Skessuhorn - 17.10.2018, Blaðsíða 5

MIÐVIKUDAGUR 17. OKTÓBER 2018 5
Nýsköpun í atvinnulífinu er sem betur fer alltaf einhver. Án hennar yrði
stöðnun og fækkun starfa. Færð hafa verið rök fyrir því að nýsköpun sé
mest þegar illa árar. Þannig var hún mjög blómleg á árunum eftir gjaldþrot
bankanna fyrir tíu árum. Þá gafst fólki tími til að grúska og hrinda í fram-
kvæmd hugmyndum sem ekki var tími til í góðæri undangenginna ára. Af-
rakstur þeirrar nýsköpunar leit vissulega dagsins ljós og endurspeglaðist
meðal annars á sýningunni Íslenskur landbúnaður sem fram fór í Laugar-
dalshöll um liðna helgi. Sýningin endurspeglaði að mínu viti mikla þróun
og breytingar sem nú eiga sér stað. Flestar þær hugmyndir tengjast eðli
málsins samkvæmt landsbyggðinni og landbúnaði sérstaklega þar sem sýn-
ingin snérist jú um það. Þar má nefna skógarnytjar, vinnslu mjólkurafurða,
nýtingu gæru og ullar og markaðssetningu íslenska hestsins, svo dæmi séu
tekin. Þarna mátti m.a. sjá nýja gerð af dróna sem nýtist frábærlega í smala-
mennsku til fjalla og heyþyrlu sem blæs heyinu í stað þess að róta í því. Fag-
urlitar og gljáandi dráttarvélar nútímans voru einnig til sýnis. Þær eru að
vísu orðnar svo fullkomnar og stórar að það krefst framhaldsprófs, lipurðar
og haldgóðrar enskukunnáttu ef maður ætlaði að setjast upp í slíka vél og
fara að gera gagn.
En framþróun er í ýmsu fleiru. Í liðinni viku var opnuð vefsíðan tekjur.is
á Netinu. Að baki henni stendur félag sem nefnist Viskubrunnur, en nán-
ari upplýsingar um bakhjarla síðunnar og fyrirtækið liggja hins vegar ekki
á lausu! En vissulega má með sanni segja að þessi síða kallar fram upplýs-
ingar sem sumir fagna meðan aðrir kysu helst að þær lægju í láginni. Þarna
eru upplýsingar um tekjur allra íslenskra skattgreiðanda og byggja á upp-
lýsingum úr skattskrá frá Ríkisskattstjóra. Um árabil hefur tíðkast að birta
fréttir og gefa út sérstök glanstímarit í ágúst með upplýsingum um tekjur
valinna skattgreiðenda. Þannig hefur DV og Frjáls verslun auðgast á því í
gegnum tíðina við litla hrifningu hægri manna sem finnst þessar upplýs-
ingar vera einkamál.
En það sem Tekjur.is gerir umfram að birta launatekjur, þá birtir vefur-
inn auk þess upplýsingar um fjármagnstekjur. Upplýsingar sem tekjublöðin
fram að þessu hafa ekki birt. Í ljós kemur að fjölmargir, einkum þeir sem
eru í svokölluðum efri lögum þjóðfélagsins (lesist tekjuháir), nýta sér þá
smugu í skattalögum að gefa upp lágmarkstekjur á sjálfa sig, en greiða sér
þess í stað út arð sem einungis ber 22% fjármagnstekjuskatt. Staðgreiðslu-
hlutfall ársins 2017 var 36,94% á tekjur í fyrsta skattþrepi og 46,24% í
öðru þrepi. Þannig komast þeir, sem nýta sér að taka arð út úr fyrirtækjum
sínum í stað launa, hjá því að greiða um 23% skatt sem vissulega er löglegt,
en í besta falli siðlaust. Ríkið tekur til sín allan fjármagnstekjuskattinn en
sveitarfélagið þar sem viðkomandi býr fær ekkert. Viðkomandi eru semsé
þurfalingar á sveitarsjóði á kostnað þeirra sem greiða útsvar. Þeir sem fagn-
að hafa útgáfu tekjublaðanna á liðnum árum geta því glaðst sem aldrei fyrr
yfir tilkomu þessa nýja vefjar. Enda sýnir hann býsna vel hvert raunveru-
legt framlag einstaklinga er í sameiginlega sjóði okkar allra. Hvað sem fólki
finnst yfirleitt um svona upplýsingagjöf þá eykur vefur af þessu tagi óum-
deilt gagnsæi í umræðu um tekjudreifingu í samfélaginu.
Sjálfur hef ég ekki keypt áskrift að vefnum tekjur.is. Ætla að bíða og sjá
hversu vel mánaðaráskrift þar mun endast. Mér segir nefnilega svo hugur
að þessum vef verði lokað áður en fyrsti mánuðurinn verður liðinn. Hann
veitir nefnilega meiri upplýsingar en þola dagsljósið - fyrir suma.
Magnús Magnússon
VR óskar eftir orlofshúsum
VR óskar eftir að leigja vönduð sumar hús eða
orlofsíbúðir til framleigu fyrir félagsmenn sína.
Leitað er eftir húsnæði á landsbyggðinni fyrir
næsta sumar.
Áhugasamir sendi upplýsingar á vr@vr.is
fyrir 20. nóvember 2018.
Eftirfarandi upplýsingar þurfa
að fylgja:
VR | KRINGLUNNI 7 | 103 REYKJAVÍK | SÍMI 510 1700 | WWW.VR.IS
• Lýsing á eign og því sem henni fylgir
• Ástand íbúðar og staðsetning
• Stærð, öldi svefnplássa og byggingarár
• Lýsing á möguleikum til útivistar og
afþreyingar í næsta nágrenni
Öllum tilboðum verður svarað.
HÓTEL HÚSAFELL ÓSKAR EFTIR STARFSMANNI
Í GESTAMÓTTÖKU & NÆTURVÖRSLU
Næturvarsla
Starfs- og ábyrgðarsvið:
Móttaka- og dagleg samskipti við •
gesti hótelsins
Þrif og þvottahús•
Símsvörun•
Umsýsla í hótelkerfi•
Sala ferða og upplýsingagjöf•
Önnur tilfallandi störf•
Gestamóttaka
Starfs- og ábyrgðarsvið:
Móttaka- og dagleg samskipti •
við gesti hótelsins
Símsvörun og svörun fyrirspurna í •
tölvupósti
Reikningagerð•
Umsjón hópa og annarra bókanna•
Sala ferða og upplýsingagjöf•
Önnur tilfallandi störf•
Hæfniskröfur:
Menntun sem nýtist í starfi sem
og tölvukunnátta
Afburða þjónustulund, hæfni og
lipurð í mannlegum samskiptum
Góð íslensku- og enskukunnátta,
þriðja tungumál er kostur
Hæfni til að vinna undir álagi,
sjálfstæð vinnubrögð og
frumkvæðni í starfi
Reynsla af störfum í gestamóttöku
er kostur
Fullt starf
Unnið er eftir 2-2-3 vaktakerfi í
gestamóttöku og 7-7 í næturvörslu
Húsnæði á svæðinu
Æskilegt er að viðkomandi
geti hafið störf sem fyrst
Umsóknarfrestur til og með 1. nóv.
HÚSAFELL
HÓTEL
SK
ES
SU
H
O
R
N
2
01
8
Finnbogi Leifsson bóndi í Hítardal
skrifaði Borgarbyggð bréf í lok síð-
asta mánaðar vegna þeirrar stöðu
sem upp er komin í fjarskiptamál-
um á jörð hans. Lagði hann máli
sínu til stuðnings fram bréf frá
fjarskiptafyrirrtækinu Vodafone
þar sem honum var tilkynnt að
fyrirtækið muni leggja af þráðlaust
fjarskiptakerfi Lofthraða/eMax um
komandi áramót. Afleiðing þess
verður að Hítardalur verður þá al-
gjörlega án fjarskiptasambands. Í
bókun byggðarráðs vegna málsins
kemur fram að ekki sé kunnugt,
enn sem komið er, um fleiri bæi í
Borgarbyggð sem lenda í sambæri-
legri stöðu vegna þessara breyt-
inga hjá fyrirtækinu. „Með tilvís-
an til samnings sem gerður var um
þessi mál á árinu 2004 við Borgar-
byggð, Borgarfjarðarsveit, Hvítár-
síðuhrepp og Skorradalshrepp og
ekki hefur verið sagt upp, þá hef-
ur sveitarstjóri ritað Vodafone bréf
þar sem farið er fram á viðræður
um þá stöðu sem upp kemur í kjöl-
far lokunarinnar,“ segir í bókun
byggðarráðs.
mm
Vodafone vill leggja af
fjarskiptasamband í Hítardal