Skessuhorn - 31.10.2018, Blaðsíða 12
MIÐVIKUDAGUR 31. OKTÓBER 201812
Akraneskaupstaður veitir á hverju
ári einstaklingum og hópum sem
staðið hafa vel að því að fegra
bæinn umhverfisviðurkenning-
ar. Voru þær afhentar á Breiðinni
síðastliðinn laugardag. Fjölmargar
tillögur bárust í ár frá íbúum Akra-
ness til valnefndar sem skipuð var
Sindra Birgissyni umhverfisstjóra
og Helenu Guttormsdóttur lekt-
or við LbhÍ. Valnefndin skilaði til-
lögum til skipulags- og umhverf-
isráð þar sem gerð var tillaga um
að veita viðurkenningar í flokk-
unum falleg einbýlishúsalóð, fal-
leg parhúsalóð, hvatningarverð-
laun, samfélagsverðlaun og tré árs-
ins. Verðlaunahafar fá í viðurkenn-
inguna skilti til að setja upp utan-
dyra ásamt viðurkenningarskjali
og gjafabréfi til kaupa á ávaxtatré
hjá Jóni Guðmundssyni garðyrkju-
bónda á Akranesi.
Bílver fékk hvatningar-
verðlaun
Hvatningarverðlaun komu í hlut
Bílvers við Innnesveg 1. Þau eru
veitt fyrir gott aðgengi að húsinu
og byggingu sem er snyrtileg, gler-
fletir ávallt hreinir og blómakerj-
um er vel til haldið. Einnig þyk-
ir vel til fundið að minna á afmæl-
isár fyrirtækisins með merkingu
yfir inngangi. Eigendur eru hvatt-
ir til að halda áfram á sömu braut
enda er útlit fyrirtækisins bænum
til mikils sóma.
Grenigrund 30 og
Jörundarholt 18a og b
Í flokkunum falleg einbýlishúsalóð
varð fyrir valinu lóðin við Greni-
grund 30. Þar búa þau Garð-
ar Heimir Guðjónsson og Kristín
Líndal Hallbjörnsdóttir. Lóðin var
áður lokuð en hefur nú verið opn-
uð og þykir einföld og einstaklega
snyrtileg. Í garðinum má finna
fjölda runnategunda og fjölæringa
sem skapar gott jafnvægi milli húss
og lóðar.
Í flokknum falleg parhúsalóð
varð fyrir valinu lóðin við Jörund-
arholt 18a og 18b. Þar búa þau
Aðalsteinn Hafsteinsson og Guð-
rún Sigvaldadóttir (18a) og Guð-
laugur Elís Jónsson og Guðríð-
ur Árnadóttir (18b). Aðkoma að
húsinu þykir einföld, snyrtileg og
í samræmi við húsið og hverfið í
kring. Garðurinn er mjög lífrænn
með mikinn tegundafjölbreytileika
og vel hirtur.
Hlynur á
Kirkjubraut 58
Í ár ákvað Akraneskaupstaður að
veita umhverfisviðurkenningu
fyrir tré ársins og að þessu sinni
varð hlynur fyrir valinu. Umrædd-
ur hlynur stendur á horni Kirkju-
brautar og Stekkjarholts (Kirkju-
braut 58) og þykir mikið prýði
fyrir götumyndina. Hlynurinn
stendur örlítið út yfir gangstétt á
Stekkjarholti og skapar skemmti-
lega upplifun fyrir gangandi veg-
farendur sem ganga undir það.
Tréð er einstofna, fallegur ein-
staklingur og stendur eitt á lóð-
inni. Tegundin fær á sig stóra og
hvelfda krónu og þarfnast því mik-
ils pláss sem það fær vissulega á
þessum stað og nýtur sín til fulls.
Tré sýnir að fjölbreyttar tegundir
sem eru ekki mikið notaðar þrífast
í bænum og gefur vonandi öðrum
bæjarbúum innblástur.
Samfélags-
viðurkenningar
Síðast en ekki síst þá voru veittar
samfélagsviðurkenningar, en þær
eru veittar hópi eða einstakling-
um sem hafa unnið óeigingjarnt
starf í að efla og hugsa vel um nær-
umhverfi sitt og bæta þannig gæði
þess. Í ár eru viðurkenningarnar
tvíþættar, annarsvegar fyrir ein-
stakling og hinsvegar fyrir hóp.
Viðurkenning til einstaklings hlaut
Guðmundur Stefán Kjartans-
son fyrir frumkvæði að hreinsun á
friðlandinu við Innsta Vog. Viður-
kenningu fyrir hóp hlaut Íþrótta-
bandalag Akraness fyrir frumkvæði
að hreinsun í bænum af hálfu iðk-
enda og þjálfara aðildafélaga innan
Íþróttabandalags Akraness.
mm/ Ljósm. akranes.is
Umhverfisviðurkenningar Akraneskaupstaðar
Verðlaunahafar ásamt fulltrúum umhverfis- og skipulagsnefndar og bæjarstjórn.
Hús og lóð Bílvers við Innnesveg 1 skarar framúr í flokki atvinnuhúsnæðis.
Grenigrund 30.
Parhúsið Jörundarholt 18a og 18b hlaut viðurkenningu.
Guðmundur Stefán Kjartansson hlaut samfélagsverðlaun fyrir frumkvæði að hreinsun friðlands við Innsta Vog. Hér er hann
ásamt Sævari Frey bæjarstjóra og Ragnari formanni umhverfis- og skipulagsnefndar.
Stakstæður hlynur sem stendur á lóðinni Kirkjubraut 58 fékk verðlaun.
Ljósm. mm.