Skessuhorn - 05.09.2018, Blaðsíða 18

MIÐVIKUDAGUR 5. SEpTEMbER 201818
Hjónin Agnar Gestsson og Jó-
hanna bára Ásgeirsdóttir reka
ferðaþjónustu og hestaleigu á
Lýsuhóli í Staðarsveit. Hafa þau
marga fjöruna sopið í þeim efnum.
Mikið hefur verið að gera síðustu
misserin enda fjöldi ferðamanna
margfaldast síðustu árin. „Við
erum með gistirými fyrir tæplega
40 manns og svo rúmlega 70 hross
í hestaleigu,“ segir Agnar í stuttu
spjalli við Skessuhorn. „Við bjóð-
um upp á gistingu með morgun-
mat og kvöldverð og svo eru oft
hópar hérna í hestaferðum sem
eru í fullu fæði,“ bætir hann við,
en mikil uppbygging hefur átt sér
stað á Lýsuhóli að undanförnu.
„Það voru foreldrar Jóhönnu
sem byrjuðu með gistingu hérna
árið 1983 en þá voru útbúin þrjú
herbergi á efri hæðinni í íbúðar-
húsinu fyrir ferðamenn,“ seg-
ir Agnar en það var Guðmund-
ur Kristjánsson, fósturfaðir Jó-
hönnu báru og móðir hennar,
Margrét Hallsdóttir, sem byrjuðu
með ferðaþjónustuna. „Við Jó-
hanna vorum mikið hérna á sumr-
in að hjálpa til en svo veikist Guð-
mundur árið 1993 og þá tökum
við ákvörðun um að flytja alfarið
hingað og taka við rekstrinum,“
segir Agnar en þau bjuggu á Sel-
tjarnarnesi áður en þau fluttu bú-
ferlum á Snæfellsnesið. Eftir að
þau fluttu vestur hófu þau mikla
uppbyggingu á svæðinu og bættu
við gistirými. „Við byggðum þrjú
lítil sumarhús árið 1994 sem við
leigjum út en húsin eru núna níu
sem eru í útleigu og svo tvö ný hús
sem bíða eftir leyfisveitingu,“ seg-
ir Agnar en það er nóg um að vera
alla daga en einnig er veitinga-
staður á Lýsuhóli þar sem hægt er
að fá kvöldmat.
Vatnshlaupabretti og
hristibretti
„Jóhanna er með 30 til 40 manns
í mat hérna á kvöldin en það er
mestmegnis fólk sem er hér í gist-
ingu en einnig kemur fólk sem er á
ferðalagi um svæðið. Ég hugsa að
svona 95% af viðskiptavinum okk-
ar séu erlendir ferðamenn en það
er þó alltaf eitthvað af Íslendingum
sem slæðist með. Það er svo helst
á haustin og vorin að við fáum
hópa í hestaferðir,“ segir Agnar.
Það hefur verið mikil uppbygging
í ferðaþjónustu á Snæfellsnesi og
nánast á hverju ári sem einhverju
er breytt og bætt við. „Við byrj-
uðum að byggja reiðhöll árið 2016
sem er tilbúin núna, en hún hef-
ur gjörbylt allri aðstöðu hjá okk-
ur,“ segir Agnar, en aðstaða er öll
til fyrirmyndar bæði fyrir hross og
menn. „Við höfum fjárfest mikið
og erum til að mynda með vatns-
hlaupabretti, tamningahringekju
og hristibretti í notkun hérna hjá
okkur,“ bætir hann við en fréttarit-
ari þurfti að fara í sýningarferð um
svæðið til að komast að því hvað
hristibretti, vatnshlaupabretti og
tamningahringekja er enda ekki
vel að sér í slíkum málum.
Agnar segir að það sé ágætis
umferð ferðamanna á veturna líka
þó að mest sé um að vera á sumr-
in. „Umferð ferðamanna er alltaf
að aukast hérna um Snæfellsnesið
en það mætti þó vera meira um af-
þreyingu. Það eru allir sem fara í
þennan bransa að byggja upp gist-
ingu og veitingasölu en það vant-
ar kannski meira að auka afþrey-
inguna fyrir gestina okkar,“ sagði
Agnar að lokum. tfk
Ferðaþjónusta á Lýsuhóli í 35 ár
Hafa aukið gistirými og stórbætt aðstöðuna fyrir hross og menn
Agnar Gestsson og Jóhanna Bára Ásgeirsdóttir fyrir framan veitingasalinn.
Agnar við vatnshlaupabrettið í hesthúsunum. Mynd innan úr reiðhöllinni þar sem Agnar stendur fyrir framan tamningahring-
ekjuna.
Agnar með hóp af ferðamönnum í hestaferð í lok ágúst. Agnar Gestsson í leiðsögugírnum.