Hlynur - 15.01.1956, Side 9

byli ,og víða mikið ræktað. Virðist
þar sem annars staðar í Breiðdal vera
mjög* búsældarlegt.
I fallegum hvammi meðfram ánni
var kvöldmatur snæddur. Ræddi fólkið
saman um það sem fyrir augu hafði
borið á ferðinni. Hafði einn tekið eftir
þessu og annar hinu. Kom það mjög vel
í ljós .að fólk er misjafnlega eftirtekt-
arsamt. Þegar komið var á vegarenda
var snúið til baka, og ekið út í Breið-
dalsvík, og voru athugaðir allir hlutir.
Þar á meðal nýtt verzlunarhús, sem
kaupfélagið þar er að ljúka við smíði á
og að nokkrum hluta er tekið í notkun.
Má lieita að þar sé engin kaupmanna-
verzlun, og kom fólkinu saman um, að
hér væri það eins og það ætt að vera,
enginn kaupmaður.
Eftir nokkra stund á Bre.ðdalsvík
var ekið til baka inn að samkomu-
húsinu, sem er rétt við veginn, um 5
km. frá Breiðdalsvík. Voru þar komnir
kaupfé’agsstjórarnir frá Djúpavogi og
Hornafirði með nokkuð af .sánu útvalda
liði. Þar voru komnir harmoniku-
spilarar ofan af Fljótsdalshéraði, sem
þykja lagnir að skemmta og sæmilega
sætir. Síðan streymdi unga fólkið úr
sveitinni að, og eftir nokkra stund
féllust allir í faðma og dansinn dun-
aði og svall langt fram á nótt. Þegar
dansinum lauk óku allir heim, nema
við langferðafólkið, sem svaf fram á
morgun í samkomuhúsinu.
Kaupfélagsstjórinn okkar var með í
ferðinni. Gisti hann hjá prestinum í
Heydölum, skammt frá samkomuhús-
inu. Kom hann tímanlega um morgun-
inn, og tilkynnti að nú skyldi dagur-
inn, sem var sunnudagur og sólríkur
og góður sem aðrir dagar, notast vel.
Fyrst var ekið suður að Þiljuvöllum á
Berufjarðarströnd. Þar beið mótorbát-
ur, sem kaupfélagið á Djúpavogi
sendi eftir okkur ,og flutti okkur til
Djúpavogs. Stillilogn var á firðinum.
Þegar að bryggju var komið tók
starfsfólk kaupfélagsins á Djúpavogi á
móti okkur, og sýndi okkur kaupfélag-
Sligið um borð í „Arnarey“ á Þilju-
völlum
ið, kirkjuna, skólann og umhverfi
staðarins. Síðan bauð kaupfélagsstjór-
inn öllum upp á ágætis kaffi, og var
okkur eftir tveggja tíma viðdvöl fylgt
á bryggju, og þar kvöddum við hið
ágæta fólk á Djúpavogi. Þökkuðum
við vel fyrir móttökuniar og hróp-
uðum húrrá fyrir Kaupfélagi Djúpa-
vogs. Sigldum á sæinn, þvert yfir
fjörðinn, með hraði í bílana og ók-
um aftur að samkomuhúsi Breiðdæl-
inga. Kaupfélag Héraðsbúa hafði útbú-
ið okkur með miklu nesti. Ték nú
kvenfólkið sig til og matreiddi ágætan
miðdag. A l>orðum var hangikjöt af
Brúaröræfum, ávaxtagrautur, rjómi og
margt fleira. Allir voru glaðir og
saddir.
Kl. 5 var ekið af stað, sömu leið
heim. Mjög var glatt í bílnum, mikið
sungið og rifjuð upp smá æfintýri, er
fyrir höfðu komið og ekki eru skrá-
sett.
Til Reyðarfjarðar var komið um kl.
12 um kvöldið, enginn þreyttur, allir
glaðir og ánægðir og (11 þökkum við
Kaupfélagi Héraðsbúa fyrir þessa á-
gætu ferð. Sams konar j)akklæti send-
um við Breiðdælingum og þeim á
Djúpavogi fyrir hinar ágætu við-
tökur.
Einn á aftasta bekk.
9