Skessuhorn - 21.11.2018, Blaðsíða 8
MIÐVIKUDAGUR 21. NÓVEMBER 20188
Draga á
verulega úr
plastpokanotkun
LANDIÐ: Umhverfis- og
auðlindaráðuneytið óskar eftir
umsögnum fyrir 28. nóvemer
nk. um frumvarp vegna breyt-
inga á lögum um hollustuhætti
og mengunarvarnir. Með frum-
varpinu er innleidd Evróputil-
skipun er lýtur að því að draga
úr notkun á þunnum burðar-
pokum úr plasti. Í frumvarpinu
er sett fram tillaga að töluleg-
um markmiðum sem skuli náð
varðandi árlega notkun burð-
arpoka úr plasti. Eigi síðar en
í árslok 2019 skal árlegt notk-
unarmagn burðarpoka úr plasti
vera 90 eða færri á hvern ein-
stakling og eigi síðar en í árslok
2025 skal árlegt notkunarmagn
vera 40 burðarpokar eða færri.
Þá er lagt til í frumvarpinu
að óheimilt verði að afhenda
burðarpoka, þ.m.t. burðar-
poka úr plasti, án endurgjalds
á sölustöðum vara og að gjald-
ið verði sýnilegt á kassakvittun.
Loks verður samkvæmt frum-
varpsdrögunum óheimilt að
afhenda burðarpoka úr plasti,
hvort sem er með eða án end-
urgjalds, á sölustöðum vara frá
og með 1. júlí 2021. -mm
Rýmingaræfing
á Hraunborg
BIFRÖST: Síðatliðinn
fimmtudag var haldin viðamik-
il rýmingaræfing Slökkviliðs
Borgarbyggðar á leikskólanum
Hraunborg. Slökkviliðsmenn á
Bifröst fengu óundirbúin boð
um að reykur væri í eldhúsi og
eldhúsálmu skólans og rýming
barna úr húsnæðinu stæði yfir.
Börnin voru svo flutt eftir að
þau höfðu yfirgefið skólahús-
næðið út um neyðarútganga
og björgunarop, niður í Hriflu,
samkomusal Háskólans á Bif-
röst, þar sem tekið var á móti
þeim og haft ofan af fyrir þeim
þangað til að foreldrar þeirra
sóttu þau. Á vef Borgarbyggð-
ar er greint frá því að búið
var að fela eina dúkku í hús-
næði skólans og var það hlut-
verk slökkviliðsmanna að finna
„barnið“ en reykkafarar voru
sagðir hafa verið undrafljótir
að því og allt gekk upp eins og
vonast hafði verið til. Að þess-
ari æfingu komu margir. Með-
al annars starfsmenn leikskól-
ans Hraunborgar og háskól-
ans, slökkviliðsmenn á Bifröst
og ekki síst foreldrar barnanna.
Að lokum var haldinn rýnif-
undur með þeim sem þátt tóku
í æfingunni og farið yfir það
sem betur mætti fara og eins
yfir það sem vel var gert. „Er
slökkviliðsstjóri afar þakklát-
ur öllum þeim sem tóku þátt
í æfingunni og öllum undir-
búningi hennar sem tókst í alla
staði vel,“ segir í frétt Borgar-
byggðar.
-mm
Aflatölur
fyrir Vesturland
dagana 10.-16. nóvember.
Tölur (í kílóum)
frá Fiskistofu:
Akranes: 4 bátar.
Heildarlöndun: 17.064 kg.
Mestur afli: Ebbi AK: 11.879
kg í fjórum róðrum.
Arnarstapi: 4 bátar.
Heildarlöndun: 82.545 kg.
Mestur afli: Tryggvi Eðvarðs
SH: 36.657 kg í fjórum lönd-
unum.
Grundarfjörður: 6 bátar.
Heildarlöndun: 216.515 kg.
Mestur afli: Hjalteyrin EA:
48.941 kg í einni löndun.
Ólafsvík: 15 bátar.
Heildarlöndun: 201.421 kg.
Mestur afli: Guðbjörg GK:
46.011 kg í fjórum róðrum.
Rif: 6 bátar.
Heildarlöndun: 77.493 kg.
Mestur afli: Stakkhamar SH:
25.667 kg í þremur róðrum.
Stykkishólmur: 5 bátar.
Heildarlöndun: 78.919 kg.
Mestur afli: Leynir SH:
25.258 kg í fimm löndunum.
Topp fimm landanir á tíma-
bilinu:
1. Hjalteyrin EA - GRU:
48.941 kg. 16. nóvember.
2. Sigurborg SH - GRU:
48.508 kg. 14. nóvember.
3. Helgi SH - GRU:
39.768 kg. 13. nóvember.
4. Farsæll SH - GRU:
39.010 kg. 13. nóvember.
5. Hringur SH - GRU:
36.584 kg. 14. nóvember.
-kgk
Síðastliðinn laugardag gerði úr-
hellisrigningu í Borgarfirði. Við
það jókst vatn verulega í ám og
þar á meðal höfuðá héraðsins;
Hvítá. Þórhildur María Kristins-
dóttir, landsvörður hjá Umhverf-
isstofnun, tók meðfylgjandi ljós-
myndir með nákvæmlega sólar-
hrings millibili við Barnafoss, rétt
ofan við Hraunfossa. Sú fyrri var
tekin klukkan 15 sunnudaginn en
þá hafði hækkað verulega í ánni
sem beljaði fram í þrengslunum í
hrauninu. Síðari myndin er tek-
in á mánudeginum á sama tíma en
þá hafði sjatnað verulega í ánni að
nýju.
mm
Hvítá stækkaði ört í
úrhellisrigningu
Um síðustu helgi buðu ábúendur á
Erpsstöðum í Dölum sauð- og geit-
fjárbændum að koma í Rjómabú-
ið með eigin mjólk og gera úr henni
ost. Ellefu manns þekktust boðið og
komu með um 60 lítra af geitamjólk
og 40 lítra af sauðamjólk. Á laugar-
dag var mjólkin gerilsneydd og síð-
an ostuð, bæði í feta og bire/camem-
bert, auk þess sem gerð var sauða-
mjólkurjógúrt. Gekk í flestum tilfell-
um vel að osta. Þó komu upp tvö til-
vik þar sem þátttakendur áttu í vanda
með mjólkina, að sögn Þorgríms
Guðbjartssonar á Erpsstöðum.
„Þá þarf að bregðast skjótt við og
leita lausna til að koma í veg fyr-
ir að ostunin mistakist með öllu og
mjólkin endi sem svínamatur,“ seg-
ir hann. „Þátttakendum fannst ein-
mitt áhugavert að upplifa mistök
og reyna að finna leiðir til að enda
með nothæfa vöru. Í báðum tilfellum
tókst okkur að útbúa ferskan myglu-
ost, sem er fljótþroskaður og ætti að
vera tilbúinn til neyslu eftir tvær til
þrjár vikur. Þá var þeim einnig kennt
að ef ekki er hægt að bjarga ostinum,
þá má alltaf frysta maukið og nota í
lasagna eða heita brauðrétti,“ bætir
hann við.
Þetta er í annað sinn sem Rjómabú-
ið Erpsstaðir gengst fyrir samveru-
stund sem þessari við ostagerð. „Er
ostagerðin þátttakendum að kostn-
aðarlausu, enda er hér um skemmtun
að ræða, þar sem við komum saman,
bröllum með mjólkina og reynum
að freista þess að ná einhverri færni
í vinnslu á vörum úr mjólk geita og
áa,“ segir Þorgrímur að endingu.
kgk/ Ljósm. Bjarnheiður
Jóhannsdóttir.
Ostagaman á Erpsstöðum
Johanna Karin Knutsson á Hofsstöðum í Hálsasveit, Helga Guðmundsdóttir Stykkishólmi, Anja Mager á Dýrastöðum og Ann
Marie frá Egilsstöðum og Þorgrímur Einar Guðbjartsson framkvæmda- og vinnslustjóri Rjómabúsins Erpsstöðum, smakka á
sauðamjólkurjógúrt sem Ann Marie gerði.
Hrært í sauðaostinum. Betri nýting er á sauðamjólk við
ostagerð en til dæmis kúamjólk, sem þýðir að úr henni
verður meiri ostur.
Mysunni hellt af.
Ostalagerinn stappfullur af ostum. Saltpækli hellt yfir fetann.