Skessuhorn - 05.09.2018, Blaðsíða 9
MIÐVIKUDAGUR 5. SEpTEMbER 2018 9
Yfirverkfræðingur
rafveitu
Norðurál óskar eftir að ráða yfirverkfræðing rafveitu, starfið
heyrir undir framkvæmdastjóra viðhaldssviðs. Um er að ræða
fjölbreytt og krefjandi verkefni fyrir einstakling sem hefur
frumkvæði og metnað í starfi og býr yfir ríkri öryggisvitund.
Norðurál á Grundartanga er eitt stærsta iðnfyrirtæki á Íslandi. Hjá fyrirtækinu starfa um
600 manns með fjölbreytta menntun og bakgrunn. Norðurál vill stuðla að jöfnu hlutfalli karla
og kvenna innan fyrirtækisins og jöfnum tækifærum til starfsþróunar.
Umsóknarfrestur er til og með 9. september nk. Sækja skal um starfið á vef Capacent,
www.capacent.is. Umsókn þarf að fylgja ítarleg starfsferilskrá og kynningarbréf þar sem
gerð er grein fyrir ástæðu umsóknar og rökstuðningur fyrir hæfni viðkomandi í starfið.
Umsjón með starfinu hafa Hilmar G. Hjaltason (hilmar.hjaltason@capacent.is) og Auður
Bjarnadóttir (audur.bjarnadottir@capacent.is) hjá Capacent ráðningum.
Íslenskt ál um allan heim | nordural.is
Helstu verkefni:
• Tryggja rekstur rafveitu með öryggi, skilvirkni
og hagkvæmni að leiðarljósi
• Skipulagning og samhæfing vinnu í rafveitu
• Innleiðing verkefna og verklags
• Innkaup á raforku
• Umsjón með dreifikerfi rafveitu
• Skýrslu- og áætlanagerð
• Önnur tilfallandi verkefni
Hæfniskröfur:
• Rafmagnsverkfræði/tæknifræði (sterkstraumssvið)
• A-löggilding til rafvirkjunarstarfa
• Reynsla af störfum sem lúta að hönnun og/eða
uppsetningu háspennuvirkja er kostur
• Rík öryggisvitund
• Leiðtogahæfni og frumkvæði
• Öguð vinnubrögð og sjálfstæði í starfi
Í tilkynningu frá opinbera hluta-
félaginu Íslandspósti kemur fram
að afkoma fyrirtækisins versnað
um 260 milljónir fyrstu sex mán-
uði ársins. Nefnd er sem ástæða
versnandi rekstrarafkomu 12%
fækkun bréfasendinga milli tíma-
bila. Þá er tap á bögglapósti frá
Kína sem flokkað er sem þróunar-
ríki og því greitt fyrir þær sending-
ar minna en umsýslan með send-
ingarnar kostar.
„bréfasendingum hefur fækkað
mikið hér á landi á síðustu árum.
Meiri en helmingi færri bréf voru
send árið 2017 en 2007 og bréfum
fækkar enn mikið. Þegar fyrstu sex
mánuðir ársins 2018 eru bornir
saman við fyrstu sex mánuði árs-
ins 2017 kemur í ljós að 12% færri
bréf voru borin út hér á landi milli
ára og er það mun meiri samdrátt-
ur en spár gerðu ráð fyrir. Ef fram
fer sem horfir verður metfækk-
un bréfa í ár. Það leiðir til þess að
tekjur Íslandspósts munu drag-
ast saman um hátt í 400 milljónir
króna. Á sama tíma eykst kostnað-
ur við bréfadreifingu vegna þess að
fjölgun íbúða og fyrirtækja leiðir
til þess að dreifikerfi Íslandspósts
stækkar.“
Íslandspóstur sinnir svokall-
aðri alþjónustuskyldu fyrir ríkið
og hefur á móti einkarétt ríkis-
ins á að dreifa árituðum bréfum
50 grömmum og léttari. Tekjum
af einkaréttarbréfunum er ætlað
að greiða fyrir þá alþjónustu sem
ekki stendur undir sér, svo sem
dreifingu í sveitum landsins. „Nú
er svo komið að tekjur af einka-
rétti duga ekki til þar sem þær hafa
dregist mikið saman með minnk-
andi magni. Önnur þjónusta sem
fyrirtækið veitir í samkeppni hef-
ur því verið að greiða niður hluta
alþjónustunnar. Það dugar hins-
vegar ekki lengur til og því hefur
saxast á eigið fé Íslandspósts sem
gengur ekki til lengdar,“ segir í til-
kynningu.
Ekki eru allar pakka-
sendingar arðbærar
Undir alþjónustuskyldu ríkis-
ins sem Íslandspóstur sinnir fell-
ur m.a. móttaka, meðhöndlun og
dreifing á sendingum frá útlönd-
um. Mikil aukning hefur verið í
netverslun frá útlöndum á undan-
förnum árum og þá sérstaklega frá
Kína. Vegna óhagstæðra alþjóða-
samninga þar sem Kína er flokk-
að sem þróunarríki fær Ísland-
spóstur mjög lágt gjald greitt fyrir
þessar sendingar og standa þær
greiðslur einungis undir litlum
hluta þess kostnaðar sem fellur til
við að meðhöndla þær. Mikið tap
af þessum erlendu sendingum, sem
Íslandi ber að sinna samkvæmt al-
þjóðasamningum, er stór hluti
vandans við fjármögnun alþjón-
ustunnar.“
Loks segir að stjórnendur Ís-
landspósts vinni nú að því í sam-
vinnu við stjórnvöld að leita leiða
til að tryggja fjármögnun alþjón-
ustunnar og laga hana að breyttum
forsendum. mm
Afkoma Íslandspósts
versnar sífellt
„Það er þyngra en tárum taki að
hlusta á lukkuritara forréttinda-
hópanna tala um að lágtekjufólk
hafi hækkað mest í kaupmætti og
dregið hafi úr ójöfnuði og misskipt-
ingu,“ skrifar Vilhjálmur birgisson
formaður Verkalýðsfélags Akraness
og heldur áfram: „Það blasir við að
allur þessi samanburður byggist á
prósentuhagfræði en sú hagfræði
stenst ekki nokkra skoðun enda fer
lágtekjufólk ekki með prósentur og
verslar í matinn né greiðir húsleigu
með prósentum. Það verður því að
vera skýr krafa í komandi kjara-
samningum að samið verði í krón-
um en ekki prósentum enda eru
prósentur aflgjafi misskiptingar,
óréttlætis og gerir ekkert annað en
að auka ójöfnuð hér á landi.“
Vilhjálmur segir það eins og við
manninn mælt að þegar komi að
því að semja í kjarasamningum fyrir
íslenskt verkafólk að þá sé svigrúm-
ið til launabreytinga ætíð afar tak-
markað. Þar vísar hann til skýrslu
sem Katrín Jakobsdóttir fékk Gylfa
Zoega hagfræðing til að gera. Í
skýrslu Gylfa kemur fram að hann
telji að svigrúm til launabreytinga
sé 4%. „Hefði ekki verið þjóðráð
fyrir forsætisráðherrann okkar að
kalla eftir skýrslu um hvaða áhrif
það myndi hafa á vinnumarkaðinn
í heild sinni þegar Kjararáð hækk-
aði æðstu ráðamenn þjóðarinnar og
forstjóra ríkisstofnanna um 45%,
eða þegar forstjóri Landsvirkj-
unar fékk launahækkun sem nam
1,2 milljónum á mánuði, sem og
bankastjóri Landsbankans,“ spyr
Vilhjálmur. Tónninn í komandi
kjaraviðræðum hefur verið sleginn.
mm
Segir prósentur aflgjafa
misskiptingar