Skessuhorn - 19.09.2018, Blaðsíða 14

MIÐVIKUDAGUR 19. SepteMBeR 201814
ekkert lát hefur orðið á íbúðarhúsa-
byggingum á Akranesi undanfarin
misseri. Mörg hús hafa risið undan-
farin ár og mörg eru í byggingu um
þessar mundir, hvort sem það eru
fjölbýlishús, einbýlis, rað- eða par-
hús. Alls eru 110 íbúðir nú í bygg-
ingu á 35 lóðum í bæjarfélaginu.
Auk þess hafa byggingarleyfi verið
gefin út fyrir 44 íbúðum til viðbótar
á tólf lóðum, þar sem framkvæmdir
eru ekki hafnar. Alls 330 íbúðir eru
í hönnun eða teikningu á 49 úthlut-
uðum lóðum þar sem gatnagerð er
lokið. Þá er gatnagerð lokið við
21 lóð til viðbótar með samtals 76
íbúðum en lóðirnar ekki tilbúnar til
úthlutunar. Lóðir í vinnslu þar sem
skipulagsvinnu er lokið eru 36, með
329 íbúðum (Sementsreitur). tólf
lóðir með samtals 51 íbúð eru til-
búnar til úthlutunar.
Skessuhorn hitti Sigurð pál
Harðarson, sviðsstjóra skipulags-
og umhverfissviðs Akraneskaup-
staðar, í síðustu viku og ræddi við
hann um helstu verkefnin í þess-
um málaflokki um þessar mund-
ir. „Nú erum við að fara í endur-
skoðun á deiliskipulagi á Skógar-
hverfi I og Skógarhverfi II. Verið
er m.a. að skipuleggja byggðina í
átt að þjóðvegi. Verið er að skoða
nýjar fjölbýlishúsalóðir í Skógar-
hverfi I frá Asparskógum að Þjóð-
braut, sem myndu þá taka á móti
manni ef ekið er þá leið inn í bæ-
inn. Sá reitur er stór og mikill og
liggur nokkuð beint við að byggja
upp m.a. útfrá lágmarksaðgerðum í
gatnagerð,“ segir Sigurður í samtali
við Skessuhorn. „Hér fer að vanta
fjölbýlishúsalóðir, par- og rað-
húsalóðir á einni hæð og síðan fer
að vanta fleiri lóðir og fleiri gerð-
ir af lóðum. Við vorum að funda í
morgun í skipulags- og umhverf-
isráði þar sem við vorum að skoða
skipulagsbreytingar á þessum svæð-
um í Skógarhverfi til að reyna að
koma af stað endanlegri útfærslu
af deiliskipulagi. Þegar skipulag-
ið er klárt er hægt að bjóða út og
fara í gatnagerð. Mikilvægt er því
að skipulagsvinnan gangi sem best
þ.a. við getum mætt eftirspurn eftir
lóðum,“ bætir hann við.
„Það er því ansi mikið um að vera
akkúrat núna í skipulagsmálum við
að búa til fleiri lóðir og koma því
öllu af stað. Það jákvæða er að fólk
vill vera og búa á Akranesi. Við
þurfum að gefa í akkúrat núna,
upp á að fá fleiri lóðir og geta síðan
boðið út gatnagerðina,“ segir hann.
„enn eru þó inni einhverjar ein-
býlishúsalóðir og fjölbýlishúsalóð-
ir. Þá á eftir að byggja upp nokk-
uð af þeim lóðum sem menn fengu
úthlutað á sínum tíma, til dæmis
norðan við Asparskóga. Þar eiga
byggingaraðilar eftir að fara af stað.
Við þurfum að halda vel á spöð-
unum til að tryggja áframhaldandi
framboð á lóðum.“
Margt í gangi
Í Skógahverfi II hafa Asparskógar
27 og 29 verið byggðir sem og Asp-
arskógar 24. Þá er verið að leggja
lokahönd á Akralund 2, 4 og 6 og
tíu hæða fjölbýlishús við Stillholt
21 er í byggingu. „Þetta er það sem
hefur verið að byggjast í fjölbýlinu
undanfarið,“ segir Sigurður. Þá eru
ótalin þrjú fjölbýlishús með sam-
tals 33 íbúðum sem Bjarg íbúða-
félag hyggst reisa við Asparskóga
12, 14 og 16. „Ég veit ekki ann-
að en að það verk sé í hönnun og
langt komið,“ segir hann. Því má
við bæta að í annarri frétt í blaðinu
í dag er einmitt sagt frá verkefni
Bjargs og kemur fram að 33 íbúð-
ir verða tilbúnar til útleigu um mitt
næsta sumar og að opnað hefur ver-
ið fyrir umsóknir.
Nýlega var boðin út uppbygging
á Dalbrautarreitnum svokallaða. Í
því útboði fór út lóðin að Dalbraut
4. „Þeir sem fengu hana eru líka
búnir að sækja um hinar lóðirnar
þrjár og eru að velta fyrir sér upp-
byggingu íbúða og verslana á þeim
reit,“ segir Sigurður. „Þá er kominn
af stað starfshópur vegna þjónustu-
rýmis eldri borgara á Dalbraut 4,
þannig að það verkefni er komið á
góða ferð,“ segir hann og bætir því
við að verið sé að endurskoða út-
víkkun á landnotkun Dalbrautar-
reitsins í aðalskipulagi. Ætlunin sé
að útvíkka svæðið við Dalbrautar-
reit með uppbyggingu á íbúðum og
verslunum að esjubraut.
Húsin fjögur sem koma til með
að rísa á Dalbrautarreitnum verða
samtals með milli 120 og 140 íbúð-
um. „Núna er verið að vinna hönn-
unargögn fyrir Dalbraut 4 og fram-
kvæmdir ættu að geta hafist á næsta
ári,“ segir Sigurður.
Horft til næstu áratuga
„Innan þjóðvegarins núna sjáum
við rými á svæðinu sunnan við
Þjóðbraut auk Dalbrautarreits
og Sementsreits. Gróflega áætlað
ættu að geta risið á þessum svæð-
um milli 1200 og 1300 íbúðir. ef
við reiknum með 2,5 að meðaltali í
íbúð eru þetta um og yfir þrjú þús-
und manns. Það magn er umfram
þá fjölgun sem við reiknum með á
næsta skipulagstímabili, til 2030,“
segir Sigurður. „en eftir þann tíma
þarf að fara að huga að skipulagi
utan þjóðvegarins, ofar í byggðinni,
því þegar þessi svæði hafa verið
byggð er ekki ýkja mikið pláss eft-
ir innan bæjarmarkanna. Í framtíð-
inni munum við horfa að einhverju
leyti til svæðisins fyrir ofan þjóð-
veg, í átt að elínarhöfða. en það
verður ekki fyrr en eftir 10 til 15
ár og fer auðvitað eftir fólksfjölgun
í bænum,“ segir hann. „Miðað við
bjartsýnustu spár er gert ráð fyr-
ir að íbúar á Akranesi verði um níu
þúsund í kringum árið 2030, sem
er fjölgun um 2000 manns en það
er ómögulegt að spá fyrir um það
með einhverri vissu. Íbúafjölgun
hefur verið í bylgjum hér á Akra-
nesi. Það fjölgar mikið á stuttum
tíma en síðan gerist lítið þangað til
næsta bylgja kemur. en í töluverð-
an tíma hefur íbúum alltaf fjölgað á
milli ára, mismikið auðvitað en það
hefur aldrei verið fækkun,“ bætir
hann við.
Sigurður segir að um þess-
ar mundir sé öll flóran af húsum í
byggingu á Akranesi, hvort sem það
eru fjölbýlis einbýlis, par- eða rað-
hús. „Það sem er í byggingu núna
ætti að duga nokkuð fram í tímann.
en eftir sem áður erum við með-
vituð um að við þurfum að halda í
við þróunina. Þess vegna er mikil-
vægt að við vinnum skipulagsvinn-
una núna þannig að allt verði klárt
þegar næsta bylgjan í fólksfjölgun
kemur.“
Gengið vel að selja hús
„Mér skilst að verktökum hafi geng-
ið vel að selja þau hús sem hafa ver-
ið byggð og eru í byggingu. Bara
sem dæmi hef ég haft spurnir af því
að vel hafi gengið að selja í blokkina
sem verið er að byggja við Stillholt.
Þá heyrir maður líka af eftirspurn
eftir íbúðum við Dalbraut 4, sem
ekki er byrjað að byggja. Það er allt
saman mjög jákvætt og segir manni
að fólk vilji kaupa og búa á Akra-
nesi,“ segir Sigurður. „Kannski á
eftir að gera greiningu á hverjir ná-
kvæmlega eru að flytja hingað eða
sækjast eftir því. Ég veit að eitthvað
er um eldri Skagamenn sem eru
að koma heim en síðan ímynda ég
mér að fjölskyldufólk sé enn mikið
að koma, eins og var hér fyrir ör-
fáum árum síðan. Fjölskyldufólk
fær hér enn ódýrara húsnæði en í
bænum. Hér eru góðar grunnstoð-
ir sem eru leikskólar, skólar, öfl-
ugt íþróttastarf og öruggt umhverfi
fyrir börn. Þá er ekki eins mik-
il keyrsla utan vinnutíma eins og á
höfuðborgarsvæðinu. ef ég væri í
þessum sporum myndi ég hiklaust
skoða þetta svæði hér,“ segir Sig-
urður. „Síðan eru göngin að verða
gjaldfrjáls og Akranes er alltaf að
verða áhugaverðari búsetukostur.
Það má vel vera að við fáum smá
aukningu í kjölfar þess að gjaldið í
göngin verði afnumið,“ bætir hann
við. „Ég starfaði sjálfur í bænum
einu sinni og bjó þá í Hafnarfirði.
Þá uppgötvaði ég að keyrslan varð
í raun meiri en ef ég hefði búið á
Skaganum. Ég var mikið að skutla
fjölskyldumeðlimum hvort held-
ur var í skóla og íþróttastarf eða
„Akranes er alltaf að verða áhugaverðari búsetukostur“
- segir Sigurður Páll Harðarson, sviðsstjóri skipulags- og umhverfissviðs
Sigurður Páll Harðarson, sviðsstjóri skipulags- og umhverfissviðs Akraneskaup-
staðar.
Framkvæmdir við tíu hæða fjölbýlishús við Stillholt 21 eru í fullum gangi.
Verið að ganga frá lóð við Akralund. Fjær í mynd má sjá tvö parhús í byggingu við
Eyrarlund.
Horft frá gatnamótum Þjóðbrautar að Ketilsflöt. Verið er að skoða nýjar fjölbýlishúsalóðir í Skógarhverfi I, frá Asparskógum
og að Þjóðbraut, sem myndu þá taka á móti þeim sem aka um Þjóðbraut inn í bæinn.
Ingólfur Pétursson við smíðar í Akralundi.