Hlynur - 15.07.1956, Blaðsíða 3

Fyrrum komu skútur með vörur til félagsins, lögðust þær undan landi, en vörunum var
róið til lands í uppskipunarbátum. Erlendur Björnsson, föðurafi Erlendar Einarssonar,
smíðaði þennan bát fyrir kaupfélagið og var hann notaður við vöruuppskipun í mörg
ár. Nú er öldin önnur; „Farsæll“ er löngu í hróf settur, en bifreiðir annast alla að-
drætti fyrir kaupfélagið. Forsíðumyndin er tekin á bifreiðaverkstæði þess í Vík.
Hálfrar aldar afmæli Kaupfélags Skaftfeliinga
Kaupfélag Skaftfellinga minntist ný-
lega hálfrar aldar starfssögu, en það var
stofnað 14. júlí 1906. Afmælishófið var
að Kirkjubæjarklaustri, kom þangað
fjölmenni úr sýslunni og fjöldi aðkomu-
gesta, þar á meðal forstjóri SIS, Erlend-
ur Einarsson, og kona hans.
Hæðumenn í hófinu minntust þess,
hversu mikilvæg lyftistöng kaupfélagið
hefir verið sýslunni. Þeir minntust sér-
stæðrar og hrífandi sögu félagsins,
hvernig það hafði hjálpað til að sigrast
á erfiðleikunum á öllum sviðum. Saga
félagsins er samslungin sögu fólksins í
sýslunni.
Kaupfélagsstjórar K.S. hafa verið þeir
Bjarni Kjartansson, Þórður Pálmason,
Sigurjón Kjartansson og Oddur Sigur-
bergsson, sem stýrir því nú. I núver-
andi stjórn félagsins eru: Siggeir Lárus-
son, Kirkjubæjarklaustri, formaður, 01-
afur H. Jónsson, Eystri-Sólheimum, Sig-
fús H. Vigfússon, Geirlandi, Sigurjón
Arnason, Pétursey og Sigursveinn
Sveinsson, Norður-Fossi.
Oddur Siggeir
3