Skessuhorn - 07.11.2018, Blaðsíða 12
MIÐVIKUDAGUR 7. NÓVEMBER 201812
Fimmtudaginn 1. nóvember fór
fram nokkuð óvenjulegt boccia-
mót í Íþróttamiðstöðinni í Borg-
arnesi og nefndist það Brákar-
hlíðarmótið. Þar var í fyrsta sinn
að hér á landi er keppt í einliða-
leik, tvíliðaleik og liðakeppni á
sama mótinu. „Þarna var gömul
hugmynd að veruleika; að fjög-
ur lið kepptu með áðurnefndum
hætti. En þegar til kastanna kom
mættu þrjú lið til leiks og aðeins
heimaliðið var fullskipað,“ segir
Ingimundur Ingimundarson sem
skipulagði mótið ásamt Flemm-
ing Jessen. Keppnin fór þannig
fram að á velli eitt var keppt í ein-
liðaleik. Á velli tvö í tvíliðaleik, en
á völlum þrjú og fjögur í hefðbund-
undinni liðakeppni. Til leiks mættu
þrjú lið; úr Mosfellsbæ, frá Akranesi
og heimamenn úr Borgarbyggð.
Vegna fámennis var ákveðið að leika
tvöfalda umferð. Sigurlið í hverjum
leik hlaut tvö stig. Keppnin var jöfn
og spennandi og úrslitin réðust ekki
fyrr en í síðasta leik.
Í einliðaleik voru heimamenn og
Akurnesingar jafnir með tvö stig. Í
tvíliðaleik unnu Akurnesingar Borg-
arbyggð örugglega og hlutu fjög-
ur stig. Í keppni A-liða hlaut Mos-
fellsbær sex stig, Borgarbyggð
fjögur og Akranes tvö. Í keppni
B-liða vann lið Borgarbyggð-
ar Mosfellsbæinga örugglega og
hlaut fjögur stig. Niðurstaðan
varð því sú að Borgarbyggð vann
mótið með 10 stigum, Akurnes-
ingar hlutu 8 stig og Mosfellbær
6 stig. Öll liðin hlutu eignargripi
sem gefnir voru af Hjúkrunar- og
dvalarheimilinu Brákarhlíð. Að
sögn Ingimundar er fyrirhugað að
næsta Brákarhlíðarmót með sama
fyrirkomulagi fari fram í byrjun
nóvember á næsta ári.
mm/ii/ Ljósm. Flemming Jessen
Brákarhlíðarmótið í boccia
Efnt verður til stórveislu hesta-
manna á Vesturlandi laugardaginn
17. nóvember næstkomandi. Til-
efnið er meðal annars að samfagna
með hestamönnum í Dalasýslu en
Hestamannafélagið Glaður fagnar
90 ára afmæli sínu í ár. Félagið er
næstelsta hestamannafélag á land-
inu. Afmælishátíðinni verður sleg-
ið saman við árshátíð hestamanna
á Vesturlandi. Vonir standa til að
fjöldi hestamanna láti sjá sig og geri
sér glaðan dag, kvöld og fram á nótt.
„Það er von okkar að það takist að
sameina hestamenn á Vesturlandi
í góðan hitting og fagna félags-
skapnum og samstarfinu ærlega,“
segir í tilkynningu á vef Glaðs.
Hátíðahöldin verða að Laugum
í Sælingsdal og boðið upp á gist-
ingu á staðnum á hóteli eða heima-
vist. Að kvöldi 17. nóvember verð-
ur boðið upp á dansleik, veislustjóri
kvöldsins verður Jóhann Sigurðar-
son leikari og skemmtikraftur og
hljómsveitin Duplex leikur fyrir
dansi. Húsið verður opnað klukk-
an 19:30 og borðhald hefst klukkan
20:00. Boðið verður upp á veislu-
mat sem er borinn fram af Gunnari
Björnssyni. Frekari upplýsingar um
árshátíðina og afmælið er að finna
á heimasíðu Hestamannafélagsins
Glaðs, gladur.is. klj
Hestamenn efna
til stórhátíðar
Jón Atli Kjartansson tekur Evru frá Dunki til kostanna.
Ljósm. úr safni Skessuhorns.
Um síðastliðna helgi var hópur
ungmenna á aldrinum 14-25 ára
saman kominn á Laugum í Sæ-
lingsdal á Ungmennaþingi Vestur-
lands. Það voru Samtök sveitarfé-
laga á Vesturlandi sem stóðu fyrir
viðburðinum en honum var ætlað
að efla þátttöku ungmenna í stjórn-
sýslunni sem og að efla starf ung-
mennaráða sem eru þegar starfandi
í mörgum sveitarfélögum. Ung-
mennin deildu sín á milli hvernig
upplifun þeirra af ungmennaráð-
um er og hvernig fyrirkomulagið
er í þeirra sveitarfélagi. Þá komu
fulltrúar frá Strandabyggð sem
kynntu þeirra fyrirkomulag. Þar
fundar ungmennaráð reglulega en
auk þess á það einn áheyrnarfull-
trúa í öllum nefndum að undan-
skilinni velferðarnefnd. Þótti það
gefa góða raun því þetta skilaði
oft nýjum sjónarhornum á hlutina
og kynnti um leið ungmenni fyrir
því hvernig nefndarstarfið fer fram
og hvernig ákvarðanir eru teknar í
sveitarfélaginu.
Allir málaflokkar koma
ungmennum við
Á þinginu fóru fram umræður
um ýmis málefni eins og skóla-
mál, íþrótta- og tómstunda-
mál og skipulagsmál. Þar kom
fram að vilji væri fyrir því að all-
ir hefðu jafnt og gott aðgengi til
að stunda fjölbreyttar tómstund-
ir og í strjálbýlum byggðum væri
sérstaklega reynt að skapa góða
samfellu í skóla- og tómstunda-
starfi. Þar mætti jafnvel skoða að
haga skólabílaakstri þannig að
hann nýtist einnig í íþrótta- og
tómstundastarfi. Þá var það skoð-
un ungmennanna að skipulags-
málin væru þeim mjög viðkom-
andi enda kæmu yngri kynslóðir til
með að lifa í umhverfinu og nota
það lengur en aðrir. Í þessu sam-
hengi voru hjóla- og göngustígar
sérstaklega nefndir enda þessi ald-
urshópur oftast helsti notandinn á
slíkum leiðum sem og í almenn-
ingssamgöngum. Kjarninn í þess-
ari umræðu var sá að í raun kæmu
öll mál ungmennum við, alveg eins
og öðrum sem sætu í nefndum og
sveitarstjórnum. Oft hefði aðkoma
ungmennaráða að stjórnsýslunni
þó verið dregin við málefni ung-
menna. En á móti kom spurningin,
hver eru málefni ungmenna? Nið-
urstaðan var að allir málaflokkar
kæmu ungmennum við.
Sveitarstjórnarfulltrúar
ræddu við ungmenni
Á seinni degi þingsins komu full-
trúar frá flestum sveitarfélögunum
á Vesturlandi og áttu samtal við
ungmennin. Vakti það lukku þar
sem ungmennin gátu þá tjáð sína
skoðun á þeim hlutum sem höfðu
verið ræddir á þinginu. Þá flutti
Eygló Rúnarsdóttir einnig erindi
en hún hefur starfað mikið með
ungmennaráðum í Reykjavík. Gaf
hún mörg góð ráð og velti ýms-
um spurningum upp. Sagði hún
það sérstaklega mikilvægt að ung-
mennaráðin hefðu raunverulegt
gildi. Mikilvægt væri að tilfinning
þeirra sem sitja í ungmennaráðum
væri þannig að vinna þeirra skil-
aði árangri. Ekki að framlag þeirra
væri álitið sem „krúttlegt framlag
í stjórnsýsluna.“ Þá vitnaði hún í
Stefán Gíslason sem sagði að mikið
væri fólgið í hugviti ungs fólks því
það hefði oft aðra sýn á framtíð-
ina og mótun umhverfis. Að leita
til ungmenna snerist ekki einungis
um að uppfylla ákvæði í Barnasátt-
mála Sameinuðu þjóðanna eða að
safna fögrum stimplum.
Stefnt að stofnun Ung-
mennaráðs Vesturlands
Eftir ungmennaþingið er stefnt að
stofnun Ungmennaráðs Vestur-
lands. Er því ætlað að starfa í sam-
vinnu við stjórn SSV. Páll Brynj-
arsson, framkvæmdastjóri sam-
takanna, sagði að oft á tíðum hafi
vantað að fá sjónarhorn ungmenna
á ýmis málefni sem þau vinni með,
sérstaklega samgöngur en SSV
hefur leiðarkerfi strætó um lands-
hlutann á sínu borði. Lagt var til
að hvert sveitarfélag tilnefndi einn
fulltrúa í ráðið sem helst sitji í
ungmennaráði í sínu sveitarfélagi
og að ráðið yrði farið að starfa fyr-
ir vorið.
sla
Vilja styrkja stöðu ungmenna í stjórnsýslunni
Fulltrúar frá Strandabyggð kynntu fyrirkomulag ungmennaráðs í þeirra sveitarfé-
lagi. Ljósm. arg
Ungmenni á aldrinum 14-25 ára komu saman á Ungmennaþingi Vesturlands á Laugum í Sælingsdal um liðna helgi.
Ljósm. arg.
Þátttakendur á Ungmennaþinginu ræddu saman í litlum hópum um þeirra
skoðanir og reynslu. Ljósm. sla.