Skessuhorn - 22.08.2018, Blaðsíða 11
MIÐVIKUDAGUR 22. ÁGúSt 2018 11
Nú er hafin vegagerð að væntan-
legu brúarstæði yfir Norðlingafljót
á Arnarvatnsheiði. Samið hefur
verið við Vestfirska verktaka ehf.
um að byggja brúna og stendur
til að því verki verði lokið fyrir 1.
október næstkomandi. Reist verð-
ur stálgrindarbrú með timburgólfi
milli tveggja hraunklappa við ána,
skammt ofan við Helluvað. Verk-
takar úr Borgarfirði sjá um vega-
gerðina sem hófst á mánudaginn
í síðustu viku. Brúarstæði þetta er
frá náttúrunnar hendi mjög gott
og hefur draumur margra um ára-
bil verið að á þessum stað yrði
reist brú. Langt er síðan úthlutað
var peningum til verksins en þeir
voru meðal annars „lánaðir“ í önn-
ur verk. Það var loks Jón Gunn-
arsson fv. samgönguráðherra sem
beitti sér fyrir því að lokið yrði að
fjármagna framkvæmdina og haf-
inn undirbúningur að útboði.
Norðlingafljót hefur fram til
þessa verið helsti farartálmi al-
mennrar umferðar úr Borgarfirði
og norður í Miðfjörð um Arnar-
vatnsheiði. Jepplingafært er nú
þessa leið utan Norðlingafljóts, en
það er of vatnsmikið til að hægt sé
að aka þar yfir nema á vel búnum
jeppum. Þá er rennsli í ánni afar
mismunandi og getur aukist veru-
lega eftir heita sumardaga þeg-
ar snjóbráð er mikil úr jöklunum.
Af þeim sökum hefur oft legið við
slysi þegar óvant ferðafólk hefur
fest bíla sína í fljótinu. Snorri Jó-
hannesson, bóndi á Augastöðum
og veiðivörður á Arnarvatnsheiði,
fagnar því að loks hylli undir brú-
argerðina sem hann segir löngu
tímabæra. „Það hefur lengi verið
barist fyrir því að lögð verði brú
yfir Norðlingafljót. Hún mun
skapa fjölmörg tækifæri í ferða-
þjónustu og tengir saman sýsl-
urnar. Ekki síst eykur hún þó ör-
yggi ferðafólks, en ég efast um að
fólk geri sér almennt grein fyr-
ir hversu oft hefur legið við stór-
slysum þarna í fljótinu. Brú ofan
við Helluvað hefur auk þess verið
á skipulagi fyrir hálendið til fjölda
ára. Fyrir Veiðifélag Arnarvatns-
heiðar getur þetta þýtt aukna um-
ferð og um leið bætt þjónustu við
fólk sem vill njóta náttúrunnar og
fengsælla veiðivatna á Arnarvatns-
heiði,“ segir Snorri Jóhannesson.
mm
HEKLA verður á ferðinni á Snæfellsnesi laugardaginn 25. ágúst með úrval glæsilegra bíla frá
Volkswagen, Skoda, Audi og Mitsubishi. Sölumenn taka vel á móti áhugasömum
og reynsluakstur er í boði.
11:00 -12:00 Stykkishólmur – hjá Arion banka.
13:30-14:30 Grundarfjörður – hjá Arion banka.
16:00 – 17:00 Ólafsvík – hjá Söluskála ÓK.
Hlökkum til að sjá þig!
Starfsfólk HEKLU.
HEKLA poppar upp!
Við verðum á
eftirtöldum stöðum:
Krakkarnir á Eldhömrum í Grund-
arfirði fengu nýlega ný endurskins-
vesti að gjöf frá Vátryggingafélagi
Íslands. Eldhamrar er elsta deild
leikskólans en hún er starfrækt í
Grunnskóla Grundarfjarðar. Það er
afskaplega mikilvægt að skarta góðu
endurskini þegar haustið nálgast og
sól lækkar á lofti. Það var Kristján
Guðmundsson umboðsmaður VÍS
í Grundarfirði sem fékk að sitja fyr-
ir á mynd með þessum kátu krökk-
um.
tfk
Eldhamrar fá ný vesti
Í fjörunni á Víkurrifi, sem liggur
á milli Brimlárhöfða og Búlands-
höfða á norðanverðu Snæfellsnesi,
liggur hvalshræ sem farið er að slá
all verulega í. Hræið er frekar ólyst-
ugt á að líta og lyktin eftir því fúl.
Óljóst er hvenær hvalinn rak á land
en ljóst að töluert er síðan hann
drapst. Mikið hefur verið um hvali
á þessum slóðum undanfarna daga
en stutt er síðan tugir grindhvala
syntu illa áttaðir við fjörur Snæ-
fellsness.
tfk
Hvalreki á Víkurrifi
Vegað að nýju brúarstæði
yfir Norðlingafljót
Brúarstæði ofan við Helluvað er frá náttúrunnar hendi afar hentugt milli tveggja
hraunklappa. Ljósm. mm.
Byrjað var að vega að brúarstæðinu sunnan ár á mánudaginn. Ljósm. ibr.