Skessuhorn - 19.12.2018, Blaðsíða 67
MIÐVIKUDAGUR 19. DESEMBER 2018 67
Kveðjur úr héraði
Stykkishólmsbær sendir
Vestlendingum bestu óskir um gleðileg jól
og farsæld á komandi ári, með þakklæti
fyrir árið sem er að líða
Vinstrihreyfingin grænt framboð
í Norðvesturkjördæmi óskar íbúum kjördæmisins
og lesendum Skessuhorns gleðilegra jóla
og farsældar á komandi ári.
Þökkum samstarfið og stuðninginn á árinu sem er að líða.
Gleðileg jól
S
K
E
S
S
U
H
O
R
N
2
01
5
Ég sit árla morguns með kaffiboll-
ann minn og gef gætur að myrkr-
inu úti fyrir. Aðventan er handan
við hornið og íbúar bæjarins eru í
óða önn að lýsa upp skammdeg-
ið, prýða hús sín og umhverfi. Ég
leiði hugann að bernskujólum mín-
um en þessi árstími hefur alltaf ver-
ið í miklu uppáhaldi hjá mér. Oft á
tíðum var stutt liðið á haustið þeg-
ar ég fór að finna fyrir tilhlökkun
til jólanna. Ég var mikið jólabarn
og tók virkan þátt í undirbúningi
jólanna á mínu æskuheimili. Ég var
vart komin heim í jólafrí þegar jóla-
tónlistin var hækkuð í botn, sápu-
vatnið blandað og hafist var handa
við jólaþrif og annan undirbúning.
Í ýmis horn var að líta á stóru heim-
ili og móðir mín hjálpinni fegin.
Ég naut aðdraganda jólanna og
á góðar minningar þeim tengdum.
Þegar ég leyfi huganum að reika og
baða mig í minningum jólanna þá
sé ég alltaf fyrir mér smákökurnar
hennar mömmu. Þeim er fallega
raðað á fat og af þeim skín einhver
hátíðarljómi og eru mér einhvers-
konar kærleikstákn jólanna. Þeg-
ar ég var barn voru smákökurnar
geymdar fram að jólum og minn-
ingin um smákökufatið í eldhús-
inu á jóladagsmorgun yljar þægi-
lega. Þessi minning varð til í kring-
um 1980 en síðan þá hefur samfé-
lagið allt tekið miklum stakkaskipt-
um. Það kemur fyrir að ég velti því
fyrir mér hvort upplifun barnanna í
dag beri minni keim af heilagleika
jólanna. Stundum hef ég fengið á
tilfinninguna að búið sé að gjald-
fella jólin, þessa einstöku upplif-
un sem ég tengdi við. Ég hef spurt
mig að því hvort hinn sanni jóla-
andi hafi orðið undir í samkeppni
við stífa skemmtidagskrá og kaup-
æði á aðventunni. Einnig hvort að-
dragandi jóla, sem ég upplifði með
mikilli eftirvæntingu, standist sam-
anburð við lífsmáta okkar allt árið
um kring. Stundum upplifi ég
samfélagið allt á fleygiferð, reyna
að toppa einhverjar fyrri upplifan-
ir, gera meira, vera víðar. Ég get
ekki fullyrt að sú sé raunin en upp-
lifunin er mín. Allt er breyting-
um háð og margt af því sem áður
taldist fágætt og hátíðlegt er orðið
afar hversdagslegt. Þrátt fyrir það
skynja ég ekki minni eftirvæntingu
til jóla hjá börnum í dag en ég upp-
lifði sjálf í minni bernsku. Venjur
eru aðlagaðar og við leggjum okkur
fram um að skapa jólaanda og ljúf-
ar minningar fyrir börnin og okkur
sjálf. Gott veganesti sem vert er að
hafa í huga þegar við skipuleggjum
jólaundirbúninginn er það að ekki
er þörf á flóknum aðgerðum til að
brjóta upp aðventuna. Það nærtæk-
asta er oft það dýrmætasta. Að vera
til staðar í tíma og rúmi er lykill-
inn að hátíðlegum minningum sem
standast allan samanburð.
Gleðileg jól!
Ásta Kristín Guðmundsdóttir
Borgarnesi
Jólakveðja úr Borgarnesi
Allt er breytingum háð