Hlynur - 15.08.1966, Blaðsíða 2
V erzlunarkennsla
Áður hefur verið á það bent
hér í blaðinu og eins í Samvinn-
unni, að sjá má gleðilegan vott
þess að undanförnUj að menntun
verzlunarfólks og kunnátta við
hvers konar verzlunarstörf er
meira metin, bæði af fyrirtækj-
um og viðskiptamönnum, heldur
en áður var. Þá er hitt ekki síð-
ur gleðilegt að þess gætir í vax-
andi mæli, að verzlunarfólkið
sjálft sýni vaxandi áhuga á að
afla sér framhaldsmenntunar og
reynslu til þess að verða enn
betur vandasömum störfum vax-
ið.
Samvinnuhreyfingin og kaup-
mannastéttin hafa um marga ára-
tugi sýnt myndarlegt framtak i
því að reka skóla fyrir verzlunar-
fólk, Samvinnuskólann og Verzl
unarskóla íslands. Nú á síðustu
árum eru hins vegar vaxandi um-
ræður um það, að verzlunarstörf
séu svo þýðingarmikill þáttur í
þjóðlífinu og geri slíkar kröfur
til tækni og kunnáttu, að með
öllu sé eðlilegt, að verzlunar-
menntun sé felld á einhvern hátt
inn í skólakerfi landsins, að þjóð-
félagið sem slíkt leggi þar miklu
meira af mörkum en hingað til.
Það mundi þó ekki breyta neinu
um það, að sérstefna í verzlunar-
málum eins og samvinnuhreyf-
ingin yrði að sjá sínu starfsfólki
fyrir menntun í öllu því, sem
sérstakt er fyrir samvinnuverzl-
un.
Á meðan þessar breytingar
hafa ekki verið gerðar á fræðslu
kerfi þjóðfélagsins, verða þeir,
sem verzlun reka og starfsfólkið
sjálft, að sjá sér farborða, eins
og hingað til, nema í sívaxandi
mæli og á víðara vettvangi. En
menntun er meira en skólaganga
Menntun er fólgin í því að vera
að læra allt sitt líf af hugviti
sínu, af reynslunni, af starfsfé-
lögum og af þeim kröfum, sem
lífið og starfið gera til manna,
þar á meðal í þessu tilfelli við-
skiptavinirnir, sem koma dag-
lega í búðir og á skrifstofur og
eiga þar kröfu á þjónustu og fá
hana, hvort sem hún er góð eða
léleg. Lífið er mikill skóli, ef
rétt er á haldið.
Skólagangan í lífinu sjálfu er
oft nefnd sjálfsmenntun. Að und-
anförnu hefur Hlynur gert til-
raun í þá átt, að koma til móts
við þá lesendur sína, sem áhuga
hafa á sjálfsmenntun, með því að
birta þáttinn Vörurýrnun, sem
er eins konar námskeið í þeim
þætti búðarstarfa. Blaðið mun
reyna að halda áfram á sömu
braut, eftir því sem það getur.
Margt er fleira, sem miklu varð-
ar í verzlunarstörfum og hægt er
að læra utan skóla, en sem verzl-
unarfólkið á þá líka fullan rétt
á að fá hjálp til að læra, ef unnt
er að veita þá hjálp. Allt búða-
fólk getur lært að umgangast
viðskiptavini af kurteisi, vinsemd
og hjálpsemi, án þess að hafa átt
kost á skólagöngu. Skrifstofu-
fólk sömuleiðis. f þessari tækni
viðskiptalífsins er miklu ábóta-
vant, þótt margt starfsfólk kunni
hana líka með ágætum. Búða-
stjórar eiga ekki að þurfa skóla-
Framhald á bls. 14.
«
2 HLYNUR