Skessuhorn - 21.11.2018, Blaðsíða 7
MIÐVIKUDAGUR 21. NÓVEMBER 2018 7
5. DESEMBER
AKRANESKIRKJA UPPSELT
6. DESEMBER
FÉLAGSHEIMILIÐ KLIF
ÓLAFSVÍK
7. DESEMBER
BORGARNESKIRKJA
Skagastelpan Úlfheiður Embla Ás-
geirsdóttir útskrifaðist sem húsa-
smiður síðastliðið vor og stefnir
á aðra útskrift í desember, þá sem
tæknistúdent. Hefur hún þá lokið
stúdentsprófi og iðnnámi á aðeins
þremur og hálfu ári. Úlfheiður ólst
upp á Akranesi en mamma hennar
flutti í Borgarnes þegar Úlfheiður
hóf nám við Fjölbrautaskóla Vest-
urlands á Akranesi og flutti hún því
inn á heimavist skólans. Upphaf-
lega ætlaði hún að fara á náttúru-
fræðibraut en tók skyndiákvörðun
um að skrá sig í húsasmíði. ,,Vin-
kona mín ætlaði að læra húsasmíði
og plataði mig eiginlega með sér.
Hún hætti svo en ég hélt áfram og
kláraði,” segir Úlfheiður í samtali
við Skessuhorn.
Vinnur hjá
Eiríki Ingólfssyni
Aðspurð hvort fleiri stelpur hafi
verið með henni í náminu eftir að
vinkona hennar hætti svarar hún
því neitandi. Hún var eina stelp-
an að læra húsasmíði í dagskóla
en þó var ein stelpa með henni að
læra húsgagnasmíði. ,,Ég veit líka
að það voru alveg nokkrar eldri
konur að læra húsasmíði í helgar-
námi,” segir hún. Úlfheiður hefur
alla tíð verði mikið í sveit og seg-
ist þar hafa kynnst að vinna með
höndunum. ,,Það er líka mikið
um iðnaðarmenn í kringum mig,
frænka mín er rafvirki, systir mín
vélvirki og pabbi múrari, svo ég
veit alveg eitthvað um þessi störf.”
Úlfheiður fór á samning hjá Eiríki
J Ingólfssyni í Borgarnesi og hef-
ur verið að vinna hjá honum sam-
hliða skóla síðustu tvö ár og seg-
ist líka það vel. ,,Ég ætla að halda
áfram hjá honum eftir áramót þeg-
ar ég hef alveg lokið við námið,”
segir hún og brosir.
Sér um nýliðaþjálfun
fyrir Björgunarfélag
Akraness
Aðspurð hvort hún finni að komið
sé öðruvísi fram við hana en karl-
kyns samstarfsmenn segist hún ekki
geta sagt það. ,,Ég hef ekki lent í
neinni mismunun og hef líka aldrei
fundið fyrir að geta ekki gert eitt-
hvað í vinnunni, bara því ég er
stelpa. Ég held að allar stelpur geti
alveg verið nógu hraustar til að
vinna svona störf ef þær vilja. Stelp-
ur geta alveg verið iðnaðarmenn
eins og strákar. Það ættu bara all-
ir að velja það sem þeir hafa áhuga
á og kynið ætti ekki að skipta neinu
máli. Það eina sem mér hefur þótt
skrýtið er hversu mikla athygli það
virðist vekja að stelpa skuli hafa lært
húsasmíði. Þetta ætti bara að vera
eðlilegt,” segir Úlfheiður og bros-
ir. ,,Margir halda kannski að bók-
nám sé eina leiðin en það er mikil
vöntun á iðnaðarmönnum. Ég hvet
því bara alla sem hafa áhuga á iðn-
greinum að prófa, óháð kyni,” bæt-
ir hún við að endingu.
arg
Iðngreinar eru fyrir alla
Útskrifast sem tæknistúdent og húsasmiður
Úlfheiður Embla Ásgeirsdóttir.