Skessuhorn - 05.12.2018, Blaðsíða 20
MIÐVIKUDAGUR 5. DESEMBER 201820
Hugmyndir eru uppi meðal félags-
manna Golfklúbbsins Jökuls um
nýjan 9 holu golfvöll í Rifi. „Við
erum með þá hugmynd að færa
golfvöllinn frá Fróðárvelli, þar sem
hann er núna og í Rif. Svæðið á
Fróðá hentar frekar illa undir golf-
völl. Það er leiðinlegt veðurfars-
lega, út af vindum og rigningu. Auk
þess er svæðið mjög blautt vegna
þess að staðan á vellinum er mjög
lág auk þess sem Fróðá rennur und-
ir hluta vallarins,“ segir Jón Bjarki
Jónatansson, formaður Golfklúbbs-
ins Jökuls, í samtali við Skessuhorn.
Hann segir hugmyndina um golf-
völl í Rifi ekki nýja af nálinni, þó
fyrst nýlega hafi Jökulsmenn farið
að velta möguleikanum fyrir sér af
fullri alvöru. „Hjörtur Ragnarsson,
félagi okkar í golfklúbbnum, er bú-
inn að vera vallarstjóri og hugsa um
völlinn okkar lengi. Hann er bú-
inn að vera með þessa hugmynd í
kollinum í mörg ár, að færa völl-
inn í Rif. Hann fékk mig með sér til
að skoða svæðið í sumar og okkur
leist báðum mjög vel á. Við höfð-
um samband við Edwin Roald golf-
vallahönnuð, sem kom vestur og
leist vel á, teiknaði upp drög og smá
skýrslu um það hvort þetta væri yf-
irhöfuð framkvæmanlegt,“ seg-
ir hann. Næst höfðu forsvarsmenn
golfklúbbsins samband við bæjar-
stjóra sem benti þeim á að senda
bæjarstjórn erindi vegna málsins.
Erindið var kynnt bæjarstjórn Snæ-
fellsbæjar í byrjun nóvember. Bæj-
arstjórn mun taka afstöðu til máls-
ins á fundi sínum í næstu viku, að
sögn Jóns. „Vonandi verður niður-
staða bæjarstjórnar jákvæð,“ segir
hann.
„Staðsetningin
upp á tíu“
Nýi golfvöllurinn er hugsaður við
hliðina á flugvellinum í Rifi, á fall-
egum stað undir Snæfellsjökli. Að
sögn Jóns er þar ekkert grjót, heldur
bara sandur og mold og því kjörað-
stæður til að búa til golfvöll. Hróflað
verður sem allra minnst við lands-
lagi staðarins, það þess í stað nýtt í
legu vallarins. Jón er þess fullviss að
nýr golfvöllur í Rifi muni gjörbreyta
allri golfiðkun í Snæfellsbæ norðan
heiðar til hins betra. „Þeir sem spila
sjaldan munu örugglega spila meira
með tilkomu betri vallar. Einkum
horfum við þó til þess að efla barna-
starf klúbbsins, fá fleiri konur í golf-
ið og fjölga iðkendum almennt. Til
þess þarf völlurinn og aðstaðan að
vera góð. Fróðárvöllur er frekar erf-
iður fyrir byrjendur. Það helgast
bæði af því hvernig lega hans er og
líka vegna þess að hann er svo blaut-
ur. Nýi völlurinn í Rifi verður ekki
jafn erfiður og á veðursælli stað, sér-
staklega í suðaustan- og norðaust-
anáttum sem eru ríkjandi hérna á
svæðinu. Hann verður því aðgengi-
legri öllum kylfingum og á mjög fal-
legum stað. Edwin sagði þegar hann
kom vestur að staðsetningin væri al-
veg upp á tíu, með jökulinn í bak-
sýn. Við sjáum einnig fyrir okkur að
innlendir sem erlendir gestir komi
til með að nýta sér golfvöll þar sem
útsýni er einstakt, rétt við sjó og jök-
ul,“ segir Jón ánægður.
„Vonandi hægt að byrja
í apríl eða maí“
Aðspurður segir Jón að kostnað-
aráætlun vegna gerðar golfvallar
hljóði upp á 90 milljónir króna.
Kostnaði verði haldið í algjöru
lágmarki og að félagsmenn muni
koma til með að vinna mikið sjálf-
ir að gerð vallarins, til að halda
kostnaðinum sem lægstum. „En
hver eru þá næstu skref í málinu?
„Ef við fáum jákvætt svar frá bæj-
arstjórn í næstu viku [í þessari viku,
innsk. blm.] þá er næst á dagskrá
að klára að teikna völlinn og ljúka
hönnunarvinnunni. Vonandi verð-
ur þá hægt að hefja framkvæmdir
við nýjan golfvöll í Rifi í apríl eða
maí,“ segir Jón Bjarki Jónatansson
að endingu.
kgk/ Ljósm. aðsendar.
Hugmyndir uppi um golfvöll í Rifi
Golfvöllurinn í Rifi er hugsaðir við hliðina á flugvellinum. Hann kæmi þá vestan
við veginn, til vinstri á myndinni en sjálft svæðið sem lagt yrði undir golfvöllinn
sést ekki í mynd.
Jón Bjarki Jónatansson, formaður Golfklúbbsins Jökuls.
Jólaútvarp Grunnskóla Snæfells-
bæjar fer í loftið mánudaginn 10.
desember næstkomandi og útsend-
ingar standa yfir til 13. desemb-
er. Venju samkvæmt munu all-
ir bekkir senda út bekkjaþætti, en
nemendum á unglingastigi stend-
ur auk þess til boða að gera þætti
ásamt vinum sínum um hvað sem
þeir hafa áhuga á. Í tilefni af eitt
hundrað ára fullveldisafmæli Ís-
lands verða efnistök bekkjaþátt-
anna Ísland á fullveldistímanum.
Eðli málsins samkvæmt er það ný-
breytni. „Hver bekkur mun hafa
einn áratug til umfjöllunar. Þannig
mun 10. bekkur fjalla um árin 1918
til 1927, 9. bekkur um árin 1928
til 1937 og svo framvegis. Bekkja-
þættirnir kallast á við efnistök Full-
veldishátíðarinnar sem haldin var
hér í skólanum síðasta laugardag.
Sú heimildavinna sem nemendur
lögðust í fyrir hátíðina nýtist auð-
vitað við gerð bekkjaþáttanna,“
segir Theódóra Friðbjörnsdóttir
kennari í samtali við Skessuhorn.
Hún heldur utan um útvarpið að
þessu sinni og er nemendum inn-
an handar við hvaðeina sem teng-
ist skipulagningu og undirbún-
ingi verkefnisins. „Ég stend fyrir
fjölmiðlavali á unglingastigi núna
í haust. Við byrjuðum á að vinna
skólablað en frá nóvember hefur
undirbúningur jólaútvarpsins stað-
ið yfir, í góðu samstarfi við nem-
endaráð sem heldur utan um aug-
lýsingarnar. Krökkunum er skipt í
þrjú upptökuteymi og auglýsinga-
gerð. Krakkarnir sem eru í auglýs-
ingum hafa samband við fyrirtæki.
Þau sem vilja auglýsa merkja við
hvernig auglýsingu þau vilja fá, til
dæmis lesna eða leikna. Krakkarn-
ir sjá síðan um að semja textann og
lesa hann. Þau annast alla auglýs-
ingagerð frá A til Ö og vinnu við
þáttagerðina,“ segir Theódóra.
Samfélagið tekur þátt
Aðspurð segir hún að undirbún-
ingurinn hafi gengið eins og best
verður á kosið. „Upptökuteymun-
um hefur gengið mjög vel að skipta
með sér verkum þannig að álag-
ið hefur dreifst mjög vel og upp-
tökurnar sjálfar gengið vel, undir
styrkri handleiðslu Þrastar Krist-
óferssonar tölvuumsjónarmanns.
Útvarpsstjóri er Jason Jens Illuga-
son, nemandi í 10. bekk. Hann hef-
ur staðið sig mjög vel í því hlutverki
og allir sem koma að útvarpinu eru
jákvæðir og leggja sitt af mörkum
til að láta hlutina ganga upp,“ seg-
ir hún.
Theódóra segir að auk nem-
enda skólans verði fluttir þættir frá
leikskólunum, Smiðjunni, sem og
Barna- og skólakór Snæfellsbæjar.
Þá verður Jakob Þorsteinsson, fyrr-
um nemandi Grunnskóla Snæfells-
bæjar, einnig með þátt. „Þetta er
því ekki bara skólinn, heldur sam-
félagið allt sem tekur þátt í Jólaút-
varpinu. Ég veit að Jakob langar til
að verða útvarpsmaður og finnst
þetta spennandi. Útvarpið er öllum
opið sem hafa áhuga og um að gera
fyrir alla sem hafa áhuga að vera
með,“ segir Theódóra Friðbjörns-
dóttir að endingu.
Dagskrá Jólaútvarps GSNB má
sjá á heimasíðu skólans, www.gsnb.
is. Þar verður jafnframt hlekkur
fyrir þá sem vilja hlusta á útvarpið
í tölvu eða snjalltækjum. Þeir sem
nota gamla góða útvarpstækið geta
stillt það á FM 103,5 dagana 10.
til 13. desember næstkomandi og
hlýtt á Jólaútvarp Snæfellsbæjar frá
morgni til kvölds. kgk
MT1-2: Frá upptökum Jólaút-
varps GSNB í fyrra. Ljósm. úr
safni.
Jólaútvarp GSNB í
loftið á mánudaginn