Hlynur - 15.12.1956, Blaðsíða 12
Fyrsta verzlun
Þorlákshafnar er
samvinnuverzlun
Kaupfélag Arnesinga opnaði nýlega
myndarlega verzlun í nýju verzlunar-
húsi í Þorlákshöfn. Er þetta jafnframt
fyrsta verzlunin, sem þar er rekin. —
Verzlunarhúsið er 130 ferm. að stærð
og er verzlunin rúmgóð og vistleg. —
Verzlunin skiptist í eftirfarandi deildir:
vefnaðarvöru-, búsáhalda-, glervöru-,
skó-, matvöru- og verkfæradeildir.
Verzlunarstjóri er Þormóður Jónsson.
Starfsfólk útibúsins, Þormóður Jónsson,
verzlunarstjóri og Guðbjörg Magnúsdóttir.
URSLIT
getraunarinnar
Það bárust þó nokkrar tilgátur við-
víkjandi spurningu Hlyns um tvíbura-
systurnar. Systurnar hafa tjáð blaðinu,
að það sé Olafía, sem sé til vinstri, en
Guðrún til hægri (nær miðju opnunn-
ar). Sá heppni var Jóhannes Jörundsson,
fjármáladeild SIS, og má hann vitja
verðlaunanna til blaðsins.
Meðfylgjandi ljóð og neðanskráðar
skýringar, sendi Rúnar Einarsson, raf-
magnsverkstæði SIS. Tilgáta hans er
röng, en kvæðið er ágætt og munu les-
endur hafa gaman af því.
TVÍBURASYSTURNAR
Líkt og þýður léttur blær
lít ég fríðar skútur tvær
saman líða’ um sundin tær,
sama smíð á báðum.
Svipur blíður báðar þær
bjartur prýðir, hreinn og skær.
Er í víðu veldi sær
vinda hlíðir ráðum.
I fögrum línum fleytum hjá,
finnst mér gríni blandin þrá
glettin skína’ af beggja brá.
Þær brosa í sínum svefni.
Á þeim fínan mun má sjá
meðan hvín í reiða, og rá,
hærra sýnist ávallt á
Olafínu stefnið.
Þar af ræð ég, að Olafína standi
innar á myndinni.
HEILLAÓSKIR
Nýlega voru gefin saman í hjóna-
band ungfrú Vildís K. Guðmundsson,
starfstúlka hjá Samvinnutryggingum og
Arni Edwinsson, skrifstofumaður.
i
12