Skessuhorn - 05.12.2018, Blaðsíða 10
MIÐVIKUDAGUR 5. DESEMBER 201810
Í ár hefur því verið fagnað með
ýmsum hætti að hundrað ár eru lið-
in frá að hornsteinn var lagður að
skólastarfi við Háskólann á Bifröst
og var botninn sleginn í afmælis-
árið með veglegri dagskrá á Bif-
röst síðastliðinn mánudag. Vil-
hjálmur Egilsson, rektor Háskól-
ans á Bifröst, Leifur Runólfsson
formaður stjórnar háskólans og há-
tíðarstjóri, tóku á móti forseta Ís-
lands ásamt Þóri Páli Guðjónssyni.
Sýndu þau forsetanum húsakynni
áður en haldið var til afmælisdag-
skrár í Hriflu, hátíðarsal skólans.
Sótt um húsafriðun og
sýning opnuð
Upplýst var á afmælisdaginn að búið
er að leggja það til við Húsafriðun-
arnefnd að elstu fjögur skólamann-
virkin á Bifröst verði friðuð. Það er
gert að frumkvæði útskriftarnem-
enda frá 1963 undir forystu Reynis
Ingibjartssonar. Húsafriðunarnefnd
tók vel í erindið sem nú er til um-
sagnar hjá Minjavernd. Á afmælis-
daginn var einnig opnuð formlega
ljósmyndasýningin Samvinnuhús
þar sem til sýnis eru m.a. ljósmynd-
ir, gamlar og nýjar af öllum húsum
og byggingum, þar sem Samvinnu-
skólinn var til húsa fram að árinu
1982, bæði í Reykjavík og á Bifröst.
Sýningin inniheldur einnig sögu-
legan fróðleik um skólann og um-
hverfi hans í gegnum tíðina. Það er
félagið Fífilbrekka sem stendur að
sýningunni í samstarfi við Háskól-
ann á Bifröst, en til stendur að opna
á næsta ári nokkrar sýningar á Vest-
urlandi um samvinnuhús í lands-
hlutanum. Hönnuðir sýningarinn-
ar eru Ívar Gissurarson bókaútgef-
andi og Guðjón Hauksson grafísk-
ur hönnuður, en höfundur texta er
Reynir Ingibjartsson.
Frá Reykjavík í
Borgarfjörð
Árið 1918 var stofnaður í Reykja-
vík Samvinnuskólinn sem Háskól-
inn á Bifröst á rætur sínar að rekja
til. Starfsemi hófst í desember en
skólasetningin hafði þá dregist
nokkuð vegna spænsku veikinnar
sem geisaði í Reykjavík. Jónas Jóns-
son frá Hriflu var fyrsti skólastjóri
Samvinnuskólans og skilgreindi
hann skólann sem foringjaskóla og
mótaði hann eftir fyrirmynd Ru-
skin College í Oxford þar sem Jón-
as hafði sjálfur verið við nám. Árið
1955 var skólinn færður að Bifröst.
Var þar í fyrstu framhaldsskóli en
ríflega þrjátíu árum síðar gerður að
sérskóla á háskólastigi.
Andi Jónasar
alltumlykjandi
Fjölmargir ávörpuðu hátíðarsam-
komuna á mánudaginn. Fyrstur var
Guðni Th Jóhannesson forseti sem
rifjaði það upp að hann var um tíma
stundakennari við skólann. Minnt-
ist hann Jónasar frá Hriflu sem af-
kastamesta einstaklings íslenskr-
ar skólasögu. Saga Jónasar er sam-
ofin fullveldisbaráttunni sem einn-
ig fagnar aldar afmæli. Auk forset-
ans ávörpuðu aðrir gestir samkom-
una. Meðal þeirra Ásmundur Ein-
ar Daðason sem flutti kveðju ríkis-
stjórnarinnar, Haraldur Benedikts-
son 1. þingmaður kjördæmisins og
Halldóra Lóa Þorvaldsdóttir for-
maður byggðarráðs Borgarbyggð-
ar. Tvö barnabörn Jónasar frá
Hriflu, Guðrún og Gerður, sögðu
frá kynnum sínum af afa þeirra og
brugðu annarri sýn en flestir þekkja
á manninn Jónas. Reyndar má segja
að allir sem til máls tóku á samkom-
unni hafi minnst Jónasar Jónsson-
ar á einn eða annan hátt með hlýju
og virðingu fyrir störfum hans og
elju. Arfleifð Jónasar svífur sannan-
lega yfir vötnum nú sem áður. Óli
H Þórðarson formaður Hollvina-
samtaka Bifrastar rifjaði upp Bif-
rastarandann fyrr og nú. Síðastlið-
inn föstudag komu stjórnarmenn
úr Hollvinasjóði skólans færandi
hendi á Bifröst. Erindi þeirra var að
afhjúpa listaverk Ásmundar Sveins-
sonar, Lífsorku, eftir gagngera við-
gerð á því.
Rifjuðu upp sinn tíma
Að endingu ávörpuðu afmælisfögn-
uðinn átta rektorar sem síðast hafa
stýrt Háskólanum á Bifröst. Það
voru þeir Jón Sigurðsson, Vésteinn
Benediktsson, Jónas Guðmunds-
son, Magnús Árni Magnússon,
Runólfur Ágústsson, Ágúst Einars-
son, Bryndís Hlöðversdóttir og Vil-
hjálmur Egilsson. Í stuttum ávörp-
um rifjuðu þau hvert fyrir sig upp
það sem einkenndi þeirra stjórnun-
artíma, en skólahald á Bifröst hefur
síðustu áratugina einkennst af tölu-
verðum breytingum. Hafa stjórn-
endur verið óhræddir við að gera
þær breytingar sem þurft hefur til
að aðlaga skólann breyttum tímum
og áherslum í þjóðfélaginu. Vissu-
lega hefur skólahald á Bifröst ým-
ist verið í sókn eða vörn í gegn-
um tíðina. Í dag er skólinn við-
skiptaháskóli sem hefur það hlut-
verk að mennta ábyrgt forystufólk í
atvinnulífinu og samfélaginu og út-
skrifa leiðtoga sem bera hag starfs-
manna sinna og umhverfis fyr-
ir brjósti. Fjölbreytt nám er í boði
við viðskiptadeild og félagsvísinda-
og lagadeild og er Háskólinn á Bif-
röst í fararbroddi í fjarnámi meðal
íslenskra háskóla. Stundar megin
þorri nemenda fjarnám við skólann
en býr að því að sækja vinnuhelgar í
fallegu umhverfi á Bifröst.
Að endingu var gestum boðið að
þiggja kaffiveitingar. Lauk þar með
viðamikilli afmælisdagskrá sem
staðið hefur allt þetta ár í tilefni
aldarafmælis skólans.
mm
Hundrað ár frá því lagður var
grunnur að skólahaldi á Bifröst
Sýningin Samvinnuhús var opnuð á göngum skólans á Bifröst. Höfundar sýn-
ingarinnar eru þeir Reynir Ingibjartsson, Ívar Gissurarson og Guðjón Hauksson.
Þórir Páll Guðjónsson og Vilhjálmur Egilsson tóku á móti Guðna Th Jóhannessyni
forseta þegar hann kom í hús.
Horft yfir salinn. Á fremst bekk m.a. Jón Sigurðsson, Vilhjálmur Egilsson og Guðni
Th Jóhannesson.
Átta rektorar á Bifröst. F.v. Ágúst Einarsson, Jónas Guðmundsson, Vésteinn Benediktsson, Runólfur Ágústsson, Magnús Árni
Magnússon, Bryndís Hlöðversdóttir, Jón Sigurðsson og Vilhjálmur Egilsson.
Karlakórinn Söngbræður hóf upp raust sína fyrir gesti, undir stjórn Viðars Guð-
mundssonar og við undirleik Birgis Þórissonar.
Lagt hefur verið til við Húsafriðunarnefnd að elstu fjögur skólamannvirkin á
Bifröst verði friðuð. Hér er hluti þeirra.
Frá afhjúpun á Lífsorkunni síðastliðinn föstudag, verki Ásmundar Sveinssonar,
sem nú hefur verið gert upp að frumkvæði Hollvinasamtaka skólans.