Hlynur - 15.07.1956, Page 2
Samræmum störfin
Mörg þeirra starfa, sem unnin eru í
kaupfélögunum um land allt eru af
sama toga spunnin, og hljóta því að
vera leyst af hendi með líkum starfs-
háttum. Full ástæða er þó til þess, að
félögin kynni starfshætti sína hvert fyr-
ir öðru, og að þeir séu samræmdir í
Ijósi þeirra staðreynda, sem fram kunna
að koma.
I þessu hefti Hlyns hefst nýr þáttur
undir nafninu Hagnýt vinnubrögð. Þátt-
urinn er ætlaður starfsfólki kaupfélag-
anna, til að kynna starfshætti sína, er
vonandi að hann fái góðar undirtektir
þess, og að það sendi þessum vettvangi
stuttar greinar um störfin.
Bjami P. Jónasson, skrifstofustjóri
bókhaldsdeildar SIS, ritar fyrstu grein-
ina í þætti þessum og það er raunar
Bjarni, sem á frumlcvæði hans. Greinin
fjallar um frumbókanotkun kaupfélag-
anna, og er tillaga um hvernig haga
mætti þeim störfum. Þar segir þó, að
vafalaust séu til aðrir, og ef til vill
betri starfshættir, hvað þetta snertir,
og eru kaupfélögin hvött til að láta
heyra frá sér um málið.
Það virðist ærin ástæða til að gefinn
sé gaumur að þessum málum, og reynt
verði að samræma störfin eftir megni.
Skal hér að lokum tekið lítið dæmi hér
að lútandi; Hlynur aflaði sér nokkurra
upplýsinga hjá Prentsmiðjunni Eddu,
um kostnaðarhliðina á prentun frum-
bóka, en Edda prentar þær fyrir flest
öll kaupfélögin og Sambandið. Kom þá
í Ijós, að verð bókanna er mun hærra
til kaupfélaganna og er ástæðan sú, að
svo til hvert kaupfélag lætur prenta sína
sérstöku gerð og því að vonum í litlu
upplagi. Ef kaupfélögin hins vegar væru
öll með eins bækur, væri hægt að
prenta þær í stóru upplagi og yrði verð
þeirra mun lægra, allt að fjórum eða
fimm sinnum.
Knútur Hafsteinn Zimsen lézt á
sjúkrahúsi í Danmörku 17. júní síðast-
liðinn.
Hafsteinn fæddist í Reykjavík 9.
febrúar 1931 og
var sonur Onnu
og Knud Zimsen,
fyrrverandi borg-
arstjóra. Hafsteinn
lauk stúdentsprófi
frá Verzlunarskóla
Islands 1951 og hóf
störf hjá véladeild
SIS þá um haust-
ið. Starfaði hann
í bílabúðinni að
Hringbraut 119
fram til áramóta 1953—’54, en þá sigldi
hann til Danmerkur og dvaldist eitt ár
í Höfn, við frekari nám viðvíkjandi
störfum sínum hjá SIS.
Hafsteinn kvæntist 13. des. 1954 eft-
irlifandi konu sinni Ullu Frímann, fædd
Hansen. Attu þau einn son ársgamlan.
Knud Kristján Zimsen, auk þess einn
kjörson, Mikkael, 5 ára gamlan.
Hafsteinn heitinn var léttur í lundu,
drengur hinn bezti og hvers manns hug-
Ijúfi. Þungur harmur er kveðinn eftir-
lifandi konu hans og börnum, færir
Hlynur þeim sínar dýpstu samúðar-
kveðjur og allra hans samstarfsmanna.
Hafsteinn Zimsen
Hafsteinn Zimsen
2