Skessuhorn - 05.12.2018, Blaðsíða 26
MIÐVIKUDAGUR 5. DESEMBER 201826
Mín fyrstu viðbrögð við hatursorð-
ræðu þingmanna Miðflokksins og
Flokks fólksins í morgun [fimmtu-
daginn 29. nóvember, innsk. blm.]
voru að verja hvorki krafti né orðum
í hana og halda áfram með vinnu-
daginn minn. En ég hélt auðvitað
ekkert áfram með daginn minn að
neinu ráði - þetta hefur tekið sinn
toll líkt og allt ofbeldi gerir.
Eftir að hafa hugsað mikið um
þetta, rætt við kærleiksríkt sam-
starfsfólk, tekið við slatta af ást í
gegnum samfélagsmiðla, grátið tölu-
vert, verið kaffærð í faðmlögum frá
vinum og fjölskyldu og fylgst með
umræðunni eins og hjartað mitt og
taugakerfi þolir er eitt og annað sem
ég ætla að segja.
Aðför að fatlaða líkama mínum
sem dýrslegum er ekki bara það
„að gera grín að fötluðum“. Það er
birtingarmynd kvenfyrirlitningar
og fötlunarfyrirlitningar. Um er að
ræða fyrirlitningu sem á sér djúp-
ar sögulegar rætur og endurspeglar
ævagömul viðhorf til fatlaðs fólks
sem dýra - óæðri manneskjum. Það
í samhengi við niðrandi umræðu um
útlit og kynþokka kvenna er kven-
fjandsamlegt. Ég er ekki bara fötluð.
Ég er kona. Ég get ekki tekið mig í
sundur og verið stundum fötluð og
stundum kona. Ég er alltaf (stolt)
fötluð kona.
Þó hatrið beinist að persónum
(sem er grafalvarlegt) er alvara máls-
ins sú að um kerfisbundið hatur er
að ræða. Það beinist harðast að kon-
um. Hinsegin fólki. Fötluðu fólki.
Karlmönnum sem einhvernveginn
passa ekki inn í ríkjandi hugmyndir
um (skaðlega) karlmennsku. Það er
hvorki tilviljun né einsdæmi að akk-
úrat þessir hópar séu viðfang orða-
níðs fólks með mikil forréttindi. Það
er alltumlykjandi - alltaf.
Gerendur í þessu tilviki eru vald-
hafar. Alveg óháð því hvar gerend-
ur eru í valdastiganum er ofbeldi af
þeirra hálfu alvarlegt. Það er hins-
vegar sérstaklega hættulegt þeg-
ar fólk í valdastöðum viðhefur hat-
ursorðræðu. Í fyrsta lagi vegna þess
að það setur fordæmi og hefur vald
til þess að normalisera orðræðu og
ofbeldismenningu. Ef Sigmundur
Davíð Gunnlaugsson, fyrrverandi
forsætisráðherra, má tala svona, þá
hljóta allir að mega það. Í öðru lagi
vegna þess að hatursorðræða af-
hjúpar viðhorf valdhafa sem við höf-
um kosið og treyst til þess að reka
samfélagið okkar og taka mikilvægar
ákvarðanir um hagi okkar. Ef þing-
menn sjá fatlað fólk sem dýr en ekki
manneskjur er ekki furða að það taki
ákvarðanir um líf fatlaðs fólks byggt
á einhverju allt öðru en mannrétt-
indaskuldbindingum. Í þriðja lagi
vegna þess að rannsóknir og reynsl-
an sýnir okkur að hatursorðræða
valdhafa hefur bein áhrif á tíðni hat-
ursglæpa.
Að lokum að fyrirgefningu og af-
sökunarbeiðnum. Það telst almenn
kurteisi og mannvirðing að biðjast
afsökunar þegar okkur verður á. Það
er hinsvegar mjög rotin afsökunar-
beiðni og ekki afsökunarbeiðni í
raun að afsaka sig með áfengisneyslu
og því að eiga vini sem tilheyra
minnihlutahópum (sbr. Gunnar
Bragi í Kastljósi). Það er líka eitt að
verða á og annað að láta hatur gagn-
vart konum og jaðarsettum hópum
vella út úr sér í marga klukkutíma
á opinberum vettvangi. Þegar fólk
gerist uppvíst um slíkt er ekki for-
svaranlegt að henda í eina yfirlýs-
ingu og lofa að drekka færri bjóra
næst og halda að þar með verði allt
aftur fallegt og gott. Eina leiðin til
þess að biðjast afsökunar af trúverð-
ugleika og auðmýkt er að gangast
við gjörðum sínum og taka ábyrgð
með því að segja af sér.
Í allan dag hef ég ekki getað hætt
að hugsa um öll fötluðu börnin og
ungmennin, einkum stúlkur í óhefð-
bundnum líköm-
um, sem hafa heyrt
af þessu eða glefs-
ur um þetta. Þetta
hefur vissulega
verið sárt fyrir mig og annað full-
orðið fatlað fólk en sárast er þetta
fyrir þau. Hvernig í veröldinni eiga
þau að þróa með sér jákvæða lík-
ams- og kynímynd, upplifa sig eiga
framtíð og búa við öryggi í samfé-
lagi þar sem fyrrverandi forsætisráð-
herra líkir fyrrverandi fatlaðri sam-
starfskonu sinni við dýr - ofan á allt
annað misrétti sem þau verða fyrir
vegna fólks í valdastöðum sem sér
þau ekki sem mennsk.
Fyrir þau bregst ég við þessu hatri
í dag. Við þau vil ég segja: Allir lík-
amar eiga rétt á sér. Allir líkamar eru
verðmætir og verðugir. Allir líkamar
mega og eiga að taka sér pláss. Allir
líkamar eiga rétt á að búa við frið-
helgi frá hverskyns ofbeldi
Freyja Haraldsdóttir
Ég er alltaf stolt fötluð kona
Pennagrein
Pennagrein
Í fyrirliggjandi tillögu að fjárhags-
áætlun Borgarbyggðar fyrir árið
2019 er lagt til að lækka álagning-
arprósentu fasteignaskatts á íbúð-
arhúsnæði í Borgarbyggð niður í
0,40%. Fasteignaskattur á íbúðar-
húsnæði er núna 0,45% en var síðast
lækkaður úr 0,47% niður í 0,45 um
áramót 2017 - 2018. Árið 2015 var
skatturinn hækkaður upp í 0,49% en
hámarks heimild til álagningar sam-
kvæmt lögum er 0,5%. Sú hækkun
átti sér stað þegar verulega kreppti
að fjárhagslega hjá sveitarfélaginu en
rétt er að halda því til haga að álagn-
ing fasteignaskatts er mjög mikil-
vægur tekjustofn hjá stórum víð-
feðmum sveitarfélögum þar sem oft
á tíðum eru til staðar mörg sumar-
hús og þar af leiðandi dulin búseta.
Í tillögunni er einnig lagt til að fast-
eignaskattur á atvinnuhúsnæði verði
lækkaður úr 1,55% niður í 1,39% á
næsta ári. Heildar lækkun á tekju-
grunni Borgarbyggðar miðað við
þessar lækkanir er um 56,2 milljón-
ir króna. Við ætlum í framhaldinu
áfram að setja okkur skýr fjárhag-
leg markmið í gegn um verkefnið
,,Brúin til framtíðar“ eins og kem-
ur fram í málefnasamningi framboð-
anna sem standa að meirihlutanum.
Í því samhengi verður meðal annars
horft til þess að lækka fasteignaskatt
enn frekar á kjörtímabilinu.
Íbúar í Borgarbyggð
aldrei verið fleiri
Nú búa í Borgarbyggð 3.810 manns,
en ef horft er aftur til 1. janúar 1998
þá voru íbúar í þeim sveitarfélögum
sem nú tilheyra Borgarbyggð 3.259
talsins. Í upphafi árs 2013 voru íbúar
3.469 og hefur þeim farið fjölgandi
síðan, en í 1. janúar 2018 voru íbú-
ar 3.745. Miðað við bráðabirgðatöl-
ur Hagstofunnar við lok þriðja árs-
fjórðungs í ár er íbúafjöldi í Borg-
arbyggð 3.810 og hafa aldrei búið
fleiri í sveitarfélaginu.
Miklar framkvæmdir fyr-
irhugaðar á árinu 2019
Nú er frítt að aka um Hvalfjarðar-
göngin og má fullyrða að það sé
gríðarlega mikilvægur áfangi fyr-
ir Vesturland allt. Höfuðborgar-
svæðið er í auknum mæli hluti af at-
vinnusvæði íbúa
Borgarbyggðar og
telja má að þróun-
in verði enn frekar á þá leið. Mikil-
vægt er að hamra járnið á meðan það
er heitt og leggja áherslu á þau mál-
efni sem skipta mestu máli við bú-
setuval fólks. Með því að lækka fast-
eignaskatta, bæði á íbúa og atvinnu-
rekendur, er leitast við að bæta lífs-
gæði í sveitarfélaginu og gera það að
enn eftirsóknarverðari valkosti fyrir
einstaklinga og fyriræki.
Í fyrirliggjandi tillögu að fram-
kvæmdahluta fjárhagsáætlunar
er augljóst hvert stefnt er. Helstu
áherslurnar eru á skólamannvirki,
uppbyggingu gatna og ljósleiðara-
væðingu, en allt eru þetta mikilvæg-
ir innviðir. Það hefur ekki farið fram
hjá neinum sú mikla uppbygging
sem á sér stað á skólamannvirkjum
í sveitarfélaginu og standa m.a. vonir
til þess að innan fárra mánaða verði
tekið í notkun mikið endurbætt hús-
næði Grunnskólans í Borgarnesi.
Verið er að vinna húsnæðisáætlun
fyrir sveitarfélagið sem verður notuð
til að meta húsnæðisþörf á svæðinu
og talsvert hefur verið rætt um að
skoða möguleika á frekari þéttingu
byggðar í Borgarnesi og hvaða tæki-
færi felast í því. Í fyrirliggjandi fjár-
hagsáætlun er lagt upp með að verja
50 milljónum króna til gatnagerðar,
en reiknað er með að fara í gatna-
gerð m.a. í Bjargslandinu í Borgar-
nesi þar sem búið er að skipuleggja
56 nýjar lóðir sem verður hægt að
úthluta fljótlega eftir áramót ef allt
gengur upp. Þá eru þegar tilbúnar
til úthlutunar 18 lóðir á Hvann-
eyri. Búið er að ráða verktaka til að
sjá um lagningu ljósleiðara um hin-
ar dreifðu byggðir Borgarbyggðar
og vonir standa til að sú framkvæmd
klárist á næstu þremur árum.
Tíminn er kominn til að láta
hendur standa fram úr ermum og
fylgja verkefnunum eftir af festu en
umfram allt jákvæðni. Það er mikil
uppbygging framundan og nú er það
okkar að byggja saman upp stærra og
sterkara samfélag þar sem skilyrði til
búsetu eru hagfelld.
Lilja Björg Ágústsdóttir,
Höfundur er forseti sveitarstjórnar
og oddviti Sjálfstæðisflokksins í Borg-
arbyggð.
Við ætlum að lækka fast-
eignaskatt í Borgarbyggð
Útsendingar Útvarps Akraness
hófust síðastliðinn föstudag með
þætti Ólafs Páls Gunnarssonar,
Takið ykkur stöðu. Útsendingar
stóðu yfir þar til síðdegis á sunnu-
daginn með fjölbreyttri dagskrá
þar sem finna mátti allt frá sögu-
legu efni til tónlistar, barnaþátta,
gríns og gamans.
Að vanda var það Sundfélag
Akraness sem stóð fyrir útsend-
ingum Útvarps Akraness. Hafa
þær verið árviss viðburður í men-
ningarlífi bæjarins frá árinu 1988,
hvorki meira né minna. Útvarpið
fagnaði því 30 ára afmæli um þessar
mundir á 70 ára afmælisári sund-
félagsins. Í tilefni þess var fluttur
sérstakur afmælisþáttur sundfé-
lagsins, Sund í 70 ár. Sturlaugur
Sturlaugsson, Ingunn Ríkharðs-
dóttir og Guðmundur Páll Jóns-
son, sem öll eru fyrrum formenn
Sundfélags Akraness, fóru þar yfir
sögu félagsins.
kgk
Útvarp Akranes ómaði um helgina
Þátturinn Hálf-(V)iddar var á dagskrá Útvarps Akraness þegar Skessuhorn bar
að garði. Viðar Engilbertsson og Ingi Björn Róbertsson á tali við Sævar Frey
Þráinsson bæjarstjóra.
Ólafur Páll Gunnarsson
útvarpsmaður stjórnaði
útsendingunni.
Sundfélag Akraness er 70 ára á þessu
ári. Í tilefni afmælisins var boðið í
afmælisköku, kaffi og notalega sam-
verustund síðastliðinn föstudag, um
leið og útsendingar Útvarps Akra-
ness hófust. Sundfélagið stendur
sem kunnugt er fyrir Útvarpi Akra-
ness og því við hæfi að fagna afmæl-
inu samhliða útvarpsútsendingum,
sem eru svo samofnar sögu félags-
ins. Þá hefur útvarpið verið sent út
frá 1988 og átti því jafnframt afmæli,
30 ára. Í tilefni afmælisins var einn-
ig sendur út þátturinn Sund í 70 ár,
í umsjón Sturlaugs Sturlaugssonar,
Ingunnar Ríkharðsdóttur og Guð-
mundar Páls Jónssonar. Öll eru þau
fyrrum formenn sundfélagsins og
fóru þau yfir sögu félagsins í beinni
útsendingu á sunndaginn. kgk
Sundfélag Akraness bauð í afmæliskaffi
Óundirbúin sögustund
með Sigrúnu Ríkarðs-
dóttir í afmælisveislunni
vakti lukku gesta.
Trausti Gylfason, formaður sundfélagsins, nælir sér í eina sneið af afmælis-
kökunni.