Hlynur - 15.08.1956, Blaðsíða 8
Fyrsta landsmót samvinnumanna var
sótt af samvinnumönnum víðs vegar af
landinu. Það fór vel fram og var fjöl-
þætt og skemmtilegt. Mótið hófst laug-
ardagskvöldið 4. ágúst með ávarpi for-
manns undirbúningsnefndar, Harry
Frederiksen. Síðan voru flutt skemmti-
atriði og dansað fram yfir miðnætti.
Sunnudagurinn hófst með guðþjónustu,
séra Bergur Björnsson prédikaði, kirkju-
kórar Borgarness og Hvammskirkju
sungu, stjórnandi Halldór Sigurðsson.
Erlendur Einarsson, forstjóri SIS, setti
þessu næst mótið með ræðu. Þá fóru
fram íþróttasýningar og almennur scng-
ur, honum stjórnaði Oskar Jónsson frá
Vík. Lið frá Kf. Suðurnesja, Kf. Árnes-
inga, Kf. Húnvetninga, KEA og SIS
kepptu í knattspyrnu. Kf. Suðurnesja
sigraði. Um kvöldið var svo kvöldvaka.
Þar flutti Þórður Pálmason, kaupfélags-
stjóri, ávarp, þekktir skemmtikraftar
komu fram og háðar voru kappræður,
sigraði þar Páll H. Jónsson, kennari, en
aðrir þátttakendur voru Andrés Krist-
jánsson^ blm., Halldór E. Sigurðsson,
alþm., Oskar Jónsson, fltr. og Þorleifur
Bjarnason, námsstjóri. Á mánudag var
dansað frá kl. 2—4 e. h. og mótinu
síðan slitið.
M YNDASIÐAN
Efsta röð f. v.: Erlendur Einarsson, for-
stjóri, séra Bergur Björnsson, kirkjukór-
inn. — Önnur röð: Fólk að leik, Þórður
Pálmason, Oskar Jónsson. — Þriðja
röð: Dómnefnd kappræðnanna; Gunnar
Grímsson, Ragnar Pétursson og Hálfdán
Sveinsson brosa við sigurvegaranum,
sem er yzt til hægri. — Fjórða röð:
Þrír kappræðumannanna: Þorleifur,
Halldór og Andrés. — Fimmta röð:
Páll Hannesson, verkfræðingur, hann sá
um uppsetningu mótsins, fimleikaflokk-
ur KR, Harry Frederiksen. — Neðst
getur að líta danspallinn og flóksfjöld-
ann í kring á sunnudag. (Ljósmyndari
Sveinn Sæmundsson, blm.).
8