Skessuhorn - 05.12.2018, Blaðsíða 4

MIÐVIKUDAGUR 5. DESEMBER 20184
Kirkjubraut 54-56 - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 2.976 krónur með vsk. á mánuði. Elli- og örorkulífeyrisþegar greiða
kr. 2.580. Rafræn áskrift kostar 2.337 kr. Rafræn áskrift til elli- og örorkulífeyrisþega er 2.160 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 750 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Kristján Gauti Karlsson kgauti@skessuhorn.is
Anna Rósa Guðmundsdóttir arg@skessuhorn.is
Katrín Lilja Jónsdóttir klj@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Tinna Ósk Grímarsdóttir tinna@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Verður borin virðing fyrir
lögum þessara manna?
Þriðjudagskvöldið 20. nóvember hverfur þjóðinni seint úr minni. Þetta
kvöld voru alþingismenn í óða önn að afgreiða fjárlög íslenska ríkisins.
Stærsta og flóknasta lagagerð hvers árs var í smíðum. Í þeim er ekki ein-
vörðungu fjallað um útgjöld hins opinbera, heldur lagðar línurnar um
hvernig skattleggja á alþýðuna, hvernig efnhagsleg og félagsleg staða okkar
verður á næsta ári. Auðvitað er þetta vandasamt verk og að sjálfsögðu vænt-
ir maður þess að fólk kappkosti að vanda til verka. En annað hefur kom-
ið á daginn. Í vinnutíma sínum ákvað tíundi hluti þingmanna að láta stað-
ar numir við fjárlagagerðina og bregða sér frekar á hverfisbar Alþingis. Þar
var svo setið við drykkju tímunum saman. Það sem fram fór á þessum fundi
þekkjum við öll. Þökk sé íslenska ríkisborgaranum „Marvin“ sem fyrir til-
viljun var staddur á sama bar og byrjaði, eftir að hafa misboðið það sem
fram fór, að taka upp á símann sinn orðræðu þessara sex þingmanna. Ég
ætla ekki að hafa það eftir sem þarna var sagt, enda þekkjum við það orðið
nógu vel. Í stuttu máli voru þó niðurlægðir ýmsir samstarfsfélagar þessara
þingmanna, minnihlutahópar á borð við fatlaða og samkynhneigða, kon-
ur og pólítískir andstæðingar þessa fólks. Enginn nema þeir sjálfir voru
óhultir. Semsagt algjörlega óforsvaranleg framkoma og óafsakanleg, byggð
á mannfyrirlitningu, sjálfsupphafningu og hroka sem siðprútt fólk hefur
aldrei kynnst á langri ævi.
Skemmst er frá því að segja að þegar fréttamiðlarnir DV og Stundin hófu
að segja frá Klausturbarsfundinum, fór um fólk. Strax á miðvikudagskvöld
og ekki átti það eftir að batna eftir því sem blaðamenn þessara miðla mat-
reiddu meira efni úr hljóðupptökunum. Viðbrögð almennings voru mjög
afdráttarlaus. Sexmenningarnir yrðu að segja af sér þingmennsku svo vænta
megi þess að virðing Alþingis risi úr öskustó að nýju. Almenningur með að-
stoð samfélagsmiðla, í viðtölum við fjölmiðla, í könnunum og í umræðunni
á vinnustöðum og götum úti, talaði alveg skýrt. Svona framganga er ekki
í boði.
En jafnvel þótt þjóðin hefði talað, voru viðbrögð annarra þingmanna
ekki sérlega snörp. Kvöldið eftir að ósköpin urðu alþjóð ljós, bauð for-
seti Íslands þingheimi til hátíðarkvöldverðar á Bessastöðum, í tilefni af-
mælis fullveldisins. Taktleysið var nokkuð og skrifast bæði á forseta Al-
þingis og Íslands. Í ljósi alvarleika málsins hefði verið skynsamlegt að blása
þessa þingmannaveislu af. Viðbrögð annarra þingmanna voru ótrúverðug á
þann hátt að mæta í þingmannaveisluna og sitja þar til borðs með nokkrum
þeirra sem gerst höfðu sekir um að smána vinnustað þeirra, einstaka pers-
ónur í röðum þingmannna en fyrst og fremst þjóðina sem kaus þá til trún-
aðarstarfa.
Ég vænti þess að á næstu dögum eigi það eftir að koma í ljós hvort þess-
um sex þingmönnum sem smánuðu þjóð sína verður sætt. Viðbrögð þeirra
eru að mínu áliti í besta falli ótrúverðug. Enginn þeirra hefur sagt af sér
þingmennsku. Tveir hafa tekið sér leyfi frá þingstörfum og ekki getið um
hvenær því leyfi lýkur. Fjórir sitja sem fastast. Að vísu voru tveir reknir úr
þingflokki Fólks fólksins, en ætla að sitja sem fastast á þingi, utan flokka í
fyrstu, en vafalaust munu þeir síðar, í spjalli yfir ölkollu eða tveim, spyrða
sig við Miðflokkinn. Til þess var nú leikurinn gerður.
Áfram er þess væntanlega vænst að þjóðin fylgi lögum. Hins vegar bendi
ég á að ef viðbrögð við svo alvarlegum trúnaðarbresti sem sexmenningarnir
sýndu þjóð sinni eiga áfram að byggjast á hálfkáki, smjörklípum og þöggun
annarra þingmanna, verður svar almennings að hætta að fara að þeim lög-
um sem þingmenn setja. Hvernig á annars að ætlast til þess að þjóðin beri
virðingu fyrir lögum, ef þingmenn sem setja lögin bera ekki virðingu fyrir
þegnum sínum?
Magnús Magnússon
Af tilefni 25 ára afmæl-
is Domino‘s á Íslandi bauð
pizzastaðurinn upp á ýmis
tilboð í lok nóvember. Í stað
þess að hafa sérstakt tilboð
laugardaginn 24. nóvem-
ber síðastliðinn rann 25% af
allri sölu á Domino‘s pizz-
um til Minningarsjóðs Ein-
ars Darra sem styrkir bar-
áttuna Ég á bara eitt líf. Alls
söfnuðust 5.295.269 krónur
og rennur upphæðin óskipt
til Minningarsjóðsins.
arg
Ríflega fimm miljónir runnu til
Minningarsjóðs Einars Darra
Fjórðungur af allri sölu Domino‘s Pizza laugardaginn 24. nóvember rann til Minn-
ingarsjóðs Einars Darra. Hér má sjá þegar aðstandendur sjóðsins taka á móti
peningnum sem safnaðist.
Í síðustu viku var tuttugu starfs-
mönnum Norðuráls sagt upp störf-
um. Það jafngildir um 3% starfs-
manna. Margir þeirra hafa starf-
að frá fyrirtækinu lengi, jafnvel frá
upphafi árið 1998. Að sögn Sól-
veigar Kr. Bergmann upplýsinga-
fulltrúa fyrirtækisins gengu upp-
sagnirnar þvert á svið og deildir.
Flestir sem misstu vinnu sína nú
tilheyra stoðsviðum og verða störf
þeirra lögð niður auk þess sem ver-
ið er að vinna að öðrum skipulags-
breytingum. Ákvörðun um upp-
sagnir nú var, að sögn Sólveigar,
tekin í ljósi rekstrarumhverfis fyr-
irtækisins sem kallar á hagræðingu
í rekstri. „Á undanförnum mán-
uðum hefur þróun á framleiðslu-
kostnaði verið okkur óhagstæð og
innlendur kostnaður hefur hækk-
að verulega á undanförnum árum,“
segir Sólveig. Ekki er um hópupp-
sögn að ræða, en hún er skilgreind
sem slík ef þrjátíu eða fleiri er sagt
upp hjá fyrirtækjum sem hafa yfir
þrjú hundruð starfsmenn.
Óhagstæð þróun hefur verið á
álverði að undanförnu á sama tíma
og framleiðslukostnaður hefur víð-
ast hvar aukist, bæði hér innan-
lands sem erlendis. Nú er talið að
um 40% álverksmiðja í heiminum
séu reknar með tapi. Meðalverð á
áltonni var á þessu ári rétt rúmlega
2.100 dollarar sem er 7% hærra en
meðalverð síðasta árs. Í dag er ál-
verð hinsvegar komið niður í 1.913
dollara fyrir tonnið. mm
Tuttugu sagt upp hjá Norðuráli
Nú undir mánaðamótin voru starfs-
menn Vegagerðarinnar að setja
niður umferðareyju ásamt gang-
brautarskiltum á þjóðveginum þar
sem ekið er inn í Stykkishólm. Var
þetta gert að beiðni bæjarfélags-
ins og til að ná niður hraða ásamt
því að gera gangandi vegfarendum
auðveldara að komast yfir veginn.
Það er frekar óvenjulegt að svona
framkvæmdir séu unnar á þessum
tíma árs en nóvember var óvenju-
lega hlýr og því hentugur til fram-
kvæmda af þessu tagi.
þa
Taka niður umferðarhraðann inn í Stykkishólm
Undir lok nóvember var hópur
fólks á ferð um Vesturland, allir ak-
andi um á Bentley bílum. Í hópn-
um voru m.a. blaðamenn ýmissa
fjölmiðla sem hingað voru komn-
ir til að kynnast því hvernig bílarn-
ir reynast í vetrarfærð. Var meðal
annars farið á Langjökul, um Ey-
steinsdal á Snæfellsnesi og víðar.
Býður Bentley bílaframleiðandinn
viðskiptavinum sínum og fjölmiðla-
fólki í slíkar ferðir og engu til spar-
að. Að þessu sinni var jepplingur-
inn Bentayga tekinn til kostanna og
tólf slíkir bílar fluttir inn af þessu
tilefni. Einn slíkur bíll kostar um 60
milljónir íslenskra króna og má því
gera því skóna að bílarnir á hlaðinu
framan við hótelið hafi kostað upp
undir það sama og húsin sjálf.
mm/ Ljósm. Daði Jörgensson.
Bentleyjar við Búðir