Skessuhorn - 19.12.2018, Blaðsíða 24

MIÐVIKUDAGUR 19. DESEMBER 201824
Fagna stórátaki í
vegagerð
AKRANES: „Bæjarstjórn
Akraness fagnar þeirri viðhorfs-
breytingu sem orðið hefur á Al-
þingi Íslendinga til stórfelldra
samgöngubóta sem fyrirhug-
aðar eru á næstu árum og verða
fjármagnaðar með álagningu
flýtigjalda,“ segir í ályktun sem
samþykkt var á fundi bæjar-
stjórnar Akraness 11. desemb-
er sl. „Akurnesingar hafa ver-
ið í fararbroddi í þessari hugs-
un á Íslandi í yfir 20 ár eins og
bygging og rekstur Hvalfjarð-
arganga eru góður vitnisburður
um. Bæjarstjórn Akraness vill
minna á að hjá starfsfólki Spal-
ar á Akranesi, sem annaðist dag-
legan rekstur Hvalfjarðarganga,
hefur myndast mikil þekking á
gjaldtöku af notkun samgöngu-
mannvirkja og vill bæjarstjórn
Akraness hvetja Sigurð Inga Jó-
hannsson, samgöngu- og sveit-
arstjórnarráðherra til þess að
nýta þessa yfirgripsmiklu þekk-
ingu starfsfólks Spalar við und-
irbúning og ákvörðun um stað-
setningu og umsýslu með inn-
heimtu flýtigjalda á Íslandi.“
-mm
Aflatölur fyrir
Vesturland
dagana 8.-14. desember
Tölur (í kílóum)
frá Fiskistofu:
Akranes: 4 bátar.
Heildarlöndun: 31.821 kg.
Mestur afli: Eskey ÓF: 16.451
kg í fjórum róðrum.
Arnarstapi: 2 bátar.
Heildarlöndun: 27.365 kg.
Mestur afli: Tryggvi Eðvarðs.
21.469 kg í tveimur löndunum.
Grundarfjörður: 7 bátar.
Heildarlöndun: 239.268 kg.
Mestur afli: Hringur SH:
55.596 kg í einni löndun.
Ólafsvík: 15 bátar.
Heildarlöndun: 383.464 kg.
Mestur afli: Gunnar Bjarnason
SH: 61.205 kg í þremur róðr-
um.
Rif: 12 bátar.
Heildarlöndun: 460.855 kg.
Mestur afli: Örvar SH: 70.131
kg í einni löndun.
Stykkishólmur: 7 bátar.
Heildarlöndun: 142.720 kg.
Mestur afli: Þórsnes SH:
66.971 í einni löndun.
Topp fimm landanir
á tímabilinu:
1. Örvar SH - RIF:
70.131 kg. 10. desember.
2. Tjaldur SH - RIF:
68.521 kg. 13. desember.
3. Þórsnes SH - STY:
66.971 kg. 10. desember.
4. Hringur SH - GRU:
55.596 kg. 12. desember.
5. Rifsnes SH - RIF:
53.539 kg. 12. desember.
-kgk
Niðurstaða valkostagreiningar á
leiðarvali fyrir veg um Gufudals-
sveit í Reykhólahreppi er sú að R-
leið, tillaga norsku verkfræðistof-
unnar Multiconsult, sé vænlegasti
kosturinn. Sem kunnugt er gerir
sú leið ráð fyrir Vestfjarðavegi um
Reykhóla og brú yfir Þorskafjörð.
Eins og áður hefur verið greint
frá ráðlagði Skipulagsstofnun
stjórnendum Reykhólahrepps að
láta gera valkostagreiningu á leiðar-
vali Vestfjarðavegar. „Þetta var gert
til að draga upp skýra, aðgengilega
og hlutlæga mynd af þeim valkost-
um sem liggja fyrir varðandi Vest-
fjarðaveg 60. Til þess var fenginn
óháður aðili sem hefur ekki áður
komið að vinnu við V60 og engra
hefði hagsmuna að gæta,“ segir í
tilkynningunni.
Valkostagreiningin fólst í stuttu
máli á mati á tæknilegum, skipu-
lagslegum, umhverfislegum, félags-
legum og hagrænum þáttum fjög-
urra leiða; D2 jarðgangaleið, R-
leið, Þ-H leið um Teigsskóg og leið
A3. Verkfræðistofan Viaplan var
fengin til verksins og var það Lilja
Guðríður Karlsdóttir sem vann
greininguna.
Sem fyrr segir telur Viaplan að
R-leið sé vænlegasti kosturinn.
Hún sýni betri niðurstöður fyr-
ir tæknilega, skipulagslega, hag-
ræna, umhverfislega og félagslega
þætti en hinir kostirnir. Leið A3,
sem er útfærsla Vegagerðarinnar á
sömu leið, er talin næstbesti kost-
urinn. Þar á eftir kemur Þ-H leið
um Teigsskóg og af þessum fjórum
er leið D2 með jarðgöngum undir
Hjallaháls talin sísti kosturinn.
Sendir Vegagerðinni
tóninn
Vegagerðin er í skýrslunni gagn-
rýnd fyrir frumathugun sína á til-
lögu Multiconsult, sem skilað var
í haust. Niðurstaða frumathug-
anar var að Þ-H leið væri vænleg-
asti kosturinn. Í skýrslunni segir að
erfitt hafi verið að bera saman val-
kosti með tilliti til stofnkostnað-
ar vegna þess að Vegagerðin hafi
hækkað verðlag milli skýrslna 2017
og 2018. Þá sé einnig gagnrýnivert
að Vegagerðin hafi ekki metið R-
leið eins og hún lá fyrir frá Multi-
consult, heldur búið til nýja A3 leið
þar sem gert væri ráð fyrir því að
endurbyggja þyrfti Reykhólasveit-
arveg frá Reykhólum að gatnamót-
um Vestfjarðavegar. „Þessi frávik á
milli leiðar A3 og leiðar R gera það
að verkum að nær ógerningur er að
bera þær saman kostnaðarlega séð
og verður það að teljast bagalegt af
hálfu Vegagerðarinnar að hafa ekki
einnig metið leið R eins og hún lá
fyrir til að hægt væri að bera sam-
an annars vegar útreikninga Multi-
consult og hins vegar útreikninga
Vegagerðarinnar. Viaplan fær ekki
séð hvernig slík vinnubrögð geti
verið verkefninu til framdráttar,
þar sem ljóst er að mun mikilvæg-
ara er á þessu stigi að ná raunhæf-
um innbyrðis samanburði held-
ur en að uppfæra verðlag,“ segir í
skýrslunni.
Til að reyna að leggja mat á
stofnkostnaðinn kostnaði leit Vi-
aplan til svarskýrslu Multicon-
sult til Vegagerðarinnar. Þar hefur
verið gert ráð fyrir uppbyggingu
Reykhólasveitarvegar á öllum leið-
arvalkostum, til að gera alla val-
kosti samanburðarhæfa. Þar kem-
ur fram að Þ-H leið myndi kosta
8,8 milljarða, R-leið 9,7 milljarða,
A3 11,2 milljarða og D2 14,8 millj-
arða. Til að flækja málið enn frek-
ar er ágreiningur milli Vegagerð-
arinnar og Multiconsult um mis-
munandi brúartegundir, en það
hefur áhrif á kostnað við leiðirn-
ar. „Er hér mælst til þess að þess-
ir aðilar setjist niður og nái sátt-
um um þetta atriði þar sem veru-
legur munur er á kostnaðaráætl-
unum brúargerðarinnar,“ segir í
skýrslunni.
Hvað varðar rekstrarkostnað tel-
ur Viaplan hann minnstan á leiðum
R og A3, þá Þ-H leið en mestan á
leið D2. Munurinn á milli Reyk-
hólaleiðanna og Teigsskógarleiðar
telst þó innan skekkjumarka.
Allar leiðir hafa jákvæð
áhrif á samgöngur
Í valkostagreiningu Viaplan segir
að ljóst sé að krafan um ódýrustu
leiðina út frá stofnkostnaði stangist
á við kröfu um náttúruvernd. Kall-
að er eftir því að Vegagerðin breyti
verkferlum sínum á þá leið að unn-
in sé félagshagfræðileg greining á
verkefnum á fyrri stigum, eins og
gert er í nágrannalöndunum. Með
því sé hægt að taka betur tillit til
ófjárhagslegra þátta og útiloka
leiðarvalkosti fyrr í ferlinu.
Umferðaröryggi er metið mest
á leiðum R og A3 og þær myndu
stytta akstursleið skólabíls úr 108
km á dag niður í 58 km. Allar leiðir
stytta vegalengdina á sunnanverð-
um Vestfjörðum. Ef R-leið verð-
ur farin og Dýrafjarðargöng tilbú-
in verða t.a.m. 175 km frá Reyk-
hólum til Ísafjarðar í stað 246 km
áður. „Allar leiðir munu hafa já-
kvæð áhrif á samgöngur, byggða-
þróun og ferðaþjónustu á sunn-
anverðum Vestfjörðum. R og A3
munu auk þess hafa mikil jákvæð
áhrif á samgöngur, byggðarþróun
og ferðaþjónustu á Reykhólum sem
hinar gera ekki,“ segir í tilkynningu
Reykhólahrepps.
Verði R-leið eða A3 fyrir valinu
liggur fyrir að leyfisveitingarferl-
ið mun taka lengri tíma en ef Þ-H
verður valin, eða um 26 vikur. Þá
má gera því skóna að allar leiðir
verði kærðar.
Vegagerðin ósammála
Að mati Vegagerðarinnar er leið
Þ-H sá kostur sem kemur helst
til greina við uppbyggingu stofn-
vegakerfis, að því er fram kemur í
tilkynningu frá stofnuninni. Vega-
gerðin segir Þ-H leiðina koma best
út við samanburð á öryggi, greið-
færni og styttingu leiða. Auk þess
segir Vegagerðin Þ-H leiðina hag-
kvæmari. „Valkostagreining Viapl-
ans frá 12. desember breytir ekki
þeirri niðurstöðu,“ segir í tilkynn-
ingu Vegagerðarinnar sem send
var út samdægurs.
Undirbúningur að vegagerð á
Vestfjarðavegi milli Bjarkalundar
og Skálaness teygir sig aftur til árs-
ins 2004 þegar fyrsta matsáætlun á
leið um Teigsskóg var lögð fram.
Málið var lengi í kerfinu. Landeig-
endur, Náttúruverndarsamtök Ís-
lands og Fuglaverndunarfélag Ís-
lands fóru í mál við Vegagerðina
og kröfðust ógildingar. Málið fór
alla leið fyrir Hæstarétt, sem féllst
á kröfu þeirra og felldi úrskurð
umhverfisráðherra um Teigsskóg-
arleið (sem þá var B leið) úr gildi.
Nýtt umhverfismat var lagt fram
haustið 2015 og ný endanleg mats-
skýrsla vorið 2017, þar sem fimm
valkostir þóttu koma til greina, þar
á meðal Þ-H leið um Teigsskóg.
Síðan þá hefur Reykhólahrepp-
ur unnið að aðalskipulagsbreyt-
ingu. Sveitarstjórn fór þess á leit
við Vegagerðina í júlí sl. að tek-
inn yrði til skoðunar nýr valkostur,
R-leið norsku verkfræðistofunnar
Multiconsult. „Vegagerðin gerði
grein fyrir þeim valkosti í greina-
gerð til Reykhólahrepps í október
2018 þar sem fjallað er um frum-
athugun á þeim valkosti (leið A3)
ásamt samanburði við leiðir Þ-H
og D2 og hvernig vikið var frá leið
R,“ segir í tilkynningunni.
Verkefnið að tengja
Vestfirði
Vegagerðarin segir að leið A3 og
R-leið hafi ákveðna kosti út frá
byggðarsjónarmiðum þar sem
Reykhólahreppur tengist betur til
vesturs. „Það hefur hins vegar ekki
verið megin markmið fyrirhug-
aðra framkvæmda.“ Vegalengd-
in frá Reykhólum til Patreksfjarð-
ar myndi styttast um 40 til 50 km
verði farið með brú yfir Þorska-
fjörð, en leiðin frá Patreksfirði
og Ísafirði til höfuðborgarinnar
myndi lengjast um 4-5 km. „Það
er ljóst að verkefni Vegagerðarinn-
ar snýr að því að tengja Vestfirði
með stofnvegi og tryggja þannig
samgöngur við Vestfirði sem heild,
hagsmunir Reykhólahrepps eru
því ekki einir hafðir til hliðsjónar
við leiðarval,“ segir Vegagerðin.
Þá telur Vegagerðin núverandi
Reykhólasveitarveg ekki fullnægj-
andi sem flutningaleið og stofn-
veg. Hann uppfylli ekki kröf-
ur og sé ekki hæfur fyrir fyrirsjá-
anlega umferðaraukningu nema
með töluverðri endurbyggingu og
lagfæringu. Því segir Vegagerðin
nauðsynlegt að gera ráð fyrir end-
urbyggingu hans. Kostnaðarmat
Vegagerðarinnar gerir því ráð fyrir
að leið A3 sé um fjórum milljörð-
um dýrari en leið Þ-H.
Sem fyrr segir mælir Vegagerð-
in enn með því að nýr vegur verði
lagður með Þ-H leið um Teigs-
skóg. „Sú framkvæmd er fullfjár-
mögnuð í þeirri tillögu að sam-
gönguáætlun sem er til umfjölunar
á Alþingi. Velji sveitarstjórn Reyk-
hólahrepps að fara aðra leið sem
Vegagerðin telur dýrari er ljóst að
sú leið er ekki fjármögnuð að fullu
og óvíst hvenær framkvæmdir geti
hafist. Aftur á móti leggur Vega-
gerðin áherslu á að sama hvaða
ákvörðun sveitarstjórn Reykhóla-
hrepps tekur að það muni ekki
standa á Vegagerðinni að vinna
að vegabótum á Vestfjarðavegi um
Gufudalssveit,“ segir í tilkynningu
Vegagerðarinnar.
kgk
R-leið vænlegust samkvæmt
valkostagreiningu
Vegagerðin ósammála og telur Þ-H leið besta kostinn
Leiðarvalkostirnir fjórir sem eru umfjöllunarefni þessarar skýrslu, ljósgula línan er núverandi Vestfjarðavegur.