Skessuhorn - 05.09.2018, Blaðsíða 4
MIÐVIKUDAGUR 5. SEpTEMbER 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Katrín Lilja Jónsdóttir klj@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Sú var tíðin að fólk til sveita og út til stranda læsti aldrei húsum sínum
jafnvel þótt enginn væri heima svo dögum skipti. Sjálfur man ég ekki eft-
ir að útidyrahurðinni á húsinu sem ég ólst upp í í sveitinni hafi nokkurn
tímann verið læst og lykill ekki einu sinni á vísum stað. Það einhvern veg-
inn hvarflaði ekki að nokkrum að læsa. Fólki var treyst til að virða frið-
helgina. Í seinni tíð hefur þetta breyst og nú er ekki hægt að ráðleggja
annað en að fólk læsi dyrum og loki gluggum jafnvel þótt einungis sé
skroppið frá í stuttan tíma um miðjan daginn.
Á undanförnum misserum og árum höfum við fylgst með fréttum af því
þegar óprúttnir aðilar hafa farið ránshendi um hverfi, þorp eða landshluta
og boðið sjálfum sér inn í híbýli fólks. Oft hafa þetta verið erlend gengi
glæpamanna sem skipulega hafa valið sér fórnarlömb. Á síðasta ári voru
til dæmis framin nokkur innbrot í hús á Akranesi um svipað leiti og slík
bylgja ránsferða gekk yfir höfuðborgarsvæðið. Tókst lögreglu sem betur
fer að hafa hendur í hári þess hóps sem stóð að baki. Í síðustu viku virð-
ist sem tekist hafi að uppræta annað gengi, en þá var maður einn á ferð
á Snæfellsnesi. Sást til ferða hans þannig að viðkomandi gat ekki annað
en ekið í flas lögreglunnar. Snæfellsnesið er nefnilega svo skemmtilega
lagað að þaðan eru ekki margar undankomuleiðir á landi. Kom í ljós að
þarna var ungur maður á ferð sem komist hafði í kast við lögin fyrr á
þessu ári, setið skamman tíma í hvíldarinnlög á Hólmsheiði en sleppt
að því loknu og úrskurðaður í farbann. Faðir hans hafði verið honum til
halds og trausts í fyrra skiptið en nú er talið líklegt að sá gamli hafi kom-
ist úr landi. Þá hafði stráksi náttúrlega ekkert annað að gera og tók því
upp fyrri iðju sína, þar til nú. Ég tek ofan fyrir lögregluembættum lands-
ins sem unnu í sameiningu að rannsókn þessara fjölmörgu mála og ekki
síst að tókst að hafa hendur í hári þessa pörupilts vestur á Vegamótum á
fimmtudaginn.
En þótt þessi tiltekni ungi maður hafi náðst, er ekki þar með sagt að
glæpum af þessu tagi lynni. Samkvæmt þeim upplýsingum sem ég hef
má búast við að skrattakollar af þessu tagi dúkki upp á nýjan leik því
skipulagðir glæpahópar verða áfram sendir hingað til lands til innbrota
og hverskyns auðgunar. Margt af þessu fólki lítur á glæpi sem atvinnu og
kann jafnvel ekkert annað, eða er þröngvað til glæpa af foryngja eða jafn-
vel heimilisföðurnum. Hér eru því á ferðinni annarrar og jafnvel þriðju
kynslóðar innbrotsþjófar.
En við sem ekki erum alin upp við svona lagað þurfum greinilega að
breyta ýmsu í samræmi við ískaldan veruleikann. Í fyrsta lagi þurfum við
að finna útidyralykilinn og fara að læsa þegar við förum að heiman. Ekki
einvörðungu á daginn, helur líka á kvöldin og nóttunni því þekkt er að
þeir alhörðustu í þessum bransa ráðist til inngöngu meðan fólk er í fasta-
svefni. Þá er ekki síður mikilvægt að þeir sem búa í þéttbýli virki í sér ná-
grannagæskuna og hafi þannig auga með grunsamlegum mannaferðum í
næsta nágrenni að nóttu sem degi. Þá getur það verið gagnlegt að láta til
dæmis nágranna okkar vita ef við ætlum að verða að heiman í tiltekinn
dagafjölda, þannig að fólk viti af því. Þá er eitt afar skynsamlegt, en það
er að auglýsa ekki fyrir alþjóð, eða fyrir notendum samfélagsmiðla, að við
séum að fara til útlanda. Ósjaldan sé ég fólk deila flugleiðinni, áfanga-
stað og annarri upplifun á ferðum sínum. Vel skipulagðir þjófar eru engir
aular og þeir geta hæglega fylgst með húsráðendum á samfélagsmiðlum.
Loks er ekki úr vegi að koma fyrir öryggiskerfi i húsum því þau hafa oft
komið að gagni.
Við verðum að sætta okkur við þá staðreynd að heimurinn er að breyt-
ast. Ekki alltaf til hins betra, því er nú ver og miður.
Magnús Magnússon.
Glæpagengi
Í frétt Skessuhorns í síðustu viku var
sagt því að Samtök afurðastöðva í
mjólkuriðnaði hafa sent atvinnu- og
nýsköpunarráðuneyti bréf þar sem
samtökin lýsa sjónarmiðum sínum
varðandi fyrirhugaða úttekt á áhrif-
um innflutningskvóta í ostum sem
verndaðir eru með upprunatákn-
um eða landfræðilegum merking-
um samkvæmt reglum Evrópusam-
bandsins. Í fréttinni var vísað í frétt
á vef bændablaðsins þar sem sagði
að ef tollkvótar til innflutnings á
mygluostum yrðu fullnýttir gæti
það orskakað að loka yrði starfs-
stöð Mjólkursamsölunnar í búðar-
dal, stærsta vinnustað Dalabyggð-
ar. Í fréttinni er vísað til bréfs SAM
þar sem stóð að nær allir íslenskir
mygluostar (90%) væru framleiddir
í starfsstöð Mjólkursamsölunnar í
búðardal og stór hluti mjólkur sem
unnin er í búðardal er nýtt til fram-
leiðslunnar. Lúðvík Hermannsson
rekstrarstjóri MS í búðardal vill
koma á framfæri leiðréttingu hvað
þessar upplýsingar varðar.
„Það rétta er að af innveginni
mjólk hjá MS búðardal fer ca 40%
af mjólkinni til mygluostagerðar.
Um 60% fer hins vegar til annarr-
ar ostagerðar, svo sem FETA osts,
Cheddars, Havarti, kryddosta og
fleira. Einnig eru framleiddar sýrð-
ar vörur hjá MS búðardal.“ Lúðvík
tekur undir að auðvitað yrði það
högg fyrir MS búðardal og mjólk-
uriðnaðinn í heild ef þessi tolla-
samningur nær fram að ganga. „En
það yrði alls ekki til að loka þurfi
MS búðardal, í ljósi þess að margt
annað er framleitt í samlaginu,“
segir Lúðvík. mm
Margt fleira en mygluostar
framleitt hjá MS Búðardal
Mjólkurstöðin í Búðardal.
Matvælastofnun hefur birt lista
yfir skráð fóðurfyrirtæki og bænd-
ur sem hyggja á heyútflutning til
Noregs. Skráningin er forsenda
þess að geta flutt út hey. Samkvæmt
lista stofnunarinnar í dag hafa á
þriðja hundrað bændur á landinu
skráð sig sem heysala. Langflestir
eru þeir á norðan- og austanverðu
landinu þar sem sprettu- og hey-
skapartíð var með ágætum í sum-
ar. En á lista Matvælastofnunar
eru meðal annars 26 jarðir á Vest-
urlandi auk nokkurra jarða í Reyk-
hólasveit og á Ströndum. Þessar
26 jarðir skiptast þannig að ýmist
hefur hefðbundinn búskapur ver-
ið aflagður en töluvert er þó einn-
ig um jarðir þar sem búið er með
kýr, sauðfé eða hross. Samkvæmt
heimildum Skessuhorns hafa
bændur um vestanvert landið und-
irbúið sölu á heyi til hestamanna
í Noregi. Sýni af heyfeng þessara
búa hafa verið send utan til grein-
inar og er gert ráð fyrir að heyinu
verði safnað saman og það flutt til
Noregs í gámum. mm
Allmargir vestlenskir bændur
hyggja á heyútflutning
bæjarstjórn Akraness hef-
ur samþykkt samhljóða til-
lögu skipulags- og umhverf-
isráðs þess efnis að breyta
deiliskipulagi Sementsreits.
breytingin felst í að Sements-
strompurinn verði fjarlægð-
ur. Deiliskipulagsbreyting-
in verður nú send til Skipu-
lagsstofnunar til yfirferðar og
óskað heimildar til að auglýsa
breytingartillöguna í b-deild
stjórnartíðinda.
mm
Bæjarstjórn samþykkti að
strompurinn verði felldur
Dagar sementsstrompsins verða brátt taldir. Ljósm. kgk.
Yfirlitsteikning af væntanlegu byggingasvæði á skipulagi ofan við Faxabraut.