Skessuhorn - 19.09.2018, Blaðsíða 17

MIÐVIKUDAGUR 19. SepteMBeR 2018 17
SK
ES
SU
H
O
R
N
2
01
8
Skipulagsauglýsingar
hjá Borgarbyggð

Sveitarstjórn Borgarbyggðar hefur á 171. fundi sínum þann 7. júní
2018, samþykkt að auglýsa eftirfarandi skipulagsbreytingar:

Bjargsland II í Borgarnesi
Tillaga að breytingu á Aðalskipulagi Borgarbyggðar 2010-2022. Skv. tillögunni
breytist afmörkun íbúðarsvæðis Í10 og Í11 auk verslunar- og þjónustusvæðis
S2. Íbúðarsvæði Í10 minnkar og verður einungis vestan Hrafnakletts, þ.e. tekur
til gatnanna Kvíaholts, Stekkjarholts og Stöðulsholts. Íbúðasvæði Í12 verður til
og afmarkast af Hrafnakletti til norðausturs og nýrri safngötu sem tengist þvert
á Hrafnaklett. Svæðið nær yfir Fjóluklett og nýtt byggingarsvæði norðan hennar
og að Í11. Opið svæði til sérstakra nota O15 (leikvöllur) fellur út og óbyggt svæði
minnkar. Skipulagssvæðið er u.þ.b. 19,3 ha að stærð. Nýting lóða er skilgreind
sérstaklega í deiliskipulaginu, ýmist með nýtingarhlutfalli eða hámarksbygg-
ingarmagni. Ábendingar frá lögaðilum úr lýsingarferli hafa verið teknar til greina
í breytingartillögunni. Málsmeðferð verður samkvæmt 31. grein skipulagslaga nr.
123/2010.

Bjargsland II í Borgarnesi
Tillaga að breytingu á deiliskipulagi Bjargslands II. Að mati sveitarstjórnar Borg-
arbyggðar er nú talin þörf á að breyta framboði byggingarlóða þannig að færri
lóðir verði fyrir einbýlishús en fleiri fyrir raðhús og smærri íbúðir. Ennfremur er
talið nauðsynlegt að koma fyrir vegtengingu að næsta fyrirhugaða íbúðarsvæði,
en það svæði er áætlað norðan við Bjargsland II. Ofantalin atriði og ákvörðun
um að stækka skipulagssvæðið til norðurs og bæta við það atvinnulóðum við
Egilsholt, leiddu til þess að ákveðið var að uppfæra skipulagið í heild þ.e. upp-
drátt, skipulagslýsingu og skipulagsskilmála. Málsmeðferð verður samkvæmt 43.
grein skipulagslaga nr. 123/2010.

Sveitarstjórn Borgarbyggðar hefur á 175. fundi sínum þann 13. september
2018, samþykkt að auglýsa eftirfarandi skipulagsbreytingar:
Eskiholt 2
Tillaga að breytingu á deiliskipulagi. Þær breytingar sem um ræðir er stækkun
frístundabyggðarinnar til norðurs um 28 lóðir, stækkun 2 lóða og sameining 3
lóða, í landi sem tekið hefur verið úr landbúnaðarnotkun. Stækkunin er innan
núverandi deiliskipulagsmarka. Aðkoma að nýja svæðinu er eftir núverandi vegi
fyrir neðan Þverbrekku, en þar tekur við nýr vegur sem greinist í fjóra botn-
langa. Vatnsból á svæðinu hefur verið lagt af og er byggðin nú tengd vatnsveitu
Veitna. Málsmeðferð verður samkvæmt 43. grein skipulagslaga nr. 123/2010.

Ofangreindar skipulagstillögur liggja frammi í Ráðhúsi Borgarbyggðar, Borgar-
braut 14 í Borgarnesi frá 19. september til 31. október 2018 og verða einnig
aðgengilegar á heimasíðu Borgarbyggðar www.borgarbyggd.is.
Hverjum þeim aðila sem hagsmuna á að gæta er gefinn kostur á að gera at-
hugasemd við skipulagstillögurnar. Athugasemdir og ábendingar skulu vera
skriflegar og berast eigi síðar en miðvikudaginn 31. október 2018 í Ráðhús
Borgarbyggðar, Borgarbraut 14, 310 Borgarnesi eða á netfangið borgarbyggd@
borgarbyggd.is.
Miðvikudaginn 3. október 2018 milli kl. 17:00 og 18:00 verða starfsmenn um-
hverfis- og skipulagssviðs Borgarbyggðar með opið hús í Ráðhúsi Borgar-
byggðar, Borgarbraut 14 í Borgarnesi þar sem breytingartillögurnar verða
kynntar þeim sem þess óska.

Hraunsnef
Lýsing á breytingu á Aðalskipulagi Borgarbyggðar 2010-2022 fyrir Hraunsnef
í Norðurárdal. Fyrirhugað er að breyta Aðalskipulagi Borgarbyggðar, bæta
við frístundabyggð (F148) á um 21 ha svæði í landi Hraunsnefs, innan frí-
stundasvæðisins verða 12 frístundahús. Bent er á að hér er um að ræða breytta
lýsingartillögu, sem áður hefur verið auglýst, og kemur þessi lýsing í stað þeirrar
fyrri. Málsmeðferð verður samkvæmt 36. grein skipulagslaga nr. 123/2010.
Skipulagslýsing liggur frammi í Ráðhúsi Borgarbyggðar, Borgarbraut 14 í Borgar-
nesi frá 19. september til 3. október 2018 og verður einnig aðgengileg á heima-
síðu Borgarbyggðar www.borgarbyggd.is.
Skriflegum ábendingum vegna lýsingar á breytingu á Aðalskipulagi Borgar-
byggðar 2010 – 2022, skal komið á framfæri bréflega eða með tölvupósti við
umhverfis- og skipulagssvið Borgarbyggðar, í Ráðhúsi Borgarbyggðar, Borgar-
braut 14, Borgarnesi eða á netfangið borgarbyggd@borgarbyggd.is eigi síðar
en föstudaginn 5. október 2018.
Miðvikudaginn 26. september 2018 milli kl. 17:00 og 18:00 verða starfsmenn
umhverfis- og skipulagssviðs Borgarbyggðar með opið hús í Ráðhúsi Borgar-
byggðar, Borgarbraut 14 í Borgarnesi þar sem breytingartillagan verður kynnt
þeim sem þess óska.
Davíð Bartoszek er að verða tíu
ára. Hann býr í Búðardal og þykir
gaman að vera á hjólabretti. Hon-
um þykir aðstaðan í Búðardal þó
ekki nógu góð til hjólabrettaiðk-
unar og vildi leggja sitt af mörkum
til að breyta því. Davíð ákvað að
ganga í hús og safna undirskriftum
þar sem hann óskaði eftir að gerð-
ur verði hjólabrettagarður í Búðar-
dal. Því næst fór hann með undir-
skriftalistann á skrifstofu sveitar-
stjórnar og var erindi hans í kjöl-
farið tekið fyrir á fundi byggðar-
ráðs. Þegar blaðamaður heimsótti
Davíð og Katrínu mömmu hans
fyrir helgi sagðist Davíð vera af-
skaplega glaður með viðtökur íbúa
og sveitarstjórnar. „Mér datt þetta
bara í hug því það eru líka fleiri sem
vilja fá svona og mér fannst margir
vilja skrifa nafnið sitt,” segir Dav-
íð aðspurður hvaðan hugmyndin
hafi komið. Davíð hefur stundum
prófað hjólabrettapallinn í Borgar-
nesi þegar hann á leið þar um og
segir það vera mjög skemmtilegt.
„Ég er alveg ágætur að gera trikk
og svona, en langar að verða betri,”
segir Davíð brosandi. arg
Vill verða betri á hjólabretti
Á miðvikudag og fimmtudag í síð-
ustu viku var mikið umleikis í
Borgarnesi frá morgni til kvölds
báða dagana, en þá var Borgar-
braut í Borgarnesi lögð malbiki allt
frá Límtré Vírneti og niður í gamla
bæinn. Ástand götunnar hefur lengi
verið bágborið og því framkvæmdin
kærkomin þeim sem oft aka þarna
um. Annarri akreininni var lokað
í einu og umferð stýrt í gegnum
vinnusvæðið. Þar sem um stofn-
braut er að ræða var malbikunin á
vegum Vegagerðarinnar. mm
Hér er vinnuflokkurinn framan við B-49. Ljósm. Íris Gunnarsdóttir.
Malbikað á Borgarbraut
Malbikað framan við B-59. Ljósm. Áslaug Þorvaldsdóttir.
Trailer vörubílar biðu í röðum en þeir fluttu heitt malbikið á verkstað.
Ljósm. Áslaug Þorvaldsdóttir.