Skessuhorn - 05.09.2018, Blaðsíða 20

MIÐVIKUDAGUR 5. SEpTEMbER 201820
Systurnar Ásrún og Sigríður Magn-
úsdætur hafa sameinað hæfileika
sína og krafta og eru nú að gefa út
sína fyrstu barnabók, Korkusögur,
sem væntanleg er í verslanir penn-
ans Eymundsson og allar betri
bókabúðir nú í byrjun september.
„Við systurnar höfum alltaf verið
samrýmdar og höfum mjög gam-
an af því að vinna verkefni saman.
Sigga er mjög fær listakona en ég er
meira lunkin við textasmíði. Okkur
fannst því upplagt að tengja saman
þessa hæfileika og búa til barnabók,
skrifaða og skreytta af okkur,“ seg-
ir Ásrún í samtali við Skessuhorn.
Systurnar segja ástæðuna fyrir því
að skrifa barnabók tvíþætta; í fyrsta
lagi segja þær oft skorta á þennan
markað vandaðar og fallegar bækur
og í öðru lagi vegna þess að dóttir
Sigríðar, eða Siggu eins og hún er
kölluð, varð þeim mikill innblástur
við skrif bókarinnar.
Hver er Korka?
Korkusögur fjalla um Melkorku,
unga lífsglaða stúlku sem á oft
erfitt með að hemja fjörið innra
með sér og lendir í ýmsum æv-
intýrum þegar það tekur völdin.
Korkusögur og Korka er byggð á
dóttur Siggu sem og hennar fjöl-
skyldu. Hugmyndin að bókinni
varð til haustið 2016. Sigga fór þá
að punkta niður hjá sér skemmti-
leg atvik og uppátæki sem börn-
in hennar stóðu fyrir sem Ásrún
svo nýtti til innblásturs við skrif-
in. Dóttir Siggu sem nú er níu
ára hefur alla tíð verið mjög upp-
átækjasöm og dottið ýmislegt í hug
sem hún oftast framkvæmir án þess
að hugsa málið til enda og eru upp-
átæki hennar orðin ótalmörg. Þessi
hvatvísi varð svo innblástur að bók
um stelpu eins og hana. Jafnframt er
fjölskyldan sérstök á þann hátt að í
húsinu eru fleiri gæludýr en geng-
ur og gerist á hinu almenna heimili.
Vorið 2017 voru þær Sigga og Ásrún
komnar með vel unnið handrit sem
þær sendu til útgáfunnar bókabeit-
unnar. bókabeitan varð strax hrifin
af þessum sögum og taldi þær passa
vel inn í Ljósaseríuna sem eru bækur
sniðnar að þörfum nýrra lesenda. Í
kjölfarið fór af stað vinna við að velja
hvaða sögur og kaflar myndu henta
í fyrstu bók.
Klifur og drullumall
bókin kemur út í áðurnefndri
Ljósaseríu sem inniheldur bækur
tilvaldar fyrir þá sem eru að taka
sín fyrstu skref í lestri. „Það má
segja að bókin henti elsta bekk í
leikskóla og þeim yngstu í grunn-
skóla en í raun teljum við að börn á
öllum aldri eigi eftir að hafa gaman
af því að hlusta á eða lesa Korku-
sögur,“ útskýrir Ásrún. „Markmið-
ið með bókinni er í raun að koma
á markað fleiri bókum um upp-
átækjasamar kvenkyns persónur.
Stelpur sem hafa gaman af því að
klifra í trjám, drullumalla og þyk-
ir ekki mikið mál þótt buxur þeirra
rifni eða að hárið verði einn flóka-
hnútur. Við vonumst til að sýna
fram á að jafnt stelpur sem strákar
geti haft gaman af þessum sögum
og vonandi sjáum við fleiri slíkar í
framtíðinni,“ bætir hún við. Ásamt
skemmtilegum sögum um Korku
þá sá Sigga, systir Ásrúnar, um að
myndskreyta bókina með vönduð-
um teikningum þar sem persón-
urnar lifna við á síðum bókarinnar.
Í mörgum þeirra má sjá mikið af
smáatriðum þar sem krakkar geta
rýnt eins og þeim listir í teikning-
arnar.
Hrifnar af dýrum
Ásrún og Sigríður eru borgnes-
ingar í húð og hár, fæddar þar og
uppaldar. Móðir þeirra, Ingileif
Aðalheiður Gunnarsdóttir, á og
rekur hárgreiðslustofuna Heiðu
og faðir þeirra hét Magnús Vals-
son, en hann lést eftir erfið veik-
indi árið 2016. Að loknu stúdents-
námi lá leið þeirra beggja í Há-
skóla Íslands það sem þær luku
bA gráðu í ensku, þó ekki á sama
tíma. Í dag búa þær báðar í Mos-
fellssbæ. Sigga er gift, á tvö börn,
tvo hunda, tvo ketti, tvo páfagauka
og nokkrar hænur úti í garði. Ás-
rún er á föstu og eiga þau einnig
tvo hunda og einn kött. Að auki
stundar Ásrún hestamennsku af
fullum krafti. „Það mætti segja að
við systur séum mjög hrifnar af
dýrum og okkur líður best þegar
við höfum nóg af þeim í kringum
okkur,“ segir Ásrún.
Efniviðurinn nægur
Nú eru tæp tvö ár síðan þetta sam-
eiginlega verkefni byrjaði hjá þeim
systrum og liggur mikil vinna að
baki. Samhliða því að vera að gefa
út sína fyrstu bók þá eru Ásrún og
Sigga báðar í fullri vinnu. Ásrún
vinnur á lögfræðistofu og Sigga
kennir ensku við Menntaskólann
í Reykjavík. Eftir smá námshlé
hjá þeim stöllum þá eru þær báð-
ar í mastersnámi í enskukennslu.
En má búast við fleiri sögum af
Korku? „Það fer í raun eftir við-
tökunum sem bókin fær. Við eig-
um efni í nokkrar bækur í viðbót
svo vonandi fáum við að sjá fleiri
uppátæki Korku í framtíðinni,“
segir Ásrún bjartsýn.
Systurnar hvetja alla til að kíkja
í útgáfuhóf bókarinnar sem haldið
verður laugardaginn 8. september
kl. 14:00 í Eymundsson í Smára-
lind. Þar verða léttar veitingar
í boði, upplestur úr bókinni og
blöðrulistamaður á staðnum. Einn-
ig verður hægt að fá árituð eintök
á tilboði.
glh/ Ljósm. frá systrunum.
Systur frá Borgarnesi gefa
út sína fyrstu barnabók
Markmiðið að koma á markað fleiri bókum um
uppátækjasamar kvenkyns persónur
Korkusögur fjalla um Melkorku, unga lífsglaða stúlku sem á oft erfitt með að
hemja fjörið innra með sér.
Systurnar Sigríður og Ásrún Magnúsdætur eru að gefa út sína fyrstu barnabók.
Söguhetjan, Melkorka, byggir á uppátækjum dóttur Sigríðar sem sést hér glugga í
nýju bókina við hliðina á hundinum Halla.
Systurnar hafa ætíð verið mikið hrifnar af dýrum. Hér má sjá hundana Halla, Flækju, Spotta og Bigga.
Ásrún stundar hestamennsku í frítíma sínum.