Skessuhorn - 03.10.2018, Blaðsíða 30

MIÐVIKUDAGUR 3. OKTÓBER 201830
MT: Stefán Gísli með verðlauna-
gripinn síðastliðinn sunnudag.
Um hvað ertu að hugsa núna?
Spurni g
vikunnar
Hjörvar Hjörleifsson
„Að hringja í vin minn.“
Sigrún Jóna Sigurðardóttir
„Hvaða hljóð síminn minn var
að gefa frá sér.“
Kristján Daðason
„Parísarferðina sem við fjöl-
skyldan erum að fara í.“
Svavar Sigurðsson
„Hættur að hugsa.“
Hafdís Ylfa Jökulsdóttir
„Um skemmtiferð.“
(Spurt á Akranesi)
Alexandrea Rán Guðnýjardótt-
ir er 18 ára öflug stelpa úr Borg-
arnesi sem fyrir um einu og hálfu
ári síðan gerði algjöra lífsstílsbreyt-
ingu. Hún skráði sig í fjarþjálfun
og kynntist í gegnum það kraft-
lyftingum og hefur ekki litið til
baka síðan. „Ég hafði ekkert verið
að hreyfa mig, bara alls ekki neitt,“
segir Alexandrea Rán í samtali við
Skessuhorn. Hún lifir nú talsvert
öðruvísi lífi en fyrir tveimur árum
og það er lítið annað sem kemst að
hjá henni annað en kraftlyftingarn-
ar. Hún fór úr því að æfa ekki neitt
í að æfa fimm daga vikunnar. Í dag
segist hún vera á miklu betri stað
líkamlega og andlega þökk sé kraft-
lyftingum og elskar það sem hún er
að gera. „Um leið og maður finnur
eitthvað sem maður hefur gaman af
að gera þá fer manni að líða miklu
betur.“
U-beygja
Alexandrea Rán æfði sund og fót-
bolta þegar hún var yngri ásamt
því að mæta vikulega í skólaleik-
fimi og sund á grunnskólaárunum.
„Það er í rauninni eini bakgrunnur-
inn sem ég hef hvað varðar íþrótt-
ir og heilsurækt. Áður en ég fór í
kraftlyftingar þá var ég líklega ekki
búin að hreyfa mig í þrjú ár. Ég var
gjörsamlega áhugalaus hvað þetta
snerti. Hreyfing og íþróttir var
örugglega það leiðinlegasta sem ég
gat hugsað mér,“ rifjar Alexandrea
upp. „Ég var til dæmis næstum því
fallin í íþróttum á fyrsta ári mínu
í menntaskóla. Ég uppfyllti lág-
markskröfur en varla það. Íþrótta-
kennarinn minn nefnir það stund-
um við mig í dag að hann hafi aldrei
séð jafn mikinn viðsnúning á einum
nemenda á milli ára. Ég tók nátt-
úrulega algjöra u-beygju,“ segir
hún hlæjandi. En hvernig kynntist
hún kraftlyftingum? „Það var óvart
að ég fór í kraftlyftingar. Á öðru
ári í framhaldsskóla skráði ég mig í
fjarþjálfun. Þá fékk ég sent prógram
sem ég fylgdi eftir. Í því var ein æf-
ing sem hét réttstöðulyfta. Ég vissi
ekkert hvað það var og spurði Írisi
Grönfeld, sem þekkir vel til kraft-
og ólympískra lyftinga, hvort hún
gæti hjálpað mér. Hún útskýrði og
sýndi mér lyftuna og ég varð strax
mjög áhugasöm,“ segir Alexandrea.
Forvitin fór Alexandrea strax á Go-
ogle og leitaði sér frekari upplýs-
inga. Í kjölfarið komst hún að því
hvað kraftlyftingar eru. „Ég fór að
spyrja Íris meira út í þetta og hún
bauðst til að kenna mér og gaf mér
kraftlyftingaprógramm.“
Í framhaldi af því hætti Alexand-
rea í fjarþjálfun og einbeitti sér að
kraftlyftingunum með hjálp frá Ír-
isi sem leiðbeindi henni fyrst um
sinn. „Ég varð hrifnari og hrifnari
af þessu því meira sem ég æfði. Ég
er líka gífurlega þakklát Írisi sem
hefur verið ótrúlega hjálpsöm og
hvetjandi, sérstaklega þegar ég var
rétt að byrja í kraftlyftingunum.
Hugsunin hjá mér breyttist sam-
stundis. Þetta fór að snúast um að
bæta mig í lyftingum frekar en að
líta út á ákveðinn hátt.“
Hvað eru kraftlyftingar?
Kraftlyftingar samanstanda af
þremur þremur lyftum. Það er
réttstöðulyfta, hnébeygja og bekk-
pressa. Maður keppir yfirleitt í öll-
um lyftunum saman, en einnig er
hægt að keppa í bekkpressu einni
og sér. „Ég æfi klassískar lyftingar
sem þýðir að ég æfi ekki í búnaði,“
útskýrir Alexandrea. Þegar keppt er
í búnaði eru keppendur klæddir í
þrönga boli og þrönga galla þar sem
hreyfigetan er takmörkuð nema um
mikla þyngd sé að ræða með þeim
afleiðingum að hún þvingar hreyf-
ingarnar. „Það væri kannski gaman
að prófa þessa tegund kraftlyftinga
einhvern tímann, en ég er ekki al-
veg ennþá þar. Klassísku lyfting-
arnar heilla mig meira eins og er.
Þá þarft maður að vera í stutterma-
bol og singletti þegar maður er að
keppa.“
Á móti fá keppendur þrjár lyftur
í hverri grein. Ef engri lyftu er náð
dettur maður úr keppni. „Það er
gott að taka í fyrstu lyftu alltaf eitt-
hvað sem þú veist að þú náir pott-
þétt og ert örugg með. Þegar það er
komið á blað er maður með aðeins
frjálsari hendur með þyngdirnar og
getur reynt til dæmis við persónu-
leg met, sérstaklega ef manni líður
extra vel,“ segir hún.
Meðvituð um lýðheilsu
Eftir því sem Alexandra fékk meiri
áhuga á lyftingum, hefur hún ver-
ið meira meðvituð um lýðheilsu al-
mennt. „Mamma hefur alltaf verið
mjög virk og dugleg að rækta heils-
una. Það var oft sem hún bauð mér
að koma með sér niður í íþróttahús
og ég þverneitaði að koma í hvert
skipti. Í dag peppum við hvor aðra
áfram,“ segir Alexandrea glöð. „Í
dag langar mig að fara í íþróttafræði
í Háskóla Íslands og læra íþrótta-
kennarann eða þjálfarann eða bara
bæði! Mér þykir þetta svo brjálæð-
islega áhugavert. Ég er til dæmis
núna að taka íþróttafræðiáfangana
í Menntaskóla Borgarfjarðar. Þetta
er það skemmtilegasta sem ég hef
lært og ég skil ekki hvað ég var að
hugsa áður,“ segir Alexandrea og
hristir hausinn yfir sjálfri sér.
Þrátt fyrir að kraftlyftingar sam-
anstandi af einungis þremur lyftum
þá segir Alexandrea hverja æfingu
vera öðruvísi. „Þetta er alls ekki
einhæft. Bara engan veginn. Ég er
búin að vera í þessu í eitt og hálft
ár og ég fæ aldrei leið á þessu. Það
eru til svo margar útfærslur af öll-
um lyftunum sem maður notar fyr-
ir auka æfingar. Svo fléttar maður
alltaf þessum hefðbundnu Body
Building æfingum inn í prógramm-
ið. Það ásamt því að þjálfa litlu
vöðvana hjálpar manni í að verða
betri kraftlyfingamaður. Hvert æf-
ingatímabil er um átta til tólf vikur í
senn. Að því loknu fær maður nýtt,
þannig það er mikil fjölbreytni í
þessu og þvert á móti einhæft.“
Kraftlyftingar
eru fyrir alla
Alexandrea keppir fyrir hönd Kraft-
lyftingafélags ÍA en þar sem hún býr
í Borgarnesi þá æfir hún íþróttina í
Íþróttamiðstöðinni í Borgarnesi.
Þar æfir hún sjálf fimm sinnum í
viku. Það eru eflaust margir lesend-
ur sem ímynda sér ekki 18 ára unga
stelpu í kraftlyftingum heldur frek-
ar fullvaxta karlmann með útþanda
vöðva. „Það er þessi steríótýpa af
fólki í kraftlyfingum sem eru þessir
risastóru menn, en það er svo mikið
meira til. Þetta er fyrir alla aldurs-
flokka og það er allskonar fólk inn
í þessari hreyfingu; stelpur, strákar,
konur og menn. Ég hef til dæmis
oft fengið spurninguna, ertu ekki
hrædd um að verða of stór? Eða,
ertu ekki hrædd um að verða karl-
mannleg? En, yfirleitt kemur það
fólki á óvart að það eru ekkert allir
að springa úr vöðvum sem stunda
sportið. Sjálf er ég frekar smágerð
og lítil,“ útskýrir hún.
Alexandrea keppir á bikarmóti
í klassískum kraftlyftingum sem
haldið verður á Akranesi eftir tvær
vikur. Fyrir utan kraftlyftingarnar
þá stundar hún nám við Mennta-
skóla Borgarfjarðar á íþróttabraut
og stefnir á útskrift næsta vor.
glh
„Hreyfing og íþróttir var það leiðinlegasta
sem ég gat hugsað mér“
Alexandrea Rán uppgötvaði kraftlyftingar og hefur ekki litið um öxl síðan
Alexandrea Rán tók sig til og breytti um lífstíl fyrir rúmum tveimur árum.
Bekkpressan er uppáhalds lyftan hennar Alexandreu.
Alexandrea gefur sér tíma til þess að hita upp fyrir hverja æfingu.