Skessuhorn - 26.09.2018, Blaðsíða 23

MIÐVIKUDAGUR 26. SEpTEMBER 2018 23
Körfuboltatímabilið er að hefjast
Ari Gunnarsson þjálfari meistara-
flokks Skallagríms kvenna í körfu-
knattleik er ánægður með undir-
búninginn hjá liðinu þrátt fyrir að
hafa verið nokkuð óhefðbundinn.
„Undirbúningurinn er búinn að
vera mjög skrítinn. Það hafa verið
fáir leikmenn á æfingum í ágúst og
það eru í rauninni ennþá fáir leik-
menn á æfingum núna í september,“
segir Ari sem gaf sér tíma fyrir stutt
spjall við blaðamann fyrir æfingu.
„Þrátt fyrir það þá líst mér mjög vel
á tímabilið framundan,“ bætir hann
við. Ari tók við liðinu um miðbik
tímabilsins í fyrra, stuttu eftir að
Skallagrímsstúlkur þurftu að sætta
sig við óvænt tap gegn Njarðvík-
ingum í undanúrslitum Maltbik-
arsins í Laugardalshöllinni. Í kjöl-
far úrslita var þáverandi þjálfara,
Ricardo González Dávila, vikið frá
störfum og tók Ari við þjálfun liðs-
ins sem náði að koma Skallagríms-
stúlkum í úrslitakeppnina.
Erfitt að fá íslenska
leikmenn
Eins og flestum körfuboltaáhuga-
mönnum er kunnugt var ákveð-
ið að 4+1 reglan yrði afnumin að
loknu síðasta tímabili. 4+1 regl-
an heimilaði íslenskum liðum að-
eins að nota einn erlendan leik-
mann hverju sinni í leik en með
afnámi hennar er liðum frjálst að
tefla fram fleiri erlendum leik-
mönnum í keppni. „Þessar breyt-
ingar eru mjög góðar fyrir utan-
bæjarliðin og það sést til dæmis vel
á okkar liði sérstaklega,“ útskýr-
ir Ari en Skallagrímskonur munu
verða með fjóra erlenda leikmenn
í sínum röðum í vetur. „Við reynd-
um eins og við gátum að fá ís-
lenska leikmenn til okkar en ein-
hverja hluta vegna þá hafa íslenskir
leikmenn ekki mikinn áhuga á að
kom út á land og spila körfubolta.
Það er erfitt að finna skýringu á
því, en við tökum öllum fagnandi
sem vilja koma og spila með okkur.
Það er mikil körfuboltahefð hérna
í Borgarnesi og forréttindi að fá að
taka þátt í starfinu.“
Breytingar á
leikmannahópnum
Töluverðar breytingar eru á leik-
mannahópi Skallagríms frá því í
fyrra. Þær sem endurnýjuðu samn-
inga sína við félagið voru systurn-
ar Sigrún Sjöfn og Arna Hrund
Ámundadætur, Árnína Lena Rún-
arsdóttir og Birta Þórðardóttir. Að
auki skrifaði Guðrún Ósk Ámunda-
dóttir undir sem aðstoðarþjálfari
liðsins. Nýjar í liðinu eru Karen
Dögg Vilhjálmsdóttir sem kemur
úr Njarðvík, Maja Michalska frá
póllandi, Bryeasha Blair frá Banda-
ríkjunum og Shequila Joseph frá
Englandi. Jóhanna Björk Sveins-
dóttir færði sig yfir til Stjörnunnar
og Bríet Lilja Sigurðardóttir mun
leika með Haukastúlkum á tíma-
bilinu. Heiðrún Harpa Ríkharðs-
dóttir og Jeanne Sicat ætla að taka
sér pásu frá körfubolta og Gunn-
hildur Lind Hansdóttir verður fjar-
verandi sökum krossbandsmeiðsla,
en allar fimm spiluðu með Skalla-
grími á síðasta tímabili.
Trúir á stelpurnar
„Markmiðið okkar er klárlega að
komast í úrslitakeppnina, ég tel
okkur vera með lið í það og hef
fulla trú á stelpunum. Við erum
með sterka liðsheild og það mun
fleyta okkur langt í keppninni. Við
tökum bara einn leik í einu,“ seg-
ir Ari bjartsýnn á tímabilið. „Ég
vona svo að sjá sem flesta á pöllun-
um í vetur, það er alltaf gaman að
spila fyrir fullu húsi af áhorfend-
um,“ segir þjálfari Skallagríms að
lokum.
Fyrsti leikur Borgnesinga verður
gegn Vali í Hlíðarenda eftir rétta
viku. glh
„Markmiðið er að komast í úrslitakeppnina“
Þjálfari kvennalið Skallagríms í körfubolta segir liðið geta náð langt
Ari Gunnarsson
þjálfari meistara-
flokks kvenna hjá
Skallagími.
Aðalsteinn Jósepsson, spilandi
þjálfari Grundfirðinga í körfubolt-
anum, segir undirbúningstímabilið
fara heldur rólega af stað þetta árið.
„Meirihlutinn af liðinu er kominn
af léttasta skeiðinu og þolir ekki
mikið álag,“ segir Aðalsteinn léttur
í bragði í samtali við Skessuhorn.
„Við erum með tvær æfingar í viku
þar sem hlaup og almenn samvera
er aðalatriðið ásamt því að hafa eina
æfingu í viku þar sem farið er dýpra
í taktík, einstaklingsæfingar og þar
frameftir,“ bæti hann við. Grunda-
fjörður kláraði tímabilið í fyrra í
fimmta sæti í þriðju deildinni en
félagið teflir fram svipuðum hópi
og þá. „Liðið er að mestu óbreytt
frá því um áramótin. Við bættum
við okkur nokkrum leikmönnum á
venslasamningi frá Stykkishólmi í
fyrra, en við munum því miður ekki
gera það þetta tímabil eins og stað-
an er í dag. Snæfellsliðið er að nota
alla sína stráka í fyrstu deildinni.“
Svipuð markmið
Aðalsteinn segir markmið liðsins
vera keimlík milli ára en þau eru
einfaldlega að vinna alla heima-
leiki og hafa gaman af íþróttinni.
„Helstu áskoranir eru, eins og í
öllum öðrum íþróttagreinum, að
halda gleðinni. Við þurfum að vísu
að ferðast mikið þetta tímabil. Til
dæmis þá munum við fara á Ísa-
fjörð, til Akureyrar, austur á Nes-
kaupsstað, Hvammstanga, Flúðir
og á höfuðborgarsvæðið. Öll þessi
ferðalög kosta sitt og það verð-
ur vissulega áskorun að fjármagna
þau, sérstaklega þar sem þriðju
deildar lið þurfa að mestu leyti að
fjármagna sig sjálf,“ útskýrir Aðal-
steinn.
Þakka stuðninginn
síðustu ár
Grundfirðingar hafa verið duglegir
síðustu ár að senda lið á Íslandsmót-
ið og hafa hug á að halda þeirri hefð
áfram svo lengi sem það er mann-
skapur til að manna lið. „Megin-
þorri liðsins er kominn yfir þrítugt
og við erum að halda í vonina að
ná að þrauka þangað til næsta kyn-
slóð er tilbúin að taka við keflinu
og halda áfram þessu skemmtilega
starfi,“ segir Aðalsteinn um körfu-
boltastarfið í Grundafjarðarbæ. „Til
þess að halda svona starfi úti þá þarf
fjármagn á bakvið það og það vill
oft á tíðum reynast erfitt, því mið-
ur. Þó að allir sem koma að starf-
inu gefi sína vinnu, þá kostar hver
heimaleikur okkur 50.000 krónur
í dómarakostnað. Það til viðbót-
ar öllum ferðakostnaði þá kostar
þetta þónokkuð,“ útskýrir hann en
er þó þakklátur fyrir þann stuðn-
ing sem starfinu hefur verið sýnt.
„Við í körfuboltastarfinu viljum
þakka þeim fyrirtækjum sem hafa
stutt okkur í gegnum árin. Ragnar
og Ásgeir, G.Run og Landsbank-
inn. Með þeirra framlögum væri
ekki hægt að halda úti svona starfi.
Sérstaklega viljum við þakka þeim
sem hafa séð sér fært um að mæta í
stúkuna á okkar heimaleiki. Hingað
til höfum við verið með góða mæt-
ingu á heimaleikina og vonumst til
að sú hefð haldi áfram,“ segir Aðal-
steinn um stuðninginn og minnist
þess að gestaliðin segja það sérstak-
lega gaman að spila í Grundarfirði,
í litla húsinu með þessum flottu
áhorfendum. glh
„Meirihlutinn af liðinu kominn af léttasta skeiðinu“
Grundfirðingar segja mikilvægast að hafa gaman af íþróttinni
Aðalsteinn Jósepsson þjálfar og spilar með grundfirska liðinu. Ljósm. aðsend.