Skessuhorn - 19.12.2018, Blaðsíða 99
MIÐVIKUDAGUR 19. DESEMBER 2018 99
Pennagrein
Í nýsamþykktri fjárhagsáætlun
Borgarbyggðar eru augljós merki
þess að nú sé komið að Borgar-
byggð að hefja uppbyggingu í sinni
víðustu mynd. Viðbyggingar og
endurbætur á skólamannvirkjum
eru áberandi í framkvæmdaráætlun
sem og uppbygging annarra inn-
viða eins og ljósleiðara í dreifbýli.
Þá er mikil áhersla lögð á skipu-
lagsmál, upplýsinga- og kynning-
armál um leið og tekin eru ákveð-
in en varfærin skref í lækkun fast-
eignaskatta.
Efla á skipulagsmál og
kynna lóðir
Vinna við að efla stjórnsýslu skipu-
lagsmála, bæta verkferla og hraða
afgreiðslu mála er þegar hafin og er
gert ráð fyrir að fjölga starfsfólki á
skipulagssviði og innleiða umbóta-
miðað gæðastarf. Eins er húsnæð-
isáætlun sem greinir þörfina fyr-
ir tegund húsnæðis nú í vinnslu.
Skipuleggja á fleiri svæði en þau
þurfa að gera ráð fyrir fjölbreytt-
um möguleikum fyrir búsetu og
atvinnustarfsemi vítt og breytt um
sveitarfélagið. Hafin verður vinna
við rammaskipulagi fyrir Brák-
arey og Hamars- og Kárastaða-
land þar sem íbúar verða virkjað-
ir við hugmyndavinnuna. Í fram-
haldinu verður vinnan og reynslan
metin og stefnt að því að fara í gerð
rammaskipulags á fleiri svæðum í
sveitarfélaginu. Rammaskipulag er
kjörin leið til að greina möguleika
til uppbyggingu svæða og þéttingu
byggðar án þess að um endanlega
ákvörðun um útlit, stærðir eða nýt-
ingu sé að ræða.
Átak í upplýsinga- og
kynningarmálum
Það er sérstaklega ánægjulegt að
í þessari fjárhagsáætlun sé auk-
in áhersla lögð á upplýsinga- og
kynningarmál. Stofna á nýja at-
vinnu-, markaðs- og menningar-
málanefnd en sú nefnd gæti unnið
í að efla og kynna það góða menn-
ingarstarf sem unnið er, vinna með
grasrótinni í tengslum við hátíðir
og frumkvöðlastarf og móta skýr-
ari stefnu í atvinnumálum svo eitt-
hvað sé nefnt. Ný heimsíða Borg-
arbyggðar mun líta dagsins ljós sem
verður notendavænni og aðgengi-
legri. Rafræn stjórnsýsla verður
efld svo hægt verði að flýta fyrir og
einfalda afgreiðslu erinda. Með ný-
samþykktri stefnu um upplýsinga-
mál og íbúasamráð verður unnið
á markvissari hátt að þeim málum.
Miðlun upplýsinga getur jafnframt
þjónað þeim tilgangi að markaðs-
setja svæðið og stuðla að jákvæðri
ímynd. Þannig getum við vakið at-
hygli á því hversu ákjósanlegur bú-
setukostur Borgarbyggð er.
Lækkun fasteignaskatta
og langtímamarkmið í
fjármálum
Í fjárhagsáætlun fyrir 2019 eru tek-
in fyrstu skrefin í að lækka fast-
eignaskatta í Borgarbyggð og gera
þannig sveitarfélagið að samkeppn-
ishæfari kosti til búsetu. Mikil-
vægt er að halda áfram á þeirri leið
og hefur meirihluti sveitarstjórn-
ar fullan hug á því. Auk þess er til
skoðunar að endurskoða reglur um
gatnagerðargjöld. Samhliða vinnu
við fjárhagsáætlun hefur verið unn-
ið að langtímamarkmiðasetningu í
fjármálum sveitarfélagsins í verk-
efni sem kallað hefur verið „Brúin
til framtíðar“. Að þeirri vinnu hefur
öll sveitarstjórn komið og ánægju-
legt hversu samstíga hópurinn hef-
ur verið í að setja sér þessi mark-
mið. Sú vinna hefur leitt í ljós að
sveitarfélagið er vel í stakk búið til
að takast á við þá fjárfestingaþörf
sem hefur safnast upp ef festu og
aðhaldi í fjármálum verður fram-
haldið. Það er því óhætt að segja
að nú sé komið að Borgarbyggð að
nýta tækifærin sem eru fjölmörg og
spennandi.
Magnús Smári Snorrason
Höf. er sveitarstjórnarfulltrúi í
Borgarbyggð og formaður fræðslu-
nefndar
Nú er komið að Borgarbyggð
Skallagrímur sigraði Snæfell,
90-87, í æsispennandi framlengd-
um Vesturlandsslag í Vesturlands-
slag Domino‘s deildar kvenna í
körfuknattleik. Leikið var í Borg-
arnesi á miðvikudagskvöld.
Leikurinn var jafn og spennandi
frá fyrstu mínútu. Liðin fylgdust
að hvert fótmál í upphafsfjórð-
ungnum og Skallagrímur leiddi
með einu stigi að honum loknum,
28-27. Snæfell náði góðum spretti
um miðjan annan leikhluta og
komst mest níu stigum yfir í stöð-
unni 34-43. Þá tóku Skallagríms-
konur góða rispu og minnkuðu
muninn í eitt stig áður en flautað
var til hálfleiks. Snæfell leiddi með
einu stigi í hléinu, 44-45.
Áfram var leikurinn í járnum
eftir hléið. Til marks um það mun-
aði aldrei meira en fjórum stigum
á liðunum í þriðja leikhluta og
Skallagrímur leiddi með tveim-
ur fyrir lokafjórðunginn, 60-58.
Sá var kaflaskiptur en æsispenn-
andi. Skallagrímur byrjaði af mikl-
um krafti og komst í 66-58. Snæ-
fell svaraði fyrir sig og komst að
lokum í 71-77 þegar tvær mín-
útur lifðu leiks. En þá var kom-
ið að þætti Shequila Joseph, sem
skoraði átta stig fyrir Skallagrím á
lokamínútunum, á meðan Snæfell
skoraði tvö stig. Síðustu tvö stig-
in skoraði Shequila af vítalínunni
á lokasekúndu leiksins þegar hún
jafnaði í 79-79 og því varð að grípa
til framlengingar. Þar höfðu Borg-
nesingar yfirhöndina þó Snæfells-
konur væru aldrei langt undan.
Skallagrímur innsiglaði sigurinn
með þriggja stiga skoti á lokamín-
útunni og lokatölur urðu 90-87
eftir æsispennandi leik.
Shequila Joseph átti stórleik
fyrir Skallagrím og setti upp ris-
atvennu. Hún skoraði 35 stig og
reif niður 25 fráköst. Sigrún Sjöfn
Ámundadóttir skoraði 17 stig og
tók sex fráköst, Bryesha Blair skor-
aði 15 stig og gaf sjö stoðsending-
ar og Ines Kerin skoraði tólf stig
og gaf níu stoðsendingar.
Kristen McCarthy var atkvæða-
mest í liði Snæfells, skoraði 35
stig, tók átta fráköst, gaf átta stoð-
sendingar, stal fjórum boltum og
varði fjögur skot. Angelika Ko-
walska skoraði 17 stig og gaf sex
stoðsendingar, Gunnhildur Gunn-
arsdóttir var með 14 stig og fimm
stolna bolta og Berglind Gunnars-
dóttir skoraði tíu stig.
Staða liðanna í deildinni er þann-
ig að Snæfell er í öðru sæti deild-
arinnar með 18 stig, jafn mörg og
KR í sætinu fyrir neðan og Kefla-
vík í sætinu fyrir ofan. Skallagrím-
ur er í sjötta sæti með átta stig,
fjórum stigum á eftir Val en tveim-
ur stigum fyrir ofan Hauka.
Næsti leikur Skallagríms er gegn
KR í Borgarnesi í kvöld, miðviku-
daginn 19. desember. Á sama tíma
hefst leikur Snæfells og Hauka í
Stykkishólmi.
kgk
Æsispennandi
Vesturlandsslagur
Bryesha Blair fer framhjá Kristen McCarthy í leiknum á miðvikudag.
Ljósm. Skallagrímur.
Snæfell tók á móti Fjölni í 1. deild
karla í körfuknattleik á fimmtudags-
kvöld. Leikurinn var jafn og spenn-
andi þar til gestirnir sigu fram úr
seint í leiknum og sigruðu að lokum
með 17 stigum, 67-84.
Fjölnir byrjaði leikinn betur og
komst í 6-17 um miðjan upphafs-
fjórðunginn. Snæfell náði þá góðri
rispu og minnkaði muninn í fimm
stig en gestirnir áttu lokaorðið í fyrsta
leikhluta og leiddu með átta stigu að
honum loknum, 17-25. Snæfelling-
ar byrjuðu annan leikhluta af krafti.
Þeir skoruðu tíu stig í röð, náðu for-
ystunni og leiddu næstu mínúturn-
ar. Fjölnir jafnaði metin en Snæfell
tók forystuna að nýju og leiddi með
þremur stigum í hálfleik, 41-38.
Þriðji leikhluti var jafn og spenn-
andi. Gestirnir náðu forystunni
snemma en Snæfellingar komu til
baka seint í leikhlutanum og kom-
ust yfir að nýju. Þá tók Fjölnir góða
rispu og leiddi með tíu stigum fyrir
lokafjórðunginn, 55-65. Þá forystu
létu gestirnir aldrei af hendi. Þeir
héldu baráttuglöðum Snæfellingum
í skefjum til í fjórða leikhluta en juku
muninn smám saman til leiksloka.
Fjölnir sigraði, 67-84.
Dominykas Zupkauskas átti stór-
leik í liði Snæfells. Hann skora í 30
stig, gaf fimm stoðsendingar og stal
hvorki fleiri né færri en níu boltum.
Darrel Flake skoraði tólf stig og tók
níu fráköst og Rúnar Þór Ragnars-
son var með tíu stig.
Daníel Bjarki Stefánsson var betri
en enginn í liði gestanna, skoraði 32
stig, reif niður 19 fráköst og varði sex
skot. Vilhjálmur Theodór Jónsson
skoraði 13 stig og tók fimm fráköst
og Srdan Stojanovic skoraði tíu stig.
Ungt og efnilegt lið Snæfellinga
er enn stigalaust á botni deildarinnar
en miðað við hve mikið liðinu hefur
farið fram undanfarin misseri er að-
eins tímaspursmál hvenær liðið nær
fyrsta sigrinum. Snæfell leikur næst
föstudaginn 21. desember næst-
komandi, þegar liðið mætir Hamri í
Hveragerði.
kgk/ Ljósm. úr safni/ sá.
Snæfellingar töpuðu
gegn Fjölni