Skessuhorn - 24.10.2018, Page 21

MIÐVIKUDAGUR 24. OKTÓBER 2018 21
það hefur gengið vel við æfingar
undanfarnar vikur og áhorfend-
ur mega búast við skemmtilegri
kvöldstund. Þetta verður svolít-
ið öðruvísi sýning en flestir eiga
að venjast. Fjórir einþáttung-
ar, spunnir saman, ekkert hlé og
hver sýning verður rúmur klukku-
tími að lengd. En ég á von að það
verði létt stemning, mikill hlátur
og fólk geti átt þarna ánægjulega
kvöldstund,“ segir hann og bæt-
ir því við að leikhópurinn ætli að
gera smá tilraun á sýningunni en
vill ekki ljóstra nánar upp hvað
felst í henni.
Tíu leikarar stíga á svið á sýn-
ingunni, fjórir fullorðnir og fjórir
yngri, auk þess sem tveir kynnar
munu taka þátt í uppsetningunni.
Þá eru ótaldir hljóð- og tækni-
menn og þeir sem vinna störf bak-
sviðs. Sýnt verður fjórum sinnum
á meðan Vökudagar standa yfir,
alltaf kl. 20:00 „og oftar ef það
gengur extra vel,“ segir leikstjór-
inn. „En ég vænti þess að áhorf-
endur muni skemmta sér konung-
lega og líka leikararnir á sviðinu,
það helst alltaf svolítið í hend-
ur,“ segir hann og bætir því við að
hann vonist jafnframt til að kom-
andi uppsetning verði vítamín-
sprauta fyrir leikstarfið á Akranesi.
„Leikfélagið hefur legið í dvala
núna um nokkurra ára skeið, en
ég vona að þessi sýning geti orð-
ið liður í að ýta leikstarfi á Akra-
nesi aftur af stað. Það er ekki langt
síðan Skagaleikflokkurinn var eitt
öflugasta áhugaleikfélag landsins
og hann getur alveg orðið það aft-
ur,“ segir Jóel. „Ef þetta tekst vel,
fólk kemur á sýninguna og á hér
ánægjulega kvöldstund þá verður
það aðeins til að vekja áhuga fleira
fólks að vera með í starfi félagsins
þegar kemur að því að sýna næst,“
segir Jóel Sæmundsson að end-
ingu. kgk

Orlofssjóður BHM (OBHM) óskar eftir að taka á leigu sumarhús eða íbúðir
um land allt og annars staðar í Evrópu til að framleigja til sjóðfélaga sumarið
2019. Húsnæðið þarf að vera í mjög góðu ástandi, fullbúið húsgögnum og
öðrum viðeigandi húsbúnaði. Þar þarf jafnframt að vera pláss fyrir a.m.k. 6
til 8 manns í gistingu.

Áhugasamir húseigendur sendi tölvupóst með myndum af eigninni á
obhm@bhm.is

Gott væri að fram kæmu upplýsingar um staðsetningu, byggingarár,
ástand, stærð, fjölda svefnplássa og hugmyndir um leiguverð.
ÁTT ÞÚ ORLOFSHÚS SEM
ÞÚ VILT LEIGJA?
Þjóðminjasafn Íslands sendir nú út
spurningaskrá með heitinu „Lofts-
lagsbreytingar og framtíðin“ í sam-
vinnu við þjóðháttasöfn í Noregi
og í Svíþjóð. Með spurningaskránni
óskar Þjóðminjasafnið eftir liðsinni
almennings við að safna upplýsing-
um um afstöðu fólks til loftslags-
breytinga af mannavöldum, hvaða
áhrif þær hafa á líf þess og hvernig
það ímyndar sér framtíð með eða
án loftslagsbreytinga. Spurninga-
skránni er svarað á netinu með því
að smella á þennan tengil: http://
www.sarpur.is/Spurningaskra.
aspx?ID=1877071 . Þar er jafnframt
að finna skriflegar leiðbeiningar.
Einnig er mögulegt að óska eftir að
fá senda prentaða spurningaskrá eða
að svara í tölvupósti.
Umræður um loftslagsbreytingar
af mannavöldum hafa lengi verið í
sviðsljósinu og kannski aldrei meira
en núna. Hnattræn hlýnun get-
ur haft afdrifaríkar afleiðingar í för
með sér fyrir allt líf á jörðinni, sam-
félög manna og daglegt líf, en sam-
kvæmt rannsóknum á veðurfari eru
loftslagsbreytingar af mannavöldum
nú þegar til staðar. Spurningaskrá-
in er liður í þjóðháttasöfnun Þjóð-
minjasafns Íslands sem staðið hefur
óslitið frá árinu 1960 og hafa flest
svörin verið slegin inn í rafrænan
gagnagrunn sem hægt er að skoða á
vefslóðinni http://www.sarpur.is/ .
Frekari upplýsingar eru veittar í
síma 530 2294 en einnig má senda
tölvupóst á agust@thjodminjasafn.
is. -fréttatilkynning
Þjóðminjasafn kannar lofts-
lagsbreytingar og framtíðina
Skagaleikflokkurinn ætlar að kitla
hláturtaugar gesta menningarhá-
tíðarinnar Vökudaga, sem hefst á
Akranesi á morgun. Færðir verða
á fjalirnar fjórir gríneinþáttung-
ar, sem spunnir hafa verið saman
í eina sýningu. Þessa dagana eru
leikfélagar í Skagaleikflokknum
önnum kafnir við æfingar á Gamla
Kaupfélaginu, þar sem sýningarn-
ar verða. Frumsýnt verður næst-
komandi laugardagskvöld, 27.
október. Leikstjóri er Jóel Sæ-
mundsson. Hann segir ferlið ekki
hafa gengið þrautalaust fyrir sig.
„Upphaflega stóð til að sýna
leikrit í fullri lengd með mörgum
karakterum. En síðan datt fólk út
eitt af öðru og við vorum komin
niður í tíu leikara. Þá fundum við
annað verk og byrjuðum að æfa
það en þá duttu tveir í viðbót út,
m.a. vegna veikinda. Allt í einu
voru fjórar vikur farnar í súginn en
þá fundum við þessa einþáttunga,
bjuggum til smá grind í kringum
þá og höfum æft af kappi undan-
farnar vikur,“ segir Jóel. „Það
verður meira að segja komið að-
eins inn á það í sýningunni hvern-
ig allt gekk á afturfótunum hjá
okkur, það klikkaði nánast allt sem
gat klikkað í raunveruleikanum,“
bætir hann við léttur í bragði. „En
Skagaleikflokkurinn skemmtir gestum á Vökudögum
„Létt stemning, mikill hlátur og
ánægjuleg kvöldstund“
Jóel Sæmundsson leikstýrir fjórum gríneinþáttungum sem Skagaleikflokkurinn
færir á fjalirnar á Vökudögum.
Leikendur og kynnar í sýningu Skagaleikflokksins ásamt leikstjóranum.
Ljósm. Skagaleikflokkurinn.