Skessuhorn - 17.10.2018, Blaðsíða 20
MIÐVIKUDAGUR 17. OKTÓBER 201820
Síðastliðinn fimmtudag voru 40 ár
liðin frá því leikskólinn Klettaborg
var fyrst opnaður við Borgarbraut
101 í Borgarnesi og var því fagnað
með pompi og prakt allan afmælis-
daginn. Þegar blaðamaður Skessu-
horns kom þar við skömmu fyrir há-
degi mættu honum prúðbúin börn
á leið sinni á dansiball í sal leikskól-
ans. Allir voru klæddir í sitt fínasta
púss eða í skemmtilegum búning-
um og var gleðin allsráðandi í til-
efni dagsins. Eins og venja er á öll-
um góðum dansiböllum voru ljós-
in slökkt og kveikt á diskóljósum.
Börnin höfðu sjálf séð um að skipu-
leggja afmælishátíðina og voru sex
fulltrúar þeirra tilbúnir að taka sér
pásu frá dansleiknum til að ræða við
blaðamann um viðburðinn.
Krakkafundir og
kaffihús
Við settumst saman inn á eina deild
leikskólans ásamt Steinunni Bald-
ursdóttur leikskólastjóra. „Við höld-
um krakkafundi um allt það helsta
sem við gerum hér á leikskólanum.
Þá fá þau börn sem vilja að taka þátt
í skipulagningu og ákvarðanatöku.
Börnin eru því alveg vön að setj-
ast svona niður og spjalla,” útskýrir
Steinunn þegar allir fá sér sæti. Með
á fundinum voru þau Viktor Snær,
Emil Lind, Alexander Aron, Auðunn
Jakob, Anna Diljá og Hekla Isabel.
,,Við vorum að skreyta og ákveða
hvað ætti að gera í dag,” segja þeir
Viktor Snær og Auðunn Jakob ,,Við
fáum líka köku,” bætir Emil spennt-
ur við. ,,Já, og við skreyttum með ís-
lenska fánanum og blöðrum,” segja
þær Anna Diljá og Hekla Isabel og
benda á skraut sem prýðir veggina.
,,Það hefði verið flott að setja líka
tré,” segir Emil og hinir krakkarn-
ir benda honum þá á tré sem hang-
ir til skrauts í loftinu fyrir ofan þau.
,,Ég er að meina svona alvöru stórt
tré í garðinum,” útskýrir Emil og
hin börnin eru öll sammála því. ,,Á
eftir verðum við með kaffihús fyr-
ir mömmu, pabba, ömmu og afa,”
segir Anna Diljá brosandi. ,,Já, og
systkini og alla sem þekkja okkur
líka,” bætir Hekla Isabel brosandi
við. Þau verða öll spennt og segja
blaðamanni frá því hversu gaman
það verði að sýna foreldrum og öðr-
um fjölskyldumeðlimum hvað þau
hafa verið að gera í tilefni dagsins.
Faglegra starf í dag
Eftir smá spjall við blaðamann biðja
börnin um að fá að fara aftur á ball-
ið. Þar bíður þeirra Daði Freyr
Guðjónsson dansari og þau vilja alls
ekki missa af honum. ,,Daði hefur
komið til okkar reglulega og kenn-
ir börnunum dans. Hann er hress og
nær vel til barnanna,” segir Stein-
unn um leið og börnin hraða sér inn
í sal að dansa. Því næst setjumst við
Steinunn niður ásamt Ásdísi Bald-
vinsdóttur leikskólakennara. Ás-
dís hefur starfað á Klettaborg frá
árinu 1979 og þar af var hún leik-
skólastjóri í 16 ár. ,,Það hefur margt
breyst á þessum tíma, bæði hér í
Klettaborg og almennt í starfi leik-
skólakennara, þá eingöngu jákvæð-
ar breytingar,” segir Ásdís og heldur
áfram. ,,Fyrst voru leikskólar meira
eins og daggæsla en í dag er starfið
mun faglegra.” Steinunn tekur und-
ir og bætir því við að áhersla sé lögð
á sí- og endurmenntun til að við-
halda faglegri þróun, þá er mikil-
vægt að fá námskeið og fyrirlestra á
starfsmannafundi og skipulagsdaga
til að allt starfsfólkið fái fræðslu.
„Hér hjá okkur er frábært starfsfólk
sem hefur mikla starfsreynslu, fag-
lega þekkingu og sinnir mjög góðu
starfi þar sem hagsmunir barna eru í
fyrirrúmi. Góður starfsandi og sam-
staða einkennir starfsamannahóp-
inn,“ segir Steinunn og brosir. ,,Ég
held að það eigi þátt í því hversu vel
okkur hefur tekist að halda í starfs-
fólk. Sem dæmi má segja frá því að
í desember 2013 var meðalstarfsald-
ur hjá okkur tæp 16 ár sem er mik-
ilvægt fyrir leikskólastarfið og sýn-
ir góðan stöðugleika í starfsmanna-
haldinu,“ bætir hún við.
Hættir þegar fyrri
nemendur fara að
koma með barnabörnin
Aðspurð segist Ásdís alltaf hafa jafn
gaman af vinnunni sinni. ,,Þetta
er skemmtileg vinna, enginn dag-
ur er eins og það er yndislegt að fá
að starfa með börnum. Ég er búin
að vera svo lengi hér að ég er far-
in að taka á móti börnum sem voru
hér fyrstu árin mín en eru núna að
koma með sín eigin börn. Ætli ég
hætti ekki þegar þessi börn, eða for-
eldrar núna, eru farin að koma með
ömmu- og afabörnin sín,” segir hún
hlæjandi og bætir því við að eitt af
því sem gerir Klettaborg að góðum
vinnustað er hversu mikil áhersla er
lögð á að starfsfólki líði vel.
Eftir smá spjall þarf Ásdís að halda
aftur til barnanna og við færum okk-
ur með Steinunni yfir á skrifstofuna
hennar og fáum aðeins að kynnast
leikskólastjóranum. Skrifstofan er
ekki stór og Steinunn útskýrir að
hún hafi um tíma verið með stærri
skrifstofu hinum megin í húsinu en
þar hafi hún ekki getað verið. „Hér
snýr glugginn út í garð og börnin
koma því oft, banka á gluggann og
heilsa upp á mig þegar þau eru úti.
Á hinni skrifstofunni gátu þau ekki
gert það og ég saknaði þeirra, svo ég
færði mig aftur hingað,“ segir hún
brosandi. ,,Ég verð bara að fá smá
vítamín yfir daginn,” bætir hún við
og útskýrir að samskipti við börnin
virki eins og vítamín fyrir sig.
Til Benidorm og
svo í Borgarnes
Steinunn er fædd og uppalin í
Reykjavík, á tvær systur og einn
bróður. Hún útskrifaðist úr Fóst-
urskóla Íslands árið 1992 og hefur
einnig lokið B.ed námi við Kenn-
araháskólann, náminu „Sterkari
stjórnsýslu“ við Háskólann á Bifröst
og er nú í stjórnandanámi hjá End-
urmenntun Háskóla Íslands. Stein-
unn starfaði í leikskóla í Reykjavík
til að byrja með eða þar til hún flutti
í Borgarnes árið 1995. En hvers
vegna ákvað hún að flytja í Borgar-
nes? ,,Ég kynntist manni úr Borg-
arnesi,” segir hún og hlær. Stein-
unn var einhleyp og leigði íbúð með
Helgu Georgsdóttur vinkonu sinni í
Reykjavík en þær höfðu saman lokið
námi í Fósturskólanum. ,,Ég skellti
mér til Benidorm með systur minni
og var ekki búin að vera þar nema í
sex klukkustundir þegar ég hitti Jó-
hannes Gunnar Harðarson, núver-
andi eiginmann minn og við höfum
verið saman síðan. Þess vegna ákvað
ég að flytja hingað skömmu eftir að
við kynntumst. Helga vinkona mín
sem ég leigði með kynntist svo vini
hans Jóhannesar og við fluttum því
báðar hingað og fengum vinnu í
Klettaborg,” segir hún og bætir við
að Helga hafi unnið í Klettaborg þar
til á síðasta ári þegar hún flutti aftur
til Reykjavíkur.
Varð strax ein af
fjölskyldunni
Steinunn segist hafa kunnað vel við
sig í Borgarnesi frá upphafi en að
þó hafi verið erfitt að vera fjarri fjöl-
skyldunni sinni fyrstu árin. ,,Það
voru engin Hvalfjarðargöng á þess-
um tíma og því var maður ekkert að
skjótast til Reykjavíkur. En ég reyndi
að vera dugleg að fara og fjölskyld-
an mín var líka dugleg að heimsækja
mig,” segir hún og heldur áfram.
,,En ég datt líka í lukkupottinn með
tengdafjölskyldu. Tengdaforeldrar
mínir tóku mér strax eins og dóttur
og reyndust mér mjög vel, svo eign-
aðist ég líka fjórar yndislegar mág-
konur og kynntist góðu fólki hér í
Borgarnesi svo þetta gat ekki verið
betra.” Steinunn og Jóhannes eiga
saman tvær dætur, 15 og 18 ára sem
Steinunn segir vera ljósin í lífi sínu.
,,Við höfum verið ánægð hér í Borg-
arnesi,” segir hún og brosir.
Áhersla á að virkja
og efla börnin
Eftir aðeins tvö ár í Klettaborg varð
Steinunn leikskólastjóri og hefur
gegnt því starfi síðan, eða í 21 ár.
,,Að fá tækifæri til að vera leikskóla-
stjóri hér þennan tíma er ómetan-
legt,” segir hún. ,,Þetta er frábær
leikskóli þar sem ríkir mikill metnað-
ur og við erum alltaf að þróa starfið.
Helstu áhersluatriði í leikskólastarf-
inu eru leikskólalæsi, leiðtogahæfni,
heilsuefling og einstaklingsmiðað
nám. Fyrir nokkrum árum fórum
við af stað með verkefnið ,,Leiðtog-
inn í Mér/The Leader in Me,” sem
snýst um að innleiða leiðtogahugsun,
en slík menning felur í sér aðstæður
þar sem hver einstaklingur fær tæki-
færi til að byggja á sínum eigin styrk-
leikum, það á bæði við um börnin og
starfsfólkið. Í daglegu starfi fá börnin
ákveðin leiðtogahlutverk sem stuðla
að sjálfstæði, gleði og aukinni ábyrgð.
Krakkafundirnir eru partur af verk-
efninu og einnig ýmis leiðtogahlut-
verk svo sem þjónaleiðtogar, hjálpar-
leiðtogar, útileiðtogar, leikfimisleið-
togar og ruslaleiðtogar sem sjá um að
safna saman pappír og henda í grænu
tunnuna, það er vinsælt hlutverk.
Það er fátt sem jafnast á við að fylgj-
ast með börnunum vaxa, þroskast og
öðlast meira sjálfstraust og öryggi.
Þau verða svo hreykin og ánægð við
að fá hlutverk og finna fyrir ábyrgð-
inni og traustinu sem fylgir,“ segir
hún. „Börn eru að mínu mati besta
fólkið, þau eru einlæg, skemmtileg,
hreinskilin og svo dásamleg hvert og
eitt á sinn hátt. Þau eru stór ástæða
fyrir ánægju minni í starfi,“ segir
Steinunn að endingu.
arg/ Ljósm. Klettaborg.
Leikskólinn Klettaborg varð 40 ára í liðinni viku
Steinunn Baldursdóttir leikskólastjóri á Klettaborg til vinstri, með Heklu Vigdísi í fanginu, og Ásdís Baldvinsdóttir til hægri,
með Amilíu í fanginu. Ljósm. arg.
Hópur frá Tónlistarskóla Borgarfjarðar kom í leikskólann á afmælisdaginn
og sýndi börnunum atriði úr söngleikjunum Móglí og Litlu stúlkunni með eld-
spýturnar.
Börnin héldu dansball á afmælisdegi
leikskólans.
Rúmlega 80 gestir komu í kaffi á Klettaborg í tilefni dagsins.
Börnin sáu um að búa til skraut fyrir afmælishátíðina.