Hlynur - 15.01.1966, Blaðsíða 12
Forstöðumaður
starfsmannahalds
Jón Arnþórsson
hefur að sinni
látið af störfum
hjá SÍS og mun
dveljast erlendis
næstu árin. í
stað hans hefur
Gunnar Gríms-
son verið ráðinn
fulltrúi forstjóra
og jafnframt for-
stöðum. starfs-
mannahalds SIS.
— Gunnar er fæddur að Húsavík við
Steingrímsfjörð 9/2 1907. Hann nam
búfræði við Hvanneyrarskóla, var
bankaritari á Eskifirði 1934—37,
kaupfélagsstjóri á Skagaströnd
1937—55 og kennari við Samvinnu-
skólann Bifröst 1955—62, er hann
flutti til Reykjavíkur og tók við
störfum hjá Sambandinu þar. —
Kvæntur er Gunnar Sigurlaugu
Helgadóttur.
Aðalfundur FSSA
Framh. af bls. 4.
að lög félagsins yrðu endurskoðuð
og urðu fundarmenn sammála um
að kjósa nefnd til þsss. í hana voru
kjörnir:
Friðjón Guðröðarson, Guðgeir Ág-
ústsson, Þórir Gunnarsson.
Þá var rætt um félagsstarfsemi og
þörf á að efla hana. Var stjórninni
falið að fara þess á leit við Ásgeir
Magnússon framkvæmdastj., að fé-
lögunum yrðu leyfð afnot af „turn-
herberginu" til félagsstarfsemi.
Fleira var ekki tekið fyrir og
fundi slitið.
Árni Sigurbjörnsson.
Árshátíð
SF/SfS 1965
Árshátið Sf/SÍS, Reykjavik, var
haldin á Hótel Borg 27. nóvember
sl. og var að venju fjölsótt og með
miklum myndarbrag. Veizlustjóri
var Daníel Halldórsson, formaður
Starfsmannafélags SÍS. Ræður fluttu
Erlendur Einarsson, forstjóri SIS, og
Leifur Unnar Ingimarsson, sölumað-
ur hjá Iðnaðardeild. Þá afhenti for-
stjóri tuttugu og fimm ára starfs-
mönnum silfurmerki SIS. Sigurveig
Hjaltested, óperusöngkona, söng
nokkur löq og Karl Einarsson leik-
ari fór með gamanþátt. Að loknu
borðhaldi var svo dans stiginn af
miklu fjöri.
Meðfylgjandi myndir tók Kári
Jónasson á skemmtuninni. Á þeirri
efstu sjáum við þau (t. f. v.), Gunn-
ar Grímsson, forstöðumann Starfs-
mannahalds SÍS og konu hans, Sig-
urlaugu Helgadóttur, Jón Sigurðsson
kaupféiagsstjóra á Brúarlandi, og
konu hans Lilju Sigurðardóttur,
Skúla Ólafsson, deildarstjóra í Bú-
vörudeild, Jóhann Steinsson, fuli-
trúa og Freygerði Pálmadóttur, skrif-
stofustúlku í sömu deild. Miðmynd:
Sören Jónsson, deildarstjóri Vefn-
aðarvörudeildar, og kona hans Anna
Sigurðardóttir og Reimar Charles-
son, deildarstjóri Búsáhaldadeildar
og kona hans Erna Hartmannsdótt-
ir. Neðsta mynd: Guðrún Þorvaids-
dóttir, skrifstof ustúlka hjá Birgða-
stöð StS og Jónína Pétursdóttir,
Byggingavörudeild.
12 HLYNUR