Skessuhorn - 24.10.2018, Síða 11
MIÐVIKUDAGUR 24. OKTÓBER 2018 11
Hlutverk sjóðsins er að stuðla að varðveislu og viðhaldi friðlýstra og friðaðra
húsa og mannvirkja, sbr. reglur um úthlutun úr húsafriðunarsjóði nr.
577/2016. Veittir verða styrkir úr sjóðnum til:
viðhalds og endurbóta á friðlýstum og friðuðum húsum og
mannvirkjum, og öðrum húsum og mannvirkjum, sem hafa
menningarsögulegt, vísindalegt eða listrænt gildi.
byggingarsögulegra rannsókna, þar með talið skráningu húsa og
mannvirkja, og miðlun upplýsinga um þær.
sveitarfélaga til að vinna tillögur að verndarsvæði í byggð, í
samræmi við ákvæði laga nr. 87/2015 og reglugerðar nr. 575/2016
um verndarsvæði í byggð og til verkefna innan verndarsvæða í
byggð.
Umsóknir eru metnar með tilliti til varðveislugildis, t.d. vegna byggingarlistar,
menningarsögu, umhverfis, upprunaleika og tæknilegs ástands ásamt gildis
fyrir varðveislu byggingararfleifðarinnar.
Umsóknareyðublað og nánari upplýsingar, m.a. úthlutunarreglur, er að finna
á vef Minjastofnunar Íslands, www.minjastofnun.is.
Umsóknarfrestur er til og með 1. desember 2018. Umsóknir sem berast
eftir að umsóknarfresti lýkur koma ekki til álita við úthlutun styrkja.
Minjastofnun Íslands hefur eftirlit með að styrkt verkefni séu viðunandi af
hendi leyst og í samræmi við innsend umsóknargögn. Bent er á leiðbeiningarit
um verndarsvæði í byggð og um viðhald og endurbætur friðaðra og
varðveisluverðra húsa sem finna má á vef Minjastofnunar Íslands (undir
Gagnasafn) og á Húsverndarstofu í Borgarsögusafni
Reykjavíkur/Árbæjarsafni.
Suðurgötu 39,101 Reykjavík
Sími: 570 1300
www.minjastofnun.is
husafridunarsjodur@minjastofnun.is
Minjastofnun Íslands
auglýsir eftir umsóknum um styrki úr
húsafriðunarsjóði
fyrir árið 2019 Hæstiréttur kvað síðastliðinn
fimmtudag upp þann úrskurð að
Lyf og heilsa skuli greiða Apóteki
Vesturlands 4,5 milljónir króna
í bætur, auk vaxta, vegna tjóns af
völdum samkeppnisbrota fyrr-
nefnda fyrirtækisins fyrir rúmum
áratug síðan. Með dómi Hæsta-
réttar er snúið við niðurstöðu Hér-
aðsdóms Reykjavíkur í málinu og
er Lyf og heilsa auk þess dæmd til
greiðslu alls málskostnaðar, eða
átta milljóna króna fyrir héraðs-
dómi og í Hæstarétti. Tveir dóm-
arar skiluðu sératkvæði og vildu
dæma Lyfjum og heilsu í vil þar
sem þeir töldu ekki sannað að Apó-
tek Vesturlands hefði orðið fyr-
ir fjártjóni vegna brota Lyfja og
heilsu. Vildu þeir staðfesta sýknu-
dóm Héraðsdóms Reykjavíkur og
auk þess dæma Apótek Vesturlands
til greiðslu málskostnaðar.
Rót skaðabótamálsins má rekja
allt til ársins 2010 þegar áfrýjun-
arnefnd samkeppnismála úrskurð-
aði að Lyf og heilsa hefði brotið
gegn samkeppnislögum með því að
hafa nýtt sér markaðsráðandi stöðu
sína til að hindra innkomu Apó-
teks Vesturlands á lyfsölumarkað
á Akranesi árið 2007. Eftir opn-
un Apóteks Vesturlands á Akra-
nesi brást Lyf og heilsa við með
því að bjóða viðskiptavinum upp
á afslætti sem einvörðungu stóðu
til boða í verslun lyfsölufyrirtækis-
ins á Akranesi en ekki í öðrum 24
verslunum lyfsölukeðjunnar. Þetta
hafi fyrirtækið m.a. gert með út-
gáfu vildarkorta og með svonefnd-
um baráttuafsláttum. Hæstiréttur
staðfesti þann úrskurð árið 2012.
Í kjölfarið krafði Apótek Vestur-
lands Lyf og heilsu um rúmar átján
milljónir króna í skaðabætur vegna
tjóns sem það hefði orðið fyrir
vegna samkeppnisbrotanna. Hér-
aðsdómur Reykjavíkur sýknaði Lyf
og heilsu af kröfunni í janúar í fyrra
en meirihluti dómara í Hæstarétti,
eins og fyrr segir, snéri þeim úr-
skurði nú við og dæmdi Apóteki
Vesturlands í vil.
Löng vegferð að baki
Ólafur Adolfsson lyfsali rekur Apó-
tek Vesturlands. Hann var að von-
um sæll með lyktir málsins þegar
Skessuhorn heyrði í honum hljóð-
ið. Hann segir langa vegferð að baki
en málið teygi anga sína ellefu ár
aftur í tímann, eða allt til þess tíma
sem hann opnaði apótek á Akranesi
sumarið 2007. „Nú eru níu ár síðan
úrskurðarnefnd samkeppnismála
kvað upp þann úrskurð að á fyr-
irtæki mínu hafi verið brotið með
ólögmætum samkeppnishindrun-
um. Það er nú búið að taka níu
ár að kalla fram þessa niðurstöðu,
sem mér finnst að sjálfsögðu allt-
of langur tími. En það breytir ekki
því að ég er ánægður með lyktir
málsins og hefði í raun ekki getað
fengið ánægjulegri afmælisgjöf,“
sagði Ólafur sem einmitt fagn-
aði 51 árs afmæli sínu sama dag og
dómur Hæstaréttar féll. „Það sem
þessi dómur ætti að kenna okk-
ur er að fagna samkeppni, en hún
verður að sjálfsögðu alltaf að vera á
heiðarlegum nótum,“ segir Ólafur
Adolfsson. mm
Apóteki Vesturlands dæmdar
bætur í Hæstarétti
Lyfjum og heilsu gert að greiða sekt fyrir samkeppnisbrot
Ólafur Adolfsson lyfsali í Apóteki Vesturlands.