Skessuhorn - 03.10.2018, Blaðsíða 10

MIÐVIKUDAGUR 3. OKTÓBER 201810
Í tilefni af 50 ára útskriftarafmæli
búfræðikanddíata frá Hvanneyri
var efnt til samkvæmis í Ásgarði,
skólahúsi Landbúnaðarháskólans,
síðastliðinn föstudag. Þessi út-
skriftarárgangur hefur haldið þétt
hópinn alla tíð og voru allir sjö úr
árganginum viðstaddir. Orð fyr-
ir hópnum höfðu þeir Jón Hólm
Stefánsson, Gunnar Sigurðsson og
Jóhannes Torfason. Hópur þessi
var gjarnan nefndur Öndvegis-
deildin, en hann stundaði nám við
skólann 1965-1968. Vildu skóla-
félagarnir minnast tímamótanna
með því að gefa málverk af Ólafi
Guðmundssyni og heiðra um leið
minningu hans. Á málverkinu situr
Ólafur við flygil á mynd sem Ell-
isif Malmo Bjarnadóttir listakona í
Gerði málaði. Fjölskylda Ólafs var
viðstödd afhjúpun myndarinnar
sem og margir sem tengdust skól-
anum, útskriftarhópnum og aðrir
velunnarar.
Ólafur var að aðalstarfi rann-
sóknamaður og kennari á Hvann-
eyri. Hann var elsti sonur skóla-
stjórahjónanna Guðmundar Jóns-
sonar og Maríu Ragnhildar Ólafs-
dóttur. Ólafur bjó ásamt Sigur-
borgu Ágústu Jónsdóttur og fimm
börnum þeirra á Bárustöðum,
skammt ofan við Hvanneyri. Tón-
listin var Ólafi afar hugleikin og
sinnti hann fjölmörgum verkefnum
á sviði hennar innan jafnt sem utan
skólans. Var meðal annars skóla-
stjóri Tónlistarskóla Borgarfjarð-
ar, harmonikkuleikari og í raun
mjög fjölhæfur listamaður. Stjórn-
aði Ólafur meðal annars Hvann-
eyrarkvartettinum, sem skipaður
var fjórum nemendum úr Öndveg-
isdeildinni. Hljóðritaði kvartettinn
nokkur lög að afloknu síðasta prófi
vorið 1968. Hafa þessi lög nú verið
gefin út á geisladiski sem dreift var
við þetta tækifæri.
mm
Orkuveita Reykjavíkur ásamt sam-
starfsaðilum hefur hlotið ríflega
tveggja milljarða króna styrk úr
Horizon 2020 Rannsókna- og ný-
sköpunaráætlun ESB. Styrkur-
inn er til verkefnisins GECO, sem
miðar að sporlausri nýtingu jarð-
hita. OR leiðir þetta samstarfsverk-
efni 18 fyrirtækja og stofnana víðs
vegar úr Evrópu. Markmið GECO,
sem stendur fyrir Geothermal
Emission Control, er að þróa jarð-
hitavirkjanir með sem allra minnsta
losun koltvíoxíðs (CO2) og brenni-
steinsvetnis (H2S). Það byggir að
stórum hluta á CarbFix-niðurdæl-
ingar aðferð sem þróuð hefur ver-
ið við Hellisheiðarvirkjun undan-
farinn áratug í samstarfi við Orku
náttúrunnar og innlendar og er-
lendar rannsóknastofnanir.
CarbFix-aðferðin, stundum
nefnd Gas í grjót, felst í að leysa
koltvíoxíð og brennisteinsvetni upp
í vatni og dæla þeim djúpt niður í
basaltberglögin við Hellisheiðar-
virkjun. Þar losna efni úr basalt-
inu sem bindast lofttegundunum
og mynda stöðugar steintegundir,
t.d. silfurberg og glópagull, innan
tveggja ára. CO2 og H2S er þann-
ig steinrunnið í berggrunninum til
frambúðar. Þessi aðferð er ódýrari
en hefðbundnar hreinsunaraðferð-
ir á þessu jarðhitalofti og leiðir til
langtímabindingar þess. mm
OR hlýtur risastyrk til að
breyta mengun í stein
Borkjarni af Hellisheiði sem sýnir hvernig koltvíoxíði hefur verið breytt í steindina
Kalsít.
Greiðslubyrði af 35 milljóna króna
húsnæðisláni á Íslandi er 72 þúsund
krónum hærri á mánuði en á hin-
um Norðurlöndunum, sé miðað við
óverðtryggð lán til 30 ára. Þetta má
sjá í umfjöllun í nýjasta Efnahags-
yfirliti VR. Laun á Íslandi þurfa að
vera umtalsvert hærri en í saman-
burðarlöndunum til að standa undir
hárri greiðslubyrði lána. Í efnahags-
yfirlitinu eru borin saman vaxtakjör
á Íslandi og hinum Norðurlönd-
unum. Á Íslandi eru vextir óverð-
tryggðra lána um 5,75% samanbor-
ið við 2,2% að meðaltali í nágranna-
löndunum. Munurinn fyrir fast-
eignaeigendur sést best þegar skoð-
að er hver laun þeirra þurfa að vera
til að borga af slíku húsnæðisláni. „Á
Íslandi þurfa launin að vera 620 þús-
und krónur til að greiða af láni með
5,75% vöxtum og eiga samt u.þ.b.
219 þúsund krónur eftir í buddunni.
Ef vextir væru 2,2% dygðu laun upp
á 500 þúsund krónur á mánuði til að
eftir standi sama upphæð.“
Þá má sjá í yfirlitinu umfjöllun um
breytingar á væntingavísitölu Gal-
lup en hún bendir til þess að brúnin
sé að þyngjast á Íslendingum. Í ágúst
fór vísitalan undir 100 í fyrsta skipti
í þrjú ár en það þýðir að meðal svar-
enda í ágúst voru fleiri neikvæðir
en jákvæðir. Þá er í yfirlitinu einnig
fjallað um danska rannsókn á launa-
mun kynjanna, þróun í ferðaþjón-
ustu og fjölgun félagsmanna með
erlent ríkisfang.
mm
Skoða mismunandi greiðslu-
byrði húsnæðislána
Gáfu málverk til minningar um Ólaf Guðmundsson
Hér eru fjölskylda Ólafs sitjandi framan við myndina. F.v. Jón, Ragnhildur Hrönn, Sigurborg, Sigríður Ólöf og Guðmundur. Á myndina vantar Guðbjörgu á Oddsstöðum
sem var stödd erlendis.
Systkini Ólafs framan við málverkið. F.v. Ásgeir, Sólveig og Sigurður.
Ljósm. Guðlaugur Óskarsson.
Öndvegisdeildin var öll mætt. Hér er hún ásamt Sigurborgu Ágústu Jónsdóttur
ekkju Ólafs.