Skessuhorn - 05.12.2018, Blaðsíða 11
MIÐVIKUDAGUR 5. DESEMBER 2018 11
Starfsmaður í viðhaldsteymi á Langjökli
Into the Glacier ehf
Into the Glacier leitar að starfsmanni í viðhaldsteymi sitt sem er með starfsstöð í Húsafelli. Viðhaldsteymið sér um
viðhald ísganga og fasteigna í eigu Into the Glacier ehf.
Into the Glacier
Er vaxandi fyrirtæki í ferðaþjónustu með starfsstöð bæði í Reykjavík og Húsafelli. Félagið starfrækir ísgöngin á
Langjökli og er með daglegar ferðir þangað allt árið um kring. Hjá fyrirtækinu starfar þéttur hópur af hæfileikaríku
fólki sem tekst á við margskonar verkefni á næststærsta jökli Íslands. Starfið hentar bæði fólki sem býr á Vesturlandi
sem og á höfuðborgarsvæðinu þar sem ferðir eru til og frá starfsstöð daglega. Starfsmönnum er einnig boðið að
gista í starfsmannahúsum í Húsafelli í vaktalotum.
Lýsing á starfinu
Viðhaldsteymið sér um viðhald í ísgöngunum á Langjökli og um viðhald á öllum tækjum, trukkum, bílum og húsnæði
Into the Glacier ehf.
Trukka-, véla- og bílafloti ITG er umfangsmikill og nóg af verkefnum er að taka. Verkefnin eru krefjandi, margvísleg og
skemmtileg og fáir dagar eru eins. Við leitum að starfsmanni sem er tilbúinn til að ganga til verks, er vanur ýmis
konar vélavinnu og reynslu af akstri stórra ökutækja. Unnið er á vöktum, og í teymi alla daga.
Hæfniskröfur
Vinnuvélaréttindi (stóra prófið), reynsla er æskileg.•
Ökuréttindi (C & D).•
Iðnmenntun er mikill kostur, s.s. rafvirkjun, smíði, vélstjórn ofl.•
Þekking og reynsla af viðgerðum og bilanagreiningu bíla og/eða tækja.•
Skipulagshæfni og verkvit eru skilyrði.•
Gott er að viðkomandi sé duglegur til verka og stundvís.•
Góð samskiptahæfni og lipurð í mannlegum samskiptum er skilyrði þar sem unnið er í teymi.•
Með umsókn skal skila ferilskrá (CV) og rökstuðningi á hæfni einstaklings í
starfið. Hægt er að sækja um starfið í gegnum www.alfred.is eða með
tölvupósti á elva@intotheglacier.is - Elva Dögg Pálsdóttir, mannauðsstjóri
Into the Glacier sem veitir nánari upplýsingar um starfið.
Öllum umsóknum verður svarað.
SK
ES
SU
H
O
R
N
2
01
8
Árleg jólaúthlutun fer fram fimmtudaginn 13. desember
frá klukkan 13-17 í húsi Rauða krossins við Skólabraut 25a.
Tekið verður á móti umsóknum dagana 29. og 30. nóvember
og 3. til 6. desember á milli klukkan 11 og 13 í símum
859-3000 (María) og 859-3200 (Svanborg).
Alllir umsækjendur þurfa að skila inn staðgreiðsluskrá
sem sýnir tekjur frá janúar til nóvember (ekki skattframtal).
Hana má nálgast á vef Ríkisskattstjóra og einnig er hægt að fá
hana útprentaða á skattstofunni. Einnig þarf að
skila inn búsetuvottorði en það fæst útprentað
á skrifstofu Akraneskaupstaðar.
Tekið verður á móti gögnum og skriflegum umsóknum
í húsi Rauða krossins 4. og 6. desember frá kl. 16 til 18.
Mjög mikilvægt er að sækja um á auglýstum
tíma þvi úrvinnsla umsókna tekur tíma og
eftir 13. desember verður ekki úthlutað.
Með vinsemd og virðingu,
Mæðrastyrksnefnd Akraness
Jólaúthlutun
Mæðrastyrksnefndar Akraness
SK
ES
SU
H
O
R
N
2
01
8
Þorkell Jóhann Steindal, í daglegu tali
kallaður Keli, býr á Akranesi. Hann
fékk nýverið leiðsöguhundinn Gaur,
en hann er skilgreindur sem hjálpar-
tæki fyrir blinda og sjónskerta. Gaur
kemur frá Svíþjóð þar sem hann fór
í gegnum strangt þjálfunarferli áður
en hann kom til Kela. Þessa dagana
er hann að læra á Akranes og kynnast
nýjum stað með nýrri lykt og nýjum
aðstæðum. „Ég er að umhverfisþjálfa
hann og fara með hann í gegnum
verslanir, bókasafnið og á aðra staði.
Fyrst verður hann rosalega spennt-
ur og forvitinn um aðstæðurnar og
á erfitt með að vera leiðsöguhundur.
En eftir svona þrjú skipti á hverjum
stað er hann orðinn tiltölulega eðli-
legur og rólegur,“ segir Keli í samtali
við Skessuhorn. Aðrar reglur gilda
um leiðsöguhunda eins og Gaur en
aðra hunda. Hann má því fara með
Kela hvert sem er, inn á veitinga-
staði, í verslanir, á bókasafnið og alla
aðra opinbera staði.
Af tilefni komu Gaurs skrifaði
Anna Lára Steindal, systir Kela,
færslu á Facebook þar sem hún kynn-
ir Gaur fyrir Skagamönnum og bið-
ur þá um að hjálpa honum í vinnunni
með því að veita honum ekki athygli
á göngu um bæinn. „Gaur er vinnu-
samur og líf hans og yndi er að verja
öryggi Kela þegar hann er á ferðinni.
Gaur er þjálfaður til að einbeita sér
í vinnunni en er líka mannelskur og
félagslyndur. Gaur gefur sig ekki að
fólki að fyrra bragði en túlkar augn-
samband, bros og athygli vegfarenda
sem boð um samskipti,“ skrifar Anna
Lára í færslunni.
„Honum hefur verið gríðarlega vel
tekið hér á Akranesi og eftir að Anna
Lára skrifaði færsluna á Facebook
hefur fólk passað sig vel að trufla
hann ekki í vinnunni,“ segir Keli.
„Hundar tala annað tungumál en við
og fyrir þeim getur augnsamband eða
bros verið boð um samskipti og það
truflar hann því í vinnunni þegar fólk
er að veita honum athygli. Hann fer
þá að eiga samskipti við fólk og dett-
ur úr leiðsöguhundagírnum. Hann
getur nefnilega bara verið eitt í einu,
annað hvort mannelskur hundur sem
vill spjalla við alla, eða leiðsöguhund-
ur. Hann er svona eins og Súperman,
heima við er hann bara eins og Clark
Kent, eða venjulegur heimilishund-
ur, en svo setur hann á sig skikkjuna
og þá er hann Súperman, eða leið-
söguhundur í vinnunni,“ útskýrir
Keli. arg
Biður Skagamenn að sýna Gaur
ekki athygli í vinnunni
Gaur er leiðsöguhundur sem
hjálpar Kela í daglegu lífi.
Ljósm. Anna Lára Steindal.