Skessuhorn - 14.11.2018, Blaðsíða 4

MIÐVIKUDAGUR 14. NÓVEMBER 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Katrín Lilja Jónsdóttir klj@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Teflt á tæpasta vað
Í fréttum liðinnar viku kom býsna margt við sögu. Sífellt verðum við vitni
af afleiðingum hlýnunar jarðar sem birtast í öfgum í veðurfari um allan
heim. Þannig urðu mannskæð flóð og ofsaveður á Ítalíu á sama tíma og
bærinn Paradís í Kaliforníuríki varð eldi að bráð vegna þurrka. Slíkar frétt-
ir víðsvegar að úr heiminum verða vafalítið daglegt brauð næstu árin vegna
þeirra breytinga sem við erum að upplifa í veðurfari.
Hér heima hins vegar fannst mér eitt standa upp úr öðru. Seðlabankinn
kynnti ákvörðun sína um að hækka stýrivexti um fjórðung úr prósentu-
stigi. Taktlaus aðgerð og beinlínis röng. Eins og við þekkjum vel er yfir-
lýst stefna stjórnvalda í efnahagsmálum að Seðlabankinn skuli starfa með
fyrirfram ákveðið verðbólgumarkmið að leiðarljósi. Því er nú fylgt eftir af
miklu harðfylgi og segir orðrétt í yfirlýsingu Más Guðmundssonar seðla-
bankastjóra: „Peningastefnunefnd ítrekar að hún hefur bæði vilja og þau
tæki sem þarf til að halda verðbólgu við markmið til lengri tíma litið.“
Svo er klikkt út með: „Haldi verðbólguvæntingar áfram að hækka og fest-
ist í sessi umfram markmið mun það kalla á harðara taumhald peninga-
stefnunnar. Aðrar ákvarðanir, einkum á vinnumarkaði og í ríkisfjármálum,
hafa þá áhrif á hversu mikill fórnarkostnaður verður í lægra atvinnustigi.“
Hér eru tennurnar sannarlega sýndar; allur tanngarðurinn. Hækkun stýri-
vaxta á semsé fyrirfram að gera að engu meinta launahækkun sem fengist
með næstu kjarasamningum. Það hefði verið hreinlegra fyrir Má að hreyta
framan í verkafólk: „Hunskist til að biðja ekki um hærri laun (aumingjarnir
ykkar).“
Í aðdraganda þeirra kjarasamninga sem nú fara í hönd hefur gætt meiri
þunga en við eigum að venjast á liðnum árum. Orsakast það meðal annars
af skarpari línum sem nýtt forystufólk í verkalýðshreyfingunni hefur boðað
sem aftur helgast af miklum hækkunum efstu laga þjóðfélagsins og aug-
ljósrar misskiptingar gæðanna. Borist hafa fréttir af ofurlaunahækkunum
forstjóra og þá skammtaði Kjararáð fyrir nokkrum misserum æðstu emb-
ættismönnum og stjórnmálamönnum hækkanir af slíkri fórnfýsi að það
væri í hæsta máta undarlegt ef fulltrúar launafólks brygðust ekki við með
sannfærandi hætti.
Ég hef að undanförnu reynt að rifja það upp í huganum hvort viðbrögð
Más Guðmundssonar og hans fólks í Seðlabankanum hafi verið í sama dúr
þegar Kjararáð birti ákvörðun sína um 45% hækkun stjórnmálamanna og
efstu laga embættiskerfisins. Ég held að hann hafi alls ekki þá veifað vaxta-
vendinum eins og nú þegar fyrir láglaunafólki liggur að krefjst bóta. Í mín-
um huga er þetta ekkert annað en dónaskapur einhverrar ímyndaðrar elítu
í þjóðfélaginu sem telur sig yfir aðra hafin og megi og geti allt í skjóli emb-
ættisfærslu. Að seðlabankastjóri skuli voga sér að hóta með beinum hætti
hefnd ef lægstu lög þjóðfélagsins, í hans augum, fái bót launa sinna er ótrú-
leg framkoma. Ég get því ekki annað en tekið undir með forstjóra Samherja
sem krefst tafarlausrar afsagnar seðlabankastjóra vegna vanhæfis. Í tilfelli
Samherja hafa dómstólar nefnilega kveðið upp úr að hann hafi lagt fyrir-
tækið í einelti í áraraðir að ósekju.
Það sem greinir þetta tvennt að sem ég hef hér nefnt er einungis eitt.
Öfgum í veðurfari getum við lítið gert við, nema kannski farið að haga
okkur betur í umgengni við náttúruna og hættum að eitra andrúmsloftið.
Við öfgunum sem við greinum hins vegar í orðum og gjörðum seðlabanka-
stjóra getum við hins vegar brugðist, bæði hratt og örugglega. Þau við-
brögð eru þó í höndum stjórnmálamanna sem marka stefnu í efnahags-
málum, ráða embættismenn til að framfylgja þeirri stefnu - og ekki síst láta
þá taka pokann sinn ef þeir eru ekki að valda hlutverki sínu. Til þess þarf
pólitískan kjark.
Magnús Magnússon.
Slökkvilið Akraness og Hval-
fjarðarsveitar var snemma á
föstudagskvöldið kallað út
vegna bruna í húsi við Vest-
urgötu 101 á Akranesi. Í ljós
kom að eldur hafði kvikn-
að í brauðrist og fylltist hús-
ið af reyk. Tveir voru flutt-
ir á sjúkrahús til aðhlynning-
ar vegna gruns um reykeitr-
un, húsráðandi og nágranni
sem kom til aðstoðar. Tjón
varð minniháttar en skemmd-
ir á húsnæði urðu einhverjar
vegna reyks og sóts.
mm
Minniháttar tjón þegar
brauðrist brann yfir
Viðbragsaðilar á Akranesi voru kall-
aðir út laust fyrir kl. 20:00 á mánu-
dagskvöldið síðasta vegna ammóní-
aksleka í fiskvinnsluhúsi við Báru-
götu á Akranesi. Að sögn lögreglu
kom lekinn upp þegar bilun í við-
gerð á frystibúnaði gaf sig, en gert
hafði verið við búnaðinn fyrr um
daginn. Enginn var í húsinu þeg-
ar lekinn kom upp. Viðvörunarkerfi
hússins fór í gang, eftirlitsmaður hélt
á staðinn til að athuga málið og upp-
götvaði þá lekann.
Viðgerðarmenn voru mættir á
staðinn þegar lögregla, slökkvilið og
aðrir viðbragðsaðilar komu á vett-
vang. Lekinn var stöðvaður og loft-
að út úr húsinu. Að sögn lögreglu
var engin hætta á ferðum og engum
varð meint af. Íbúar í nágrenninu
voru þó beðnir að loka gluggum og
kynda hús sín, til að halda loftþrýst-
ingi uppi og varna því að ammóníak
kæmist inn til þeirra.
Ammóníak ryður frá sér súrefni
og ef andrúmsloft er mjög ammóní-
aksmettað getur það valdið lungna-
skemmdum og jafnvel köfnun,
vegna þess að þá hefur fólk ekki súr-
efni til að anda að sér. Í litlu magni
eru ammóníaksgufur hins vegar ekki
taldar hættulegar en lyktin þykir ekki
góð. Þess vegna vill lögregla ítreka
að engin hætta hafi verið á ferðum
fyrir íbúa í nágrenninu. kgk
Ammóníaksleki varð í
fiskvinnsluhúsi á Akranesi
Frá vettvangi á mánudagskvöld. Ljósm. klj.
Á ellefta tímanum í gærmorgun varð
bilun á Deildartunguæð rétt austan
við Flókadalsá í Borgarfirði. Hita-
veitulögnin flytur eins og kunnugt
er heitt vatn úr Deildartunguhver til
Borgarness og Akraness. Lokað var
fyrir vatnsrennslið um leið og bilun-
in uppgötvaðist og viðgerð stóð yfir
í gær. Truflun varð af þeim sökum á
afhendingu á heitu vatni til nokkurra
bæja í Borgarbyggð vegna þessa en
heitavatnsleysi á Akranesi, sem til-
kynnt var um sama daga, var vegna
óskylds viðhalds og tilviljun að það
það gerðist sama daginn. „Talsvert
vatn úr æðinni rann í Flókadalsá og
því var eftirlitsaðilum og viðkom-
andi veiðifélagi tilkynnt um atburð-
inn,“ sagði í tilkynningu frá Veitum
sem send var út í gærdag.
„Unnið hefur verið að endurnýj-
un Deildartunguæðar með það fyrir
augum að efla afhendingaröryggi á
heitu vatni á Vesturlandi. Endurnýj-
un hefur beinst að þeim hlutum þar
sem bilanir hafa verið tíðastar. Æðin
er 62 kílómetra löng milli Deildar-
tungu og Akraness en séu lagnir til
Hvanneyrar, Borgarness og Bæjar-
sveitar taldar með nær lengd hennar
75 kílómetrum. Búið er að endur-
nýja meira en helminginn en bilun-
in í morgun [gær] varð á óendurnýj-
uðum hluta lagnarinnar,“ sagði í til-
kynningu Veitna.
mm
Bilun í stofnæðinni frá Deildartunguhver
Um árabil hefur viðhaldi ljósa-
staura á Akranesi verið sinnt af
starfsmönnum Orkuveitu Reykja-
víkur sem búa og starfa á Akranesi.
Til verksins hefur um árabil ver-
ið leigður körfubíll frá tækjaleigu
Gísla Jónssonar við Ægisbraut. Nú
hefur OR ákveðið að gera breyt-
ingar á þessu fyrirkomulagi, skilaði
körfubílnum í síðustu viku og send-
ir nú slíkt tæki ásamt mannskap úr
Reykjavík til að áfram kvikni á per-
um í staurum Skagamanna.
Að sögn Sævars Freys Þráins-
sonar bæjarstjóra er þessi breyting
ekki í þökk bæjaryfirvalda sem eiga
ljósastaurana. „Þetta fyrirkomu-
lag byggir á samkomulagi um að
OR sinni viðhaldi ljósastauranna.
Við leggjum hins vegar
áherslu á að verja öll þau
störf og þjónustu sem í
boði er í heimabyggð.
Þessi breyting samrýmist
ekki þeirri stefnu. Ég hef
því kallað eftir skýring-
um á þessu og viðbrögð
okkar í framhaldinu taka
mið af þeim svörum,“
segir Sævar Freyr í sam-
tali við Skessuhorn. mm
OR skilaði bílnum og þjónustar nú
ljósastaura Skagamanna úr Reykjavík
Körfubíll þessi hefur um
árabil verið í láni hjá OR og
sinnt viðhaldi ljósastaura.
Einungis hefur verið greitt
fyrir virkar vinnustundir á
bílnum.