Skessuhorn - 26.09.2018, Blaðsíða 21
MIÐVIKUDAGUR 26. SEpTEMBER 2018 21
Ríkisstjórnin hefur kynnt viða-
mikla aðgerðaáætlun í loftslagsmál-
um. Markmiðið er að dregið verði
úr losun gróðurhúsalofttegunda og
stuðlað að aukinni kolefnisbind-
ingu þannig að Ísland geti staðið við
markmið sín í loftslagsmálum. Alls
verður 6,8 milljörðum króna var-
ið til sérstakra aðgerða í loftslags-
málum á næstu fimm árum. Að-
gerðaáætlunin samanstendur af 34
aðgerðum. Megináherslurnar eru
tvær; orkuskipti, þar sem sérstaklega
er horft til hraðrar rafvæðingar sam-
gangna og átak í kolefnisbindingu
þar sem skógrækt og landgræðsla
gegna lykilhlutverki, auk þess sem
markvisst verður dregið úr losun
gróðurhúsalofttegunda með endur-
heimt votlendis.
Verulega verður aukið við fjárfest-
ingar og innviði vegna rafvæðingar
í samgöngum en áætlað er að verja
1,5 milljarði króna til uppbygging-
ar innviða fyrir rafbíla, rafvæðingar
hafna og fleiri aðgerða í orkuskipt-
um hér á landi á næstu fimm árum.
Þá er ekki meðtalinn kostnaður við
áframhaldandi ívilnanir fyrir rafbíla
sem þegar eru meðal þeirra mestu
sem þekkjast. Kolefnisgjald verður
áfram hækkað og mörkuð sú stefna
að frá og með árinu 2030 verði all-
ir nýskráðir bílar loftslagsvænir sem
þýðir að bannað verði að flytja inn
hefðbundna bíla sem einungis eru
knúnir dísil eða bensíni.
Önnur megináhersla í aðgerða-
áætluninni er kolefnisbinding. Ráð-
ist verður í umfangsmikið átak við
endurheimt votlendis, ræktun birki-
skóga og kjarrlendis, stöðvun jarð-
vegseyðingar og frekari landgræðslu
og nýskógrækt. Um fjórum millj-
örðum króna verður varið til þess-
ara aðgerða á næstu fimm árum.
Áhersla er lögð á að fela félagasam-
tökum hlutverk, bændum og öðrum
vörslumönnum lands.
Um 500 milljónum króna verð-
ur varið til nýsköpunar vegna lofts-
lagsmála og verður Loftslagssjóður
stofnaður til að halda utan um slík
verkefni. Um 800 milljónum króna
verður varið í margvíslegar aðgerðir,
svo sem rannsóknir á súrnun sjávar
og aðlögun að loftslagsbreytingum,
alþjóðlegt starf og fræðslu. mm
Stórátak framundan í loftslagsmálum
Sjö af ellefu ráðherrum í ríkisstjórninni kynntu nýverið það sem framundan er í loftlagsmálum hér á landi.
Nú standa yfir gagngerar endur-
bætur á allri starfsmannaaðstöðu í
fiskverkun Soffaníasar Cecilsson-
ar hf. í Grundarfirði, en FISK Sea-
food keypti eins og kunnugt er fyr-
irtækið fyrr á þessu ári. Jón Krist-
inn Guðmundsson hefur yfirum-
sjón með breytingunum. Hann
segir þetta verða til mikilla bóta.
„Ég hugsa að inngangurinn og
kaffistofan hafi verið í sömu mynd
frá sjöunda áratugnum. Við erum
að taka inngang, fatahengi, matsal-
inn og salernin í algjöra yfirhaln-
ingu. Búið er að rífa allt út og þetta
verður nánast byggt upp frá grunni.
Ég reikna með að þetta taki um tvo
mánuði en það gæti að sjálfsögðu
breyst. Við erum með þetta 10-12
iðnaðarmenn hérna í breytingun-
um,“ segir Jón Kristinn í samtali
við fréttaritara Skessuhorns. Full
vinnsla er samt sem áður í hús-
inu. „Við erum búin að koma okk-
ur upp bráðabirgða kaffiaðstöðu
hérna niðri en við erum að vinna
saltfisk hérna á fullu og þetta veld-
ur engu raski fyrir vinnsluna,“ segir
Jón Kristinn. Friðbjörn Ásbjörns-
son framkvæmdastjóri tók í sama
streng og segir að þetta hafi verið
löngu tímabær framkvæmd. „Þetta
mun bæta alla aðstöðu fyrir starfs-
fólkið og efla um leið starfsand-
ann,“ segir Friðbjörn.
tkf
Breytingar á fiskverkun
Soffaníasars Cecilssonar
Iðnaðarmenn að störfum í matsal fyrirtækisins.
Jón Kristinn Guðmundsson fyrir framan iðnaðarmannabílaflotann á bílastæði
fyrirtækisins.
Síðastliðinn mánudag komu félagar
í Soroptimistaklúbbi Akraness fær-
andi hendi á Bókasafn Akraness
með 20 fjölnota burðarpoka í til-
efni af plastpokalausum septem-
ber. „Þar sem valdefling stúlkna
og kvenna, sjálfbærni og náttúru-
vernd standa hjarta okkar nærri
ákváðum við að láta gott af okkur
leiða í plastpokalausum september.
Færum við því Bókasafni Akranes
20 margnota poka til afnota fyr-
ir trygga safngesti. pokana unnu
konur í Dzaleka flóttamannabúð-
unum í Malaví, en það hefur ver-
ið eitt af verkefnum klúbbsins að
styðja við þann hóp með því að fá
þeim þetta saumaverkefni. Með
því hefur konum þessum gefist
færi á að afla sér tekna fyrir sig
og sína og þannig þurft að reiða
sig minna á fæðuhjálp Sameinuðu
þjóðanna eða aðrar miður heppi-
legar leiðir til að afla sér tekna,“
sagði Sigríður Kr. Gísladóttir þeg-
ar hún afhenti pokana Halldóru
Jónsdóttur, forstöðumanni Bóka-
safns Akraness. Halldóra þakkaði
Soroptimistakonum vel fyrir gjöf-
ina og sagði að safnið hefði einmitt
lagt sig fram við að minnka plast-
notkun.
Soroptimistar eru alþjóðasam-
tök kvenna, með það markmið
að stuðla að heimsmynd þar sem
konur og stúlkur ná í sameiningu
fram því besta sem völ er á, bæði
sem einstaklingar og hópur. Fé-
lagið hvetur til aðgerða sem skapar
tækifæri til að breyta lífi kvenna og
stúlkna með fjölþjóðlegu samstarfi
og alþjóðlegu félaganeti. Hvatt er
til jafnræðis og jafnréttist og vinnu
við að skapa öruggt og heilsusam-
legt umhverfi, auka aðgengi að
menntun, efla leiðtogahæfileika og
hagnýta þekkingu til sjálfbærrar
framtíðar.
kgk
Færðu Bókasafni Akraness
fjölnota poka að gjöf
Frá afhendingu pokanna. F.v. Selma Ólafsdóttir, Anna G. Torfadóttir, Sigríður Kr. Gísladóttir, Halldóra Jónsdóttir, Ingibjörg
Ólafsdóttir og Svandís Stefánsdóttir.
Pokarnir eru litríkir í meira lagi.