Skessuhorn - 14.11.2018, Blaðsíða 6

MIÐVIKUDAGUR 14. NÓVEMBER 20186
Fasteignakaup í
október
LANDIÐ: Á Vesturlandi var
67 kaupsamningum um fast-
eignir þinglýst í októbermán-
uði samkvæmt upplýsingum
frá Þjóðskrá. Þar af voru 30
samningar um eignir í fjölbýli,
22 samningar um eignir í sér-
býli og 15 samningar um ann-
ars konar eignir. Heildarveltan
í þessum viðskiptum var 1.850
milljónir króna og meðalupp-
hæð á samning því 27,6 millj-
ónir króna. Af þessum 67 við-
skiptum með húsnæði voru 32
samningar um eignir á Akra-
nesi. Þar af var 21 samningur
um eignir í fjölbýli, níu samn-
ingar um eignir í sérbýli og
tveir samningar um annars
konar eignir. Heildarveltan
var 1.076 milljónir króna og
meðalupphæð á samning 33,6
milljónir króna. -mm
Tvær milljónir
ferðamanna á tíu
mánuðum
LANDIÐ: Brottfarir erlendra
farþega frá Leifsstöð í októ-
ber síðastliðnum voru um 200
þúsund samkvæmt upplýsing-
um frá Ferðamálastofu. Þetta
voru 17.700 fleiri en í október
á síðasta ári. Fjölgunin í mán-
uðinum nam 9,7% milli ára
en hún hefur einungis mælst
hærri tvo mánuði ársins, í maí
og september. Bandaríkja-
menn voru langfjölmennast-
ir í október og fjölgaði þeim
verulega frá því í sama mánuði
í fyrra eða um 35,6%. Fækk-
un var í brottförum Norður-
landabúa, Breta og Asíubúa og
var hún á bilinu 7,7%-13,2%.
Bandaríkjamenn hafa borið
uppi aukningu haustsins en
þeim hefur fjölgað um rúm
40%. Frá áramótum og út
janúar hafa tvær milljónir er-
lendra farþega farið frá Íslandi
um Keflavíkurflugvöll sem er
5,9% fjölgun miðað við sama
tímabil í fyrra. -mm
Ákærður fyrir
skútustuld
VESTFIRÐIR: Erlendur
karlmaður sem stal skútunni
Inook í Ísafjarðarhöfn sunnu-
daginn 13. október síðastlið-
inn og sigldi henni til Rifs,
þar sem hann var handtekinn,
hefur verið ákærður vegna
stórfellds þjófnaðar. Talið er
að maðurinn hafi ætlað að
sigla skútunni til Skotlands
eða Færeyja. Inook er skúta af
dýrari gerðinni, en áætlað er
að hún kosti um 100 milljónir
króna. -mm
Fjölga nefndum
BORGARBYGGÐ: Á vett-
vangi byggðarráðs og sveit-
arstjórnar Borgarbyggð-
ar hefur að undanörnu ver-
ið rætt um endurskoðun á
samþykktum sveitarfélagsins
til að auka megi skilvirkni
fastanefnda. Byggðarráð
samþykkti nýverið að leggja
til við sveitarstjórn að breyta
nefndaskipan í tveimur at-
riðum. Í fyrsta lagi að skipta
Umhverfis,- skipulags- og
landbúnaðarnefnd upp í tvær
nefndir, umhverfis- og land-
búnaðarnefnd annars vegar
og skipulagsnefnd hins veg-
ar. Þessar nefndir verði hvor
um sig skipuð fimm einstak-
lingum. Þá leggur byggð-
arráð til við sveitarstjórn
að sett verði á fót atvinnu,-
markaðs- og menningar-
málanefnd. Sú nefnd verði
skipuð þremur einstakling-
um. Tillögunni var vísað til
fyrri umræðu á fundi sveitar-
stjórnar sem samþykkti síð-
astliðinn fimmtudag að vísa
afgreiðslu málsins til seinni
umræðu á næsta fundi sveit-
arstjórnar. -mm
Frumvarp um
ófrjósemis-
aðgerðir
LANDIÐ: Velferðarráðu-
neytið hefur birt til umsagn-
ar í samráðsgátt stjórnvalda
drög að frumvarpi heilbrigð-
isráðherra til nýrra laga um
ófrjósemisaðgerðir. Mark-
mið fyrirhugaðrar lagasetn-
ingar er að heimila fram-
kvæmd ófrjósemisaðgerða að
beiðni einstaklings eða þegar
sérstakar ástæður liggja fyrir.
Áhersla er lögð á að mann-
réttinda og mannhelgi verði
gætt í hvítvetna við fram-
kvæmd laganna. Sjá nánar á
vef Stjórnarráðsins.
-mm
Á fundi sveitarstjórnar Borgar-
byggðar síðastliðinn fimmtudag var
framkvæmdaáætlun sveitarfélags-
ins fyrir næstu fjögur ár lögð fram
til fyrri umræðu. Samkvæmt tillög-
unni eru heildar fjárfestingar tíma-
bilið 2019-2022 áætlaðar rúmir
tveir milljarðar króna. Stærsta ein-
staka framkvæmdin er stækkun og
endurbætur á Grunnskólanum í
Borgarnesi sem nú er í gangi, en í
það verk er áætlaðar 680 milljónir
króna á næstu fjórum árum. Þann
1. nóvember síðastliðinn var búið að
gjaldfæra 260 milljónir króna vegna
verksins. Stækkun skólans, endur-
bætur á eldra húsnæði auk lóða-
framkvæmda er áætlað að kosti um
einn milljarð króna, samkvæmt upp-
lýsingum frá Gunnlaugi A Júlíussyni
sveitarstjóra. Nýbygging fyrir leik-
skóla á Kleppjárnsreykjum er áætl-
uð að kosti 280 milljónir og gjald-
færist sá kostnaður að stærstum
hluta á næsta ári, enda gert ráð fyrir
að leikskólinn taki þar til starfa fyrir
lok næsta árs. Þá er gert ráð fyrir að
hefja á kjörtímabilinu framkvæmd-
ir við undirbúning og byggingu nýs
fjölnota íþróttahúss í Borgarnesi og
er áætlað að til og með árinu 2022
verði búið að verja 450 milljónum
króna í þá framkvæmd. Loks er gert
ráð fyrir að gatnagerð, gangstéttar
og stígagerð á tímabilinu kosti sveit-
arsjóð 250 milljónir króna. Ljós-
leiðaraverkefnið er áætlað að kosti
sveitarsjóð um 260 milljónir króna á
næstu fjórum árum.
Í greinargerð með fjárhagsáætl-
un sem lögð var fyrir sveitarstjórn
segir að gert sé ráð fyrir 400 millj-
óna króna lántöku á næsta ári mið-
að við þær framkvæmdir sem verða
í gangi. „Ef farið verður hrað-
ar í framkvæmdir við Grunnskól-
ann í Borgarnesi gæti þurft að gera
ráð fyrir hærri lántöku á næsta ári.
Skuldastaða sveitarfélagsins er góð
en skuldaviðmið sveitarfélagsins
er 72% og fer batnandi. Með 400
milljóna króna lántöku mun skulda-
staðan hækka tímabundið en er vel
innan þess ramma sem sveitarfé-
laginu er fært,“ sagði í greinargerð
sem Halldóra Lóa Þorvaldsdóttir,
formaður byggðarráðs, lagði fram
og birtir reyndar að auki sem að-
senda grein hér í blaðinu í dag.
Finnst of geyst farið
Guðveig Eyglóardóttir, oddviti
minnihlutans í sveitarstjórn, lagði
fram bókun þar sem segir að í fram-
lagðri fjárhagsáætlun sé gert ráð fyr-
ir 1,6 milljarða króna lántöku á kjör-
tímabilinu til að fjármagna fyrirliggj-
andi framkvæmdaáætlun. „Fulltrúar
Framsóknarflokksins vara við því
að fara í svo umfangsmikla lántöku
með tilheyrandi kostnaði. Sveitar-
stjórn ber að hafa í huga varnaðar-
orð sem fram hafa komið í fréttum
um að blikur séu á lofti um kólnun
í hagkerfinu og vaxtahækkanir. Þrátt
fyrir uppsafnaða viðhalds- og fjár-
festingarþörf telja fulltrúar Fram-
sóknarflokksins óábyrgt að gera
áætlanir um að fjárfesta fyrir ríflega
2 milljarða á tímabilinu.“ mm
Borgarbyggð hyggst fjárfesta
fyrir rúma tvo milljarða
Byrjað er að reisa forsteyptar einingar í stækkun Grunnskóla Borgarness, en nú er áætlað að það verk kosti allt um einn milljarð
króna. Ljósm. borgarbyggd.is