Skessuhorn - 26.09.2018, Blaðsíða 31

MIÐVIKUDAGUR 26. SEpTEMBER 2018 31
Klettagörðum 15 | 525 7700 | flytjandi.is
DAGLEGA Á FERÐINNI MEÐ
VÖRUR UM ALLT LAND
Eimskip Flytjandi veitir samræmda flutningaþjónustu
um land allt og eru áfangastaðirnir 80 talsins.
Víkingur Ólafsvík sigraði Fram á
Laugardalsvelli í síðustu umferð
Inkassodeildar á laugardaginn og
kláraði þannig tímabilið í fjórða
sæti deildarinnar með 42 stig.
Liðin byrjuðu leikinn þétt til
baka og náðu sóknir hvorugs liðs
að skapa umtalsverða hættu. Leik-
urinn var með svipuðum brag þar
til um miðbik hálfleiksins, en á 25.
mínútu sofnuðu Ólsarar á verð-
inum og Guðmundur Magnússon
kom heimamönnum yfir. Víkings-
menn reyndu hvað þeir gátu til að
svara fyrir sig en náðu lítið að ógna
marki Frammara þrátt fyrir að vera
mun meira með boltann. Það var
svo á 39. mínútu að Ástbjörn Þórð-
arson jafnaði metin fyrir gestina.
Eftir góða keyrslu Kwame Quee
upp vinstri kantinn kom hann bolt-
anum á Gonzalo sem átti netta
sendingu innfyrir vörn Fram þar
sem Ástbjörn kláraði færið. Staðan
var því jöfn í hálfleik.
Í síðari hálfleik byrjuðu gestirn-
ir úr Snæfellsbæ betur en eftir því
sem leið á leikinn færðu leikmenn
Fram sig ofar á völlinn og gerðu sig
líklega til að komast yfir, en ekki
náðu þeir að skapa sér markverð
færi. Á 81. mínútu braut Már Æg-
isson, leikmaður Fram, klaufalega
á Emir Dokara inni í teig og fékk
Víkingur víti. Kwame Quee fór á
punktinn, skoraði af öryggi og kom
sínum mönnum yfir. Síðustu mín-
útur voru heldur daufar þar sem
heimamenn virtust hafa sætt sig við
ósigur. 2-1 sigur Víkings því stað-
reynd.
glh/ Ljósm. Helgi Kristjánsson.
Víkingur sigraði í síðasta leik sumarsins
Síðasta mark leiksins staðreynd. Boltinn syngur í netinu eftir vítaspyrnu Kwame
Quee.
Víkingar mega vel við una eftir sumarið. 42 stig og fjórða sæti, en fyrir nokkrum
árum hefði þessi stigafjöldi dugað til að lyfta sér upp um deild.
Meistaraflokkur karla í knattspyrnu
hjá ÍA endaði tímabilið á jafntefli
gegn Þrótti á laugardaginn í síð-
ustu umferð Inkassodeildarinnar.
Þrátt fyrir jafntefli á Skaganum náðu
heimamenn að verða á toppi deild-
arinnar og fögnuðu því deildarmeist-
aratitli í lok leiks. Skagamenn gátu
ekki gengið að titlinum vísum áður
en liðin mættust því þeir þurftu að ná
annað hvort jafntefli eða sigri á sama
tíma og HK þurfti að tapa sínum
leik sem varð svo staðreynd, en HK
tapaði með tveimur mörkum gegn
Haukum á útivelli og ÍA því meist-
arar.
Þróttur byrjaði heldur aftarlega
á vellinum í upphafi leiks og nýttu
Skagamenn sér það og sóttu af krafti
á gestina. Þeir gulklæddu náðu að
skapa sér nokkur álitleg markfæri en
markvörður Þróttara var vel á verði
og gerði Skagamönnum erfitt fyrir.
Hvorugt liðið náði að koma boltan-
um í netið og gengu því markalaus
til hálfleiks.
Í síðari hálfleik komu heima-
menn vel stemmdir til leiks og fengu
snemma gott færi eða á 54. mínútu.
Eftir góðan undirbúning frá Bjarka
Steini Bjarkasyni náði Garðar Gunn-
laugsson að skila boltanum í net-
ið með góðu skoti og kom þann-
ig heimamönnum yfir. Ekki leið á
löngu þangað til gestirnir jöfnuðu
metin. Á 65. mínútu átti Viktor Jóns-
son stungusendingu á Jasper Van Der
Heyden sem kláraði færið af öryggi.
Þetta var jafnframt söguleg stund
á Norðurálsvellinum á Akranesi. Ísak
Bergmann Jóhannesson, sonur Jó-
hannesar Karls þjálfara, kom inn á
fyrir Þórð Þorstein Þórðarson og
varð um leið yngsti leikmaður í sögu
meistaraflokks karla hjá ÍA, 15 ára
og 182 daga gamall. Bætti hann met
Sigurðar Jónssonar frá 1982, en hann
var 15 ára og 300 daga gamall þeg-
ar hann spilaði sinn fyrsta leik með
Skagamönnum.
Skagmenn fara því sem sigurveg-
arar í efstu deild að ári. Til hamingju
með það! glh/Ljósm. gbh.
Skagamenn enduðu tímabilið á toppnum
Liðið ásamt stjórninni að leik loknum.
Bikarinn á loft.
Garðar Gunnlaugsson nýbúinn að
skora eina mark heimamanna.
Synir Stefáns og Þórðar Þórðarsona.
Ísak Bergmann Jóhannesson er yngsti
leikmaður ÍA til að spila með meistara-
flokki. Hér er hann nýkominn inn á.