafsvík með fullfermi af makríl.
Ráðningarferli á nýjum rektor við
Landbúnaðarháskóla Íslands er
komið vel á veg. Lauk starfsvið-
tölum við umsækjendur sem sækj-
ast eftir stöðunni þriðjudaginn 14.
ágúst síðastliðinn. Í upphafi sóttu
fimm einstaklingar um stöðuna en
nú standa fjórir eftir þar sem einn
dró umsókn sína til baka. Valnefnd
sem skipuð er af núverandi rektori,
dr. Sæmundi Sveinssyni, sér um
ráðningarferlið. Valnefndin starfar
í umboði háskólaráðs LbhÍ og hef-
ur það hlutverk að meta hæfni um-
sækjenda og hefur hún fengið fag-
fólk frá ráðgjafarfyrirtækinu Capa-
cent til liðs við sig. Nú er ferlið
komið á það stig að valnefnd mun
í lok mánaðar skila greinargerð út
frá viðtölum til háskólaráðs LbhÍ.
Háskólaráð mun vinna umsókn-
ir frekar og á endanum tilnefnir
ráðið einn eða fleiri umsækjendur
til menntamálaráðherra sem tek-
ur endanlega ákvörðun um skipun
rektors.
Eins og fram hefur komið í
Skessuhorni þá var dr. Sæmund-
ur Sveinsson settur í stöðu rektors
til eins árs frá og með 1. október á
síðasta ári. Nú líður undir lok á því
setningartímabili og því ljóst að
bráðlega þarf ákvörðun um stöðu
rektors að liggja fyrir. Sæmundur
er sjálfur ekki meðal umsækjenda
um stöðuna. glh
Ráðning nýs rektors
við LbhÍ í farvegi
Dr. Sæmundur Sveinsson er núverandi rektor LbhÍ á Hvanneyri. Ljósm. úr safni.